Lukas 1:68 - Die Bybel 2020-vertaling

⁶⁸ “Lofwaardig is die Here, die God van Israel, want Hy het omgesien na sy volk en hulle bevryding bewerkstellig.

Bybel vir almal

⁶⁸ Ons prys die Here, die God van Israel, want Hy het na sy volk toe gekom en Hy het hulle vrygemaak.

Afrikaans 1933-1953

⁶⁸ Geloofd sy die Here, die God van Israel, omdat Hy sy volk besoek het en vir hulle verlossing teweeggebring het,

Afrikaans 1983

⁶⁸ “Lofwaardig is die Here, die God van Israel, want Hy het sy volk in genade opgesoek en vir hulle verlossing bewerk.

Contemporary Afrikaans Bible 2023

⁶⁸ Geloofd sy die Here, God van Israel; want Hy het sy volk besoek en verlos,

Die Boodskap

⁶⁸ “Loof die Here, die God van Israel! Hy het na sy volk toe gekom. Hy het hulle kom verlos. God het ’n magtige Redder na ons toe gestuur.

Nuwe Lewende Vertaling

⁶⁸ “Prys die Here, die God van Israel, want Hy het sy volk opgesoek en hulle gered.

Lukas 1:68 Kruisverwysings

Genesis 14:20

God, die Allerhoogste, moet geprys word, Hy wat jou teenstanders in jou hand oorgelewer het.” Abram het toe vir hom 'n tiende van alles gegee.

Genesis 24:27

en gesê: “Die Here, die God van my heer Abraham, moet geprys word, Hy wat sy liefde en trou nie van my heer weerhou het nie. Wat my betref: Die Here het my gelei op die pad na die huisgesin van my heer se broer. ”

Genesis 9:26

Hy het ook gesê: “Die Here, die God van Sem, moet geprys word! Kanaän moet Sem se slaaf wees.

1 Konings 1:48

hy het ook gesê, ‘Die Here, die God van Israel, moet geprys word, Hy wat dit so beskik het dat iemand vandag op my troon sit, terwyl ek dit met my eie oë sien.’ ”

1 Konings 8:15

het hy gesê: “Die Here, die God van Israel, moet geprys word, wat met sy mond met my vader Dawid gepraat het, en met sy hand die volgende woorde vervul het,

1 Kronieke 29:10

Daarop het Dawid die Here ten aanskoue van die hele geloofsgemeenskap geprys. Dawid het gesê: “U moet geprys word, Here, God van ons vader Israel, van altyd af en vir ewig.

1 Kronieke 29:20

Toe het Dawid vir die hele geloofsgemeenskap gesê: “Prys dan die Here julle God!” Daarop het die hele geloofsgemeenskap die Here, die God van hulle voorouers, geprys. Hulle het gekniel en in eerbied gebuig voor die Here en die koning.

Psalms 106:48

Lofwaardig is die Here, die God van Israel, van ewigheid af en vir ewig. Die hele volk moet sê: “•Amen! Halleluja!”

Psalms 111:9

Verlossing het Hy vir sy volk gestuur. Hy het sy verbond vir ewig voorgeskryf. Heilig en ontsagwekkend is sy Naam.

Psalms 130:8

Dit is Hy wat Israel bevry van al sy sondeskuld.

Psalms 41:13

Wat my betref, omdat ek onberispelik is, ondersteun U my. U laat my altyd in u teenwoordigheid staan.

Eksodus 4:31

en die volk het geglo. Toe hulle hoor dat die Here aandag gee aan die Israeliete en dat Hy hulle ellende raakgesien het, het hulle gekniel en in aanbidding gebuig.

Lukas 1:71

verlossing van ons vyande en uit die hand van almal wat ons haat.

Lukas 19:44

Hulle sal jou en jou kinders met die grond gelyk maak. Hulle sal nie een klip in jou op die ander laat bly staan nie, omdat jy nie hierdie beslissende tyd toe God jou besoek het, herken het nie.”

Lukas 2:38

Juis op daardie oomblik het sy nader gekom en God gedank, en met almal wat na die bevryding van Jerusalem uitgesien het, oor die Kindjie gepraat.

Lukas 24:21

Ons het bly hoop dat dit Hy is wat Israel gaan verlos. Maar intussen is dit nou al die derde dag vandat dit gebeur het.

Lukas 7:16

Vrees het almal beetgepak, en hulle het God geloof met die woorde “'n Groot profeet het onder ons opgestaan!” en “God het omgesien na sy volk!”

Efesiërs 1:3

Lofwaardig is die God en Vader van ons Here Jesus Christus! Dit is Hy wat ons in Christus geseën het met elke geestelike seëning in die hemel.

Efesiërs 1:7

In Hom het ons die bevryding deur sy bloed, die vergewing van ons oortredings uit die rykdom van sy genade,

Hebreërs 9:12

Hy het ook nie met die bloed van bokramme en bulkalwers nie, maar eens en vir altyd, met sy eie bloed, die heiligdom binnegegaan, en 'n ewige verlossing bewerkstellig.

1 Petrus 1:3

Lofwaardig is die God en Vader van ons Here Jesus •Christus! Dit is Hy wat ons in sy groot ontferming, deur die opstanding van Jesus Christus uit die dood, opnuut verwek het, sodat ons 'n lewende hoop mag hê

1 Samuel 25:32

Toe sê Dawid vir Abigajil: “Die Here, die God van Israel, moet geprys word, Hy wat jou vandag gestuur het om my te ontmoet!