Levitikus 5:4 - Die Bybel 2020-vertaling

⁴ of “ ‘wanneer iemand 'n onbesonne eed aflê om daardeur kwaad of goed te doen, enigiets waaroor 'n mens 'n onbesonne eed kan aflê, terwyl hy onbewus daarvan is, maar dit agterkom, en daarom aan een van hierdie dinge skuldig is;

Bybel vir almal

⁴ Of iemand dink miskien nie goed wat hy sê nie en hy belowe iets en hy sê die Here is die getuie. Hy belowe iets wat goed is of iets wat sleg is, mense doen dit partymaal wanneer hulle nie goed dink nie. Die persoon weet nie dat hy verkeerd gedoen het nie, maar wanneer hy later besef wat hy gedoen het, dan is hy skuldig.

Afrikaans 1933-1953

⁴ of as iemand sweer terwyl hy onverskillig met die lippe praat om kwaad of goed te doen — volgens alles wat 'n mens met 'n eed onverskillig kan praat — en dit vir hom verborge was, maar hy dit te wete gekom het en skuldig is aan een van hierdie dinge;

Afrikaans 1983

⁴ of iemand lê 'n onbesonne eed af, ten goede of ten kwade, hoe 'n mens ook al onbesonne dinge kan sê in 'n eed, en hy is nie bewus dat dit onbesonne is nie, is hy skuldig. In enige van hierdie gevalle is hy skuldig.

Contemporary Afrikaans Bible 2023

⁴ Of as 'n siel sweer en met sy lippe uitspreek om kwaad te doen of om goed te doen, wat 'n mens ook al met 'n eed uitspreek, en dit word vir hom verborge; as hy daarvan weet, dan sal hy skuldig wees aan een hiervan.

Die Boodskap

⁴ “Iemand is voor op die wa en hy sweer sommer dat hy iets gaan doen, of dit nou is om kwaad of goed te doen. Vir elke ding wat die mens met ’n eed gesweer het om te doen sonder dat hy eers daaroor nagedink het, sal hy skuldig wees, of hy mooi geweet het wat hy doen of nie.

Levitikus 5:4 Kruisverwysings

2 Samuel 21:7

Die koning het Mefiboset, seun van Jonatan, seun van Saul, gespaar oor die eed voor die Here tussen hulle, tussen Dawid en Jonatan, seun van Saul.

2 Konings 6:31

Hy sê toe: “Mag God my swaar straf as Elisa, seun van Safat, se kop vandag steeds op sy lyf is!”

Psalms 106:33

omdat hulle teen God se Gees in opstand was, het onbesonne woorde oor sy lippe gekom.

Levitikus 5:13

So sal die priester vir hom versoening doen vir enige van hierdie sondes wat hy gedoen het en sal hy vergewe word. Soos met die •graanoffer, kom die res van die offer die priester toe.’ ”

Levitikus 5:3

of “ ‘wanneer hy aan menslike onreinheid raak, enigiets onreins van mense waardeur hy verontreinig kan word, terwyl hy onbewus daarvan is, maar dit agterkom en daarom skuldig is;

Numeri 30:6

“ As sy wel aan 'n man afgestaan word terwyl haar geloftes of 'n onbesonne uitspraak waarmee sy 'n verpligting op haar geneem het, nog op haar rus,

Numeri 30:8

Maar as haar man teenoor haar sy afkeuring uitspreek op die dag wat hy daarvan hoor, dan maak hy die gelofte wat op haar rus en die onbesonne uitspraak waarmee sy haarself gebind het, ongeldig; en die Here sal haar vergewe.

Matteus 14:7

Daarom het hy met 'n eed beloof om wat sy ook al vra, aan haar te gee.

Matteus 14:9

En hoewel die koning hieroor ontsteld was, het hy, vanweë sy eed en hulle wat aangeleun het vir ete, beveel dat dit vir haar gebring moes word.

Markus 6:23

Hy het vir haar gesweer: “Wat jy my ook al vra, sal ek vir jou gee, selfs die helfte van my koninkryk.”

Handelinge 23:12

Teen dagbreek het die Jode 'n komplot gesmee, en hulle met 'n eed daartoe verbind om nie te eet of te drink totdat hulle Paulus doodgemaak het nie.

Josua 2:14

Toe sê die manne vir haar: “Ons self staan in vir julle, tot die dood toe, as julle niks oor hierdie saak van ons bekend maak nie. Wanneer die Here hierdie land vir ons gee, sal ons aan jou guns en trou bewys.”

Josua 9:15

Josua het toe vir hulle vrede aangebied, en met hulle 'n verdrag gesluit om hulle te laat leef. Die leiers van die volksvergadering het dit vir hulle met 'n eed bevestig.

Rigters 11:31

dan sal die een wat uitkom, wat by die deur van my huis uitkom om my te ontmoet wanneer ek behoue van die Ammoniete af terugkeer, aan die Here behoort. Ek sal hom as •brandoffer offer.”

Rigters 21:18

Ons kan egter nie self vir hulle uit ons dogters vroue gee nie; want die Israeliete het 'n eed afgelê met die woorde, ‘Vervloek is hy wat 'n vrou vir iemand uit Benjamin gee.’ ”

Rigters 21:7

Wat kan ons, wat vroue betref, doen vir hulle, vir dié wat oorgebly het? Ons het self by die Here 'n eed afgelê dat ons nie van ons dogters vir hulle as vroue sal gee nie.”

Rigters 9:19

as julle vandag met eerlike bedoelings en in opregtheid opgetree het teenoor Jerubbaäl en sy huis, mag julle vreugde ervaar van Abimeleg en mag hy ook vreugde ervaar van julle.

1 Samuel 1:11

Sy het 'n gelofte afgelê en gesê: “Here, Heerser oor alle magte, as U tog net die ellende van u slavin wil raaksien en aan my sal dink en u slavin nie sal vergeet nie, en as U aan u slavin 'n manlike nasaat sal gee, dan sal ek hom aan U, Here, teruggee so lank hy leef. 'n Skeermes sal nooit oor sy kop gaan nie. ”

1 Samuel 25:22

Mag God my, Dawid, swaar straf as ek van almal wat aan hom behoort, een mansmens tot môreoggend laat oorbly.”