Levitikus 5:9 - Die Bybel 2020-vertaling

⁹ Hy moet van die bloed van die reinigingsoffer teen die sykant van die altaar sprinkel en die bloed wat oorbly teen die basis van die altaar uitdruk. Dit is 'n reinigingsoffer.

Bybel vir almal

⁹ Dan moet hy 'n bietjie van die duif se bloed teen die kante van die altaar spat en hy moet die bloed wat oorbly, uitdruk teen die onderkant van die altaar. Dit is die sonde-offer.

Afrikaans 1933-1953

⁹ Dan moet hy van die bloed van die sondoffer teen die kant van die altaar sprinkel; maar wat oorbly van die bloed, moet aan die onderkant van die altaar uitgedruk word; dit is 'n sondoffer.

Afrikaans 1983

⁹ Hy sprinkel van die bloed van die sondeoffer teen die kante van die altaar, en die bloed wat oorbly, druk hy teen die fondament van die altaar uit. Dit is die sondeoffer.

Contemporary Afrikaans Bible 2023

⁹ En hy moet van die bloed van die sondoffer teen die kant van die altaar sprinkel; en die res van die bloed moet aan die onderkant van die altaar uitgedraai word; dit is 'n sondoffer.

Die Boodskap

⁹ Die dienaar spat van die bloed van die duif teen die kant van die offerplek. Die bloed wat oor is, druk hy teen die voet van die altaar uit. Dit is dan ’n offer vir die sonde wat die persoon gedoen het.

Levitikus 5:9 Kruisverwysings

Jesaja 42:21

Ter wille van sy geregtigheid, het die Here behae daarin om sy wet as groot en glorieryk te laat geld.

Levitikus 1:15

Die priester moet dit na die altaar bring. Hy moet die kop afknyp en op die altaar verbrand. Die bloed moet teen die sykant van die altaar uitgedruk word.

Levitikus 1:5

Daarna moet hy die jong bul voor die Here keelaf sny en die seuns van Aäron, die priesters, moet die bloed naderbring en dit sprinkel reg rondom teen die altaar wat by die ingang van die Tent van Ontmoeting staan.

Levitikus 4:18

Hy moet ook van die bloed smeer aan die horings van die altaar wat in die Tent van Ontmoeting voor die Here staan. Die res van die bul se bloed moet hy uitgooi teen die basis van die brandofferaltaar wat by die ingang van die Tent van Ontmoeting staan.

Levitikus 4:25

Die priester moet van die bloed van die reinigingsoffer neem en dit met sy vinger aan die horings van die brandofferaltaar smeer en die res van die bloed teen die basis van die brandofferaltaar uitgooi.

Levitikus 4:30

Die priester moet van die bloed neem en dit met sy vinger aan die horings van die brandofferaltaar smeer en die res van die bloed teen die basis van die altaar uitgooi.

Levitikus 4:34

Die priester moet van die bloed van die reinigingsoffer neem en dit met sy vinger aan die horings van die brandofferaltaar smeer en al die oorblywende bloed teen die basis van die altaar uitgooi.

Levitikus 4:7

Die priester moet ook van die bloed smeer aan die horings van die altaar vir die geurige reukwerk wat in die Tent van Ontmoeting voor die Here staan. Die res van die bul se bloed moet hy uitgooi teen die basis van die brandofferaltaar wat by die ingang van die Tent van Ontmoeting staan.

Levitikus 7:2

Op die plek waar die •brandoffer keelaf gesny word, moet die hersteloffer ook keelaf gesny word en die priester moet die bloed reg rondom teen die altaar sprinkel.

Hebreërs 12:24

en by Jesus, die Middelaar van 'n nuwe verbond, en by die bloed wat gesprinkel is, en wat sterker praat as dié van Abel.

Hebreërs 2:10

Dit was immers gepas dat Hy, vir en deur wie alles bestaan, ten einde baie kinders tot heerlikheid te lei, die Leidsman van hulle verlossing deur lyding tot volmaaktheid sou bring.