Lukas 1:6 - Die Bybel 2020-vertaling

⁶ Hulle was albei •regverdig in die oë van God en het onberispelik volgens al die gebooie en voorskrifte van die Here geleef.

Bybel vir almal

⁶ Sagaria en Elisabet het gelewe soos God wou hê, en hulle was gehoorsaam aan al die wette van die Here.

Afrikaans 1933-1953

⁶ En hulle was altwee regverdig voor God en het in al die gebooie en regte van die Here onberispelik gewandel.

Afrikaans 1983

⁶ Hulle was albei getrou aan die wet van God en het onberispelik al die gebooie en voorskrifte van die Here onderhou.

Contemporary Afrikaans Bible 2023

⁶ En hulle was altwee regverdig voor God en het onberispelik in al die gebooie en verordeninge van die Here gewandel.

Die Boodskap

⁶ Hulle was twee goeie mense wat God se voorskrifte gehoorsaam het. Hulle het nooit ’n voet verkeerd gesit nie.

Nuwe Lewende Vertaling

⁶ Sagaria en Elisabet het reg gelewe voor God: hulle het al die Here se bevele en voorskrifte nagekom.

Lukas 1:6 Kruisverwysings

Genesis 17:1

Toe Abram nege-en-negentig jaar oud was, het die Here aan Abram verskyn en vir hom gesê: “Ek is God, die Almagtige. Leef voor My, en wees onberispelik!

Genesis 6:9

Hier volg die familiegeskiedenis van Noag. Noag was 'n •regverdige man, onberispelik in sy optrede tussen sy tydgenote. Hy het naby God geleef.

Genesis 7:1

Die Here het toe vir Noag gesê: “Gaan jy en jou hele gesin in die ark in; want in hierdie geslag het Ek net jou voor My regverdig bevind.

1 Konings 15:5

Want Dawid het gedoen wat reg is in die oë van die Here en hy het sy lewe lank nie afgewyk van alles wat die Here hom beveel het nie, behalwe in die geval van Uria, die Hetiet.

1 Konings 9:4

En jy, as jy voor My leef soos jou vader Dawid geleef het, met 'n eerlike hart en in opregtheid, deur op te tree volgens alles wat Ek jou beveel, en my vaste voorskrifte en beslissings nakom,

2 Konings 20:3

“Ag, Here, dink tog daaraan dat ek voor U geleef het in getrouheid en met 'n onverdeelde hart, dat ek gedoen het wat goed is in u oë. ” Hiskia het toe bitterlik gehuil.

2 Kronieke 17:4

maar die God van sy vader. Sy gebooie het hy nagevolg, en nie die gebruike van Israel nie.

Job 1:1

In die land Us was daar 'n man met die naam Job. Hierdie man was opreg en onberispelik in sy optrede; hy het vir God ontsag gehad en die kwaad vermy.

Job 1:8

Die Here het vir die satan gesê: “Het jy kennis geneem van my dienskneg Job? Daar is immers niemand soos hy op aarde nie. Hy is onberispelik in sy optrede en opreg, 'n man wat vir God ontsag het en die kwaad vermy.”

Job 9:2

“Inderdaad! Ek weet dat dit so is. Maar hoe kan 'n sterfling voor God die reg aan sy kant hê?

Psalms 119:6

Dan sal ek nie beskaamd staan, terwyl ek op al u bevele let nie.

Lukas 1:7

Hulle was kinderloos, omdat Elisabet onvrugbaar was en albei van hulle al op ver gevorderde leeftyd was.

Lukas 16:15

Hy sê toe vir hulle: “Dit is julle wat julleself voor die mense regverdig voordoen, maar God ken julle harte. Want dit wat deur mense hoog aangeskryf word, is 'n gruwel voor God.

Lukas 2:25

En kyk, in Jerusalem was daar 'n man met die naam Simeon. Hierdie man was wetsgehoorsaam en toegewyd, en het uitgesien na die herstel van Israel. Die Heilige Gees was met hom.

Handelinge 2:25

Dawid sê immers oor Hom: “ ‘Ek het die Here altyddeur voor my gesien, want Hy is aan my regterkant, sodat ek nie wankel nie.

Handelinge 23:1

Paulus het stip na die Sanhedrin gekyk en gesê: “Manne, broers, ek het tot op hierdie dag met 'n absoluut skoon gewete voor God geleef. ”

Handelinge 24:16

Daarom doen ek self ook my uiterste bes om my gewete in alle opsigte skoon te hou voor God en die mense.

Handelinge 8:21

Jy het geen aandeel of aanspraak in hierdie saak nie, want jou hart is nie opreg voor God nie.

Romeine 8:4

sodat die vereiste van die wet in ons vervul kon word, ons wat nie volgens ons sondige aard leef nie, maar volgens die Gees.

1 Korinthiërs 11:2

Ek prys julle, omdat julle altyd aan my dink, en omdat julle vashou aan die tradisies, soos ek dit aan julle oorgelewer het.

2 Korinthiërs 1:12

Ons roem is juis dit: die getuienis van ons gewete dat ons in die wêreld, en veral teenoor julle, opgetree het in opregtheid en met eerlikheid wat van God kom – ook nie deur menslike wysheid nie, maar deur die genade van God.

Deuteronomium 5:33

Julle moet die hele pad volg, soos die Here julle God julle beveel het, sodat julle kan leef en dit met julle goed kan gaan – ja, sodat julle lank kan leef in die land wat julle in besit gaan neem.

Filippense 2:15

sodat julle sonder blaam en onskuldig kan wees, kinders van God, smetteloos, te midde van 'n krom en ontaarde geslag. Julle skyn onder hulle soos sterre in die heelal,

Kolossense 1:22

maar nou het Hy julle deur sy menslike liggaam met Homself versoen, sodat Hy julle, deur sy dood, heilig en sonder foute en onberispelik voor Hom kan stel –

1 Thessalonisense 3:13

Mag Hy julle harte versterk, sodat julle met die koms van ons Here Jesus, saam met al sy heiliges, onberispelik in heiligheid voor ons God en Vader kan wees. •Amen.

2 Petrus 3:14

Daarom, geliefdes, omdat julle hierdie dinge verwag, streef ernstig daarna om deur Hom in vrede, vlekkeloos en onberispelik bevind te word.

1 Johannes 2:29

As julle weet dat Hy regverdig is, weet julle ook dat elkeen wat doen wat reg is, uit Hom gebore is.

1 Johannes 2:3

En dit is hoe ons weet dat ons Hom ken: As ons sy gebooie onderhou.

1 Johannes 3:7

Kinders, laat niemand julle mislei nie: wie doen wat reg is, is regverdig, soos Hy regverdig is.