Levitikus 8:3 - Die Bybel 2020-vertaling

³ na die ingang van die •Tent van Ontmoeting. Laat die hele geloofsgemeenskap ook daar bymekaarkom.”

Bybel vir almal

³ En jy moet die hele volksvergadering laat bymekaarkom by die ingang van die tent waar Ek aan die Israeliete verskyn.”

Afrikaans 1933-1953

³ en versamel die hele vergadering by die ingang van die tent van samekoms.

Afrikaans 1983

³ en laat die hele gemeente ook by die ingang van die tent van ontmoeting bymekaarkom.”

Contemporary Afrikaans Bible 2023

³ En versamel jy die hele vergadering by die ingang van die tent van samekoms.

Die Boodskap

³ Laat sommer ook al die mense uit die laer saam kom na die tent van ontmoeting toe.”

Levitikus 8:3 Kruisverwysings

1 Kronieke 13:5

Daarop het Dawid die hele Israel, van Sigor in Egipte af tot by Lebo-Hamat, byeen laat kom om die ark van God uit Kirjat-Jearim te bring.

1 Kronieke 15:3

Dawid het toe die hele Israel in Jerusalem byeen laat kom om die ark van die Here boontoe te neem na die plek wat hy daarvoor gereedgemaak het.

2 Kronieke 30:13

Baie mense het in Jerusalem byeengekom om in die tweede maand die Fees van die Ongesuurde Brood te vier. Dit was 'n baie groot byeenkoms.

2 Kronieke 30:2

Die koning, sy •hoë amptenare en die hele geloofsgemeenskap het in Jerusalem ooreengekom om die Pasga in die tweede maand te vier,

2 Kronieke 30:25

Die hele geloofsgemeenskap van Juda was verheug, ook die priesters en die Leviete, en die hele geloofsgemeenskap wat uit Israel gekom het, sowel as die •vreemdelinge wat uit die gebied van Israel gekom het en dié wat in Juda gewoon het.

2 Kronieke 5:2

Daarna het Salomo die oudstes van Israel, al die stamhoofde, die leiers van die families van die Israeliete, in Jerusalem laat byeenkom om die •verbondsark van die Here vanuit die •Stad van Dawid, dit is Sion, op te dra.

2 Kronieke 5:6

Koning Salomo en die hele volksvergadering van Israel, dié wat by hom saamgetrek het en saam met hom voor die ark was, het kleinvee en beeste geoffer wat vanweë hulle hoeveelheid nie getel of bereken kon word nie.

Nehemia 8:1

Met die aanbreek van die sewende maand was die Israeliete al in hulle dorpe.

Psalms 22:25

Want Hy het die lyding van die magtelose nie geminag of misken nie; Hy het sy gesig nie vir hom verberg nie; maar toe hy Hom om hulp gesmeek het, het Hy gehoor.”

Levitikus 14:11

Die priester wat die reiniging voltrek, moet die man wat hom wil laat reinig daarmee voor die Here laat staan by die ingang van die •Tent van Ontmoeting.

Levitikus 8:2

“ Neem Aäron en sy seuns saam met hom, asook die klere, die salfolie, die bul vir die •reinigingsoffer, die twee ramme en die mandjie ongesuurde brood

Levitikus 8:4

Moses het gemaak soos die Here hom beveel het en die geloofsgemeenskap het by die ingang van die Tent van Ontmoeting bymekaargekom.

Numeri 20:8

“Neem die staf en maak die volksvergadering bymekaar, jy en jou broer Aäron. Dan moet julle voor hulle oë met die rots praat; die rots sal sy water gee. Jy moet vir hulle water uit die rots laat kom en die volksvergadering en hulle vee laat drink.”

Numeri 21:16

Daarvandaan is hulle na Beër. Dit is die put waar die Here vir Moses gesê het: “Bring die volk byeen, sodat Ek vir hulle water kan gee.”

Numeri 8:9

Jy moet die Leviete voor die Tent van Ontmoeting laat nader kom en die hele volksvergadering van die Israeliete daar bymekaar laat kom.

Handelinge 2:1

Toe die dag van die Pinksterfees aanbreek, was hulle almal op een plek bymekaar.