Levitikus 4:4 - Die Bybel 2020-vertaling

⁴ Hy moet die bul na die ingang van die •Tent van Ontmoeting voor die Here bring, sy hand op die kop van die bul lê en dit voor die Here keelaf sny.

Bybel vir almal

⁴ Hy moet die bul bring na die ingang van die tent waar die Here aan die Israeliete verskyn. Hy moet sy hand op die kop van die bul sit en hy moet die bul daar voor die Here slag.

Afrikaans 1933-1953

⁴ en hy moet die bul bring na die ingang van die tent van samekoms, voor die aangesig van die Here, en moet sy hand op die kop van die bul lê en die bul slag voor die aangesig van die Here.

Afrikaans 1983

⁴ Hy bring die bul by die ingang van die tent van ontmoeting, sit sy hand op die bul se kop en slag dit daar in die teenwoordigheid van die Here.

Contemporary Afrikaans Bible 2023

⁴ En hy moet die bul bring na die ingang van die tent van samekoms voor die aangesig van die HERE; en hy moet sy hand op die kop van die bul lê en die bul voor die aangesig van die HERE slag.

Die Boodskap

⁴ Hy lei die bul tot by die ingang van die tent van ontmoeting. Daar sit hy sy hand op die bul se kop. Hy slag dit daar voor die Here.

Levitikus 4:4 Kruisverwysings

2 Kronieke 29:23

Daarna het hulle die bokramme vir die reinigingsoffer nadergebring voor die koning en die geloofsgemeenskap, en hulle het hulle hande daarop gelê.

Jesaja 53:6

Ons almal het soos kleinvee gedwaal, elkeen van ons het sy eie koers ingeslaan; maar die Here het ons almal se sondeskuld op hom laat neerkom.

Daniël 9:26

Ná twee-en-sestig weke sal die gesalfde uitgewis word, en daar sal vir hom niks oorbly nie. En wat die stad en die heiligdom betref: Die volk van 'n leier wat kom, sal dit verwoes, maar sy einde sal deur 'n vloed wees. Tot die einde sal daar oorlog wees; verwoesting is vooruitbepaal.

Levitikus 16:21

Aäron moet sy twee hande op die kop van die lewendige bok lê, en dan oor die bok belydenis doen van al die skuld van die Israeliete, en al hulle oortredings, ja, al hulle sondes. Hy moet die sondes so op die kop van die bok lê en hom dan, deur 'n man wat vooraf aangewys is, die woestyn in stuur.

Levitikus 4:15

Die oudstes van die volksvergadering moet voor die Here hulle hande op die kop van die bul lê. Hulle moet die bul voor die Here keelaf sny

Levitikus 4:29

Hy moet sy hand op die kop van die reinigingsoffer lê en dit op dieselfde plek as die brandoffer keelaf sny.

Levitikus 8:14

Daarna het hy die bul vir die reinigingsoffer laat nader kom. Aäron en sy seuns het hulle hande op die bul se kop vir die reinigingsoffer geplaas.

Numeri 8:12

Die Leviete moet hulle hande op die koppe van die jong bulle plaas. Offer die een dan as 'n reinigingsoffer, en die ander as 'n •brandoffer vir die Here om vir die Leviete versoening te doen.

1 Petrus 3:18

Immers, ook Christus het eens en vir altyd vir sondes gely, Hy, die Regverdige, ter wille van onregverdiges, sodat Hy julle na God kon bring. Hy is wel liggaamlik doodgemaak, maar deur die Gees is Hy lewend gemaak.