Levitikus 2:4 - Die Bybel 2020-vertaling

⁴ “ ‘ Wanneer jy 'n graanoffer bring wat in die oond gebak is, moet dit van gesifte meel wees; ongesuurde ringbrode wat met olyfolie gemeng is, of ongesuurde platbrode wat met olyfolie gesmeer is.

Bybel vir almal

⁴ “Wanneer die persoon 'n koring-offer wil gee wat hy in 'n oond gebak het, dan moet hy die beste meel gebruik. Dit moet ongesuurde rondebrood wees wat hy met olyf-olie geknie het, of ongesuurde roosterkoek waarop hy olyf-olie gesmeer het.

Afrikaans 1933-1953

⁴ En as jy 'n spysoffer bring wat in die oond gebak is, moet dit fynmeel wees, ongesuurde koeke met olie gemeng, en ongesuurde platkoeke met olie bestryk.

Afrikaans 1983

⁴ “Wanneer jy 'n graanoffer uit die oond aanbied, moet dit van fynmeel wees. Dit kan ongesuurde ringbrood wees, met olie geknie, of ongesuurde roosterkoek, met olie gesmeer.

Contemporary Afrikaans Bible 2023

⁴ En as jy 'n spysoffer bring wat in die oond gebak is, moet dit ongesuurde koeke van fyn meel met olie gemeng wees, of ongesuurde platkoeke wat met olie gesalf is.

Die Boodskap

⁴ “Wanneer die graan wat jy vir die Here bring, graan is wat reeds verwerk is en al klaar in ’n oond gebak is, kan dit in die vorm van ’n ronde brood wees van fynmeel wat met olie gemeng is waarin daar nie suurdeeg is nie. Dit kan ook beskuitjies wees sonder suurdeeg wat in olyfolie gedoop is.

Nuwe Lewende Vertaling

⁴ “Wanneer jy ’n graanoffer bring wat in ’n oond gebak is, moet dit bestaan uit die beste meel gemeng met olyfolie, maar sonder suurdeeg. Dit mag gebring word in die vorm van koeke gemeng met olyfolie of oliekoeke gesmeer met olyfolie.

Levitikus 2:4 Kruisverwysings

Psalms 22:14

Hulle het hulle monde teen my oopgesper soos 'n leeu wat verskeur en brul.

Eksodus 12:8

Hulle moet die vleis dieselfde nag eet; oor die vuur gebraai, saam met ongesuurde brood en bitter kruie, moet hulle dit eet.’

Eksodus 16:31

Die huis van Israel het dit man genoem. Dit was wit soos koljandersaad, en dit het geproe soos soetgebak met heuning.

Eksodus 29:2

en ongesuurde brood en ongesuurde ringbrode wat met olyfolie gemeng is, asook ongesuurde platbrode wat met olyfolie gesmeer is. Van gesifte koringmeel moet jy dit bak.

Jesaja 42:1

“ Kyk, hier is my dienskneg wat Ek ondersteun, my uitverkorene in wie my binneste vreugde vind. Ek het my Gees op hom laat kom; hy sal reg vir die nasies laat deurbreek.

Jesaja 61:1

Die Gees van my Heer, die Here is op my, omdat die Here my gesalf het. Hy het my gestuur om 'n goeie boodskap te bring aan magteloses, om dié met gebroke harte se wonde te verbind, om dié wat weggevoer is se vrylating aan te kondig en bevryding vir dié wat geboei is,

Esegiël 46:20

Hy het vir my gesê: “Dit is die plek waar die priesters die •hersteloffers en die •reinigingsoffers moet gaarmaak en die graanoffers moet bak, sodat hulle dit nie uitneem na die buitenste voorhof, en die volk sodoende heilig maak nie.”

Levitikus 1:11

Hy moet dit aan die noordekant van die altaar voor die Here keelaf sny. Die seuns van Aäron, die priesters, moet die bloed reg rondom teen die altaar sprinkel.

Levitikus 10:12

Moses het vir Aäron en sy oorblywende seuns, Eleasar en Itamar, gesê: “Neem die •graanoffer wat oor is van die offergawes aan die Here en eet dit so ongesuurd langs die altaar, want dit is besonder heilig.

Levitikus 6:17

Dit mag nie met suurdeeg gebak word nie. Ek het dit gegee as hulle deel van die offergawes aan My. Dit is 'n besonder heilige gawe, soos die •reinigingsoffer en die hersteloffer.

Levitikus 7:12

As iemand dit uit dankbaarheid bring, moet hy saam met die •dankoffer ongesuurde brood aanbied: ringbrode, klam gemaak met olyfolie, platbrode, gesmeer met olyfolie, en gesifte meel, klam gemaak met olyfolie en deurgeknie.

Numeri 6:15

asook 'n mandjie met ongesuurde brood van gesifte meel, ringbrode, klam gemaak met olyfolie, en platbrode, gesmeer met olyfolie, met die bypassende •graan- en •drankoffers.

Matteus 26:38

Toe sê Hy vir hulle: “My siel is diep bedroef, tot die dood toe. Bly hier en waak saam met My.”

Johannes 12:27

“Nou is my siel ontsteld. Wat sal Ek sê? Vader, red My uit hierdie uur? Maar Ek het tog juis met die oog op hierdie uur gekom!

Johannes 3:34

Want Hy vir wie God gestuur het, spreek die woorde van God; God skenk immers die Gees nie in geringe mate nie.

Hebreërs 7:26

So 'n hoëpriester was ook vir ons gepas: een wat heilig, onskuldig, onbevlek, afgesonder van die sondaars, en hoër as die hemele verhef is,

1 Petrus 2:1

Lê daarom alles wat sleg is, en alle bedrog en geveinsdheid en jaloesie, en alle geskinder af,

1 Petrus 2:22

Hy wat “nie sonde gedoen het nie, en in wie se mond geen bedrog gevind is nie”;