Levitikus 1:3 - Die Bybel 2020-vertaling

³ “ ‘As die persoon se offer 'n •brandoffer is uit die beeste, moet dit 'n bul sonder gebrek wees wat hy bring. Hy moet dit na die ingang van die •Tent van Ontmoeting bring en dit so aanbied dat hy voor die Here aanvaarbaar is.

Bybel vir almal

³ As sy offer 'n bees is, dan moet dit 'n gesonde bul wees. Hy moet die bul bring voor die tent waar die Here aan die Israeliete verskyn, sodat die Here die offer van hom kan aanvaar.

Afrikaans 1933-1953

³ As sy offer 'n brandoffer is van beeste, moet dit 'n bul sonder gebrek wees wat hy bring. By die ingang van die tent van samekoms moet hy dit bring, sodat hy welgevalle voor die aangesig van die Here kan vind.

Afrikaans 1983

³ “As dit 'n brandoffer uit die beeste is, bied die man 'n bul aan sonder liggaamsgebrek. Hy bied dit aan by die ingang van die tent van ontmoeting sodat dit vir die Here aanneemlik sal wees.

Contemporary Afrikaans Bible 2023

³ As sy offer 'n brandoffer van beeste is, laat hy 'n mannetjie sonder gebrek bring; hy moet dit uit vrywillige wil by die ingang van die tent van samekoms voor die aangesig van die HERE bring.

Die Boodskap

³ “As dit uit die beeste kom en dit is bedoel om heeltemal verbrand te word, moet dit ’n manlike dier sonder enige liggaamsgebrek wees. Die persoon bring die dier na die ingang van die tent van ontmoeting toe. Hy bring dit vir die Here sodat die Here van hom kan hou.

Nuwe Lewende Vertaling

³ “As julle ’n bees as ’n brandoffer bring, bring dan ’n bul sonder enige liggaamsgebrek. Bring die bul na die ingang van die tent van ontmoeting sodat dit vir die Here aanvaarbaar kan wees.

Levitikus 1:3 Kruisverwysings

Genesis 22:13

Toe Abraham opkyk, sien hy: Daar is 'n enkele ram wat aan sy horings vasgevang is in 'n bos! Abraham gaan toe en neem die ram. Hy het hom as 'n brandoffer gebring in die plek van sy seun.

Genesis 22:2

Toe sê God: “Neem jou seun Isak, jou enigste, wat jy liefhet; gaan dan na die gebied van Moria, en offer hom daar as •brandoffer op een van die berge wat Ek vir jou sal wys.”

Genesis 22:8

Abraham het geantwoord: “God sal vir Homself die lam vir 'n brandoffer voorsien, my seun.” So het hulle twee saam geloop.

Genesis 8:20

Noag het 'n altaar vir die Here gebou en van al die rein diere en rein voëls geneem en op die altaar •brandoffers gebring.

2 Kronieke 29:32

Die getal brandoffers wat die geloofsgemeenskap nadergebring het, was sewentig beeste, honderd ramme en tweehonderd lammers, dit alles as brandoffers vir die Here.

2 Kronieke 35:12

Hulle het dit wat as brandoffer moes dien, eenkant gesit om dit aan kleiner groepe in die families van die gewone mense te gee, sodat dit vir die Here aangebied kon word, soos geskryf staan in die •boekrol van Moses. Met die beeste het hulle net so gemaak.

Psalms 110:3

Jou volk bied hulleself gewillig aan op die dag van jou magsvertoon op die heilige berge. Uit die skoot van die daeraad het Ek jou soos dou verwek.”

Psalms 40:8

Daarop het ek gesê: “Kyk, ek het gekom – in die •boekrol is oor my geskryf.

Eksodus 12:5

'n Jaaroud ramlam sonder gebrek moet julle kies; uit die skape of die bokke kan julle dit neem.

Eksodus 24:5

Hy het jong manne uit die Israeliete gestuur, en hulle het •brandoffers geoffer, en vir die Here bulle geslag as •maaltydoffers.

Eksodus 29:18

Jy moet die hele ram op die altaar verbrand. Dit is 'n •brandoffer vir die Here. Dit is 'n geurige offer, 'n offergawe aan die Here.

Eksodus 29:4

Aäron en sy seuns moet jy na die ingang van die •Tent van Ontmoeting laat nader kom en hulle met water afspoel.

Eksodus 29:42

Dit moet 'n gereelde •brandoffer wees vir julle nageslagte by die ingang van die Tent van Ontmoeting, daar voor die Here, waar Ek julle sal ontmoet om met jou te praat.

Eksodus 32:6

Hulle het vroeg die volgende dag opgestaan, •brandoffers geoffer en •maaltydoffers nadergebring. Die volk het gaan sit om te eet en te drink. Toe het hulle opgestaan om hulleself te vermaak.

Eksodus 35:21

Elkeen wie se hart hom daartoe gebring het, en elkeen wie se gees hom daartoe aangespoor het, het gekom, en hulle het vir die Here 'n wydingsgeskenk gebring vir die werk aan die Tent van Ontmoeting en vir al die dienswerk daaraan verbonde, en vir die heilige klere.

Eksodus 35:29

So het die Israeliete dit as 'n vrywillige offer vir die Here gebring, elke man en vrou wie se harte hulle daartoe aangespoor het om iets te bring vir al die werk wat die Here by monde van Moses beveel het.

Eksodus 35:5

‘Neem van wat julle het 'n •wydingsgeskenk vir die Here. Elkeen wie se hart gewillig is, moet dit bring – 'n wydingsgeskenk vir die Here: goud, silwer en brons;

Eksodus 36:3

Om dit te kon doen, het hulle elke •wydingsgeskenk wat die Israeliete gebring het vir die werk aan die oprigting van die heiligdom, van Moses ontvang. Die Israeliete het steeds elke oggend vrywillige offers vir hom gebring.

Eksodus 38:1

Hy het die brandofferaltaar van doringhout gemaak, vyf el lank en vyf el breed; dit was vierkantig, en drie el hoog.

Jesaja 1:11

“Wat baat julle magdom slagoffers My?” vra die Here. “Ek het genoeg gehad van die •brandoffers van ramme en die vet van gevoerde diere. Die bloed van bulle, lammers en bokramme staan My nie aan nie.

Esegiël 20:40

Want op my heilige berg, die hoë berg van Israel, ” is die uitspraak van my Heer, die Here, “daar sal die hele huis van Israel My dien, almal in die land. Daar sal Ek hulle aanvaar, en daar sal Ek julle •wydingsgeskenke, die keur van julle gawes, saam met al julle •heilige gawes, eis.

Esegiël 40:39

In die portaal van die poort was daar twee tafels aan hierdie en aan daardie kant om die brandoffers, •reinigingsoffers en •hersteloffers op te slag.

Levitikus 1:10

“ ‘As sy offer 'n brandoffer is uit die kleinvee, uit die skape of bokke, moet dit 'n ram sonder gebrek wees wat hy bring.

Levitikus 14:10

Op die agtste dag moet hy twee jong ramme sonder gebrek en een jaaroud ooitjie sonder gebrek neem, asook 'n •graanoffer van drie tiendes van 'n efa gesifte meel wat met olyfolie gemeng is en een log olyfolie.

Levitikus 16:7

Hy moet die twee bokramme neem en hulle voor die Here by die ingang van die •Tent van Ontmoeting laat staan.

Levitikus 17:4

en wat dit nie na die Tent van Ontmoeting bring om dit vir die Here as offer aan te bied voor die •tabernakel van die Here nie, sal dit teen daardie man as bloedskuld gehou word. Hy het bloed vergiet en daardie man moet heeltemal van sy mense afgesny word.’

Levitikus 17:8

Vir hulle moet jy sê, ‘As daar enigiemand van die huis van Israel is, en van die •vreemdelinge wat tydelik by julle woon, wat 'n •brandoffer of maaltydoffer wil bring,

Levitikus 17:9

en dit nie na die ingang van die Tent van Ontmoeting neem om dit vir die Here te offer nie, sal daardie man van sy mense afgesny word.’ ”

Levitikus 23:12

Op die dag wanneer julle die gerf aanbied, moet julle 'n jaaroud lam sonder gebrek as •brandoffer vir die Here bring

Levitikus 23:18

Saam met die brood moet julle ook sewe jaaroud lammers sonder gebrek, een jong bul en twee ramme as offers aanbied. Dit moet brandoffers vir die Here wees, saam met die bepaalde graan- en drankoffers – 'n offergawe, 'n geurige offer vir die Here.

Levitikus 3:1

“ ‘ As iemand se offer 'n •maaltydoffer is wat uit die beeste kom, moet hy 'n bul of 'n koei sonder gebrek bring. Hy moet dit voor die Here bring

Levitikus 4:15

Die oudstes van die volksvergadering moet voor die Here hulle hande op die kop van die bul lê. Hulle moet die bul voor die Here keelaf sny

Levitikus 4:23

As die sonde wat hy gedoen het, aan hom bekend gemaak word, moet hy as sy offer 'n bokram sonder gebrek bring.

Levitikus 4:3

As die gesalfde priester sondig, sodat die volk skuldig is, moet hy vir die sonde wat hy gedoen het, 'n jong bul sonder gebrek vir die Here as •reinigingsoffer bring.

Levitikus 4:32

“ ‘As hy 'n skaap as sy reinigingsoffer bring, moet dit 'n ooi sonder gebrek wees wat hy bring.

Levitikus 5:15

“ Wanneer iemand reëls oortree en onopsetlik sondig teen iets wat aan die Here gewy is, moet hy 'n •hersteloffer vir die Here bring: 'n ram sonder gebrek uit die kleinvee, waarvan die loskoopwaarde, bereken in sikkel silwer volgens die standaardgewig van die heiligdom, genoeg is vir 'n hersteloffer.

Levitikus 5:18

Hy moet uit die kleinvee 'n ram sonder gebrek met die loskoopwaarde van 'n hersteloffer vir die priester neem. Die priester sal vir hom versoening doen vir die fout wat hy onopsetlik en sonder om dit te besef, gemaak het, en hy sal vergewe word.

Levitikus 6:2

“ Wanneer iemand sondig en teen die Here oortree deurdat hy teenoor 'n volksgenoot ontken dat iets aan hom in bewaring gegee of aan hom toevertrou is, of dat hy sy volksgenoot beroof of afgepers het,

Levitikus 6:8

Die Here het met Moses gepraat en gesê:

Levitikus 7:16

“ ‘As sy offergawe 'n slagoffer is, ná 'n gelofte of vrywillig, moet dit op dieselfde dag wat hy sy offer bring, geëet word. Wat daarvan oorbly tot die volgende dag, mag ook nog geëet word.

Levitikus 8:18

Toe het hy die ram vir die •brandoffer laat nader kom. Aäron en sy seuns het hulle hande op die kop van die ram gelê.

Levitikus 8:21

Die binnegoed en die pote het hy met water afgespoel. Moses het die hele ram op die altaar verbrand. Dit was 'n brandoffer vir 'n aangename geur, 'n offergawe aan die Here, soos die Here Moses beveel het.

Levitikus 9:2

Hy het vir Aäron gesê: “Kry vir jou 'n bulkalf sonder gebrek vir 'n •reinigingsoffer en 'n ram sonder gebrek vir 'n •brandoffer en bring dit voor die Here.

Sagaria 13:7

“Swaard, word wakker teen my herder, en teen die man uit my gemeenskap,” is die uitspraak van die Here, Heerser oor alle magte. “Vel die herder neer, sodat die kleinvee uitmekaar gejaag word. Ek sal selfs my hand teen die geringes draai.

Maleagi 1:14

“Vervloek is iemand wat bedrieg deur 'n gelofte af te lê, maar 'n verminkte dier aan die Heer offer, terwyl daar 'n manlike dier in sy kudde is. Ek is immers die groot Koning,” sê die Here, Heerser oor alle magte, “en my Naam wek ontsag by die nasies. ”

Numeri 15:3

en julle bring 'n offergawe vir die Here, 'n •brandoffer of •maaltydoffer uit die beeste of kleinvee om 'n buitengewone gelofte te vervul; of tydens 'n vrywillige offer; of op julle feesdae om 'n aangename geur vir die Here te bring,

Numeri 15:8

En wanneer jy 'n jong bul as brandoffer of maaltydoffer aan die Here bring om 'n buitengewone gelofte te vervul of as gewone maaltydoffer,

Numeri 19:2

“ Dit is 'n vaste wetlike voorskrif wat die Here beveel het, ‘Sê vir die Israeliete hulle moet 'n rooi koei sonder gebrek vir jou bring, een waaraan daar geen liggaamsgebrek is nie en wat nog nie onder die juk was nie.

Numeri 23:19

God is nie 'n man, dat Hy sou lieg nie, en nie 'n mensekind, dat Hy van plan sou verander nie. Sou Hy iets sê en dit nie doen nie, sou Hy praat en dit nie gestand doen nie?

Numeri 23:27

Toe sê Balak vir Bileam: “Kom asseblief; ek vat jou na 'n ander plek toe. Miskien sal dit reg wees in God se oë dat jy hulle vir my daarvandaan vervloek.”

Numeri 23:3

Bileam sê toe vir Balak: “Bly hier by u •brandoffer staan terwyl ek 'n entjie loop. Miskien gun die Here my 'n ontmoeting. Wat Hy my ook al laat sien, sal ek aan u bekend maak.” Daarna het hy na 'n kaal hoogte gestap.

Numeri 23:30

Balak het gedoen wat Bileam gesê het. Hy het 'n bul en 'n ram geoffer op elke altaar.

Numeri 28:11

“ ‘Op die eerste dag van elke maand moet julle vir die Here 'n brandoffer aanbied: twee jong bulle en een ram, asook sewe jaaroud ramlammers sonder gebrek;

Numeri 28:19

Julle moet 'n offergawe, 'n brandoffer, vir die Here aanbied: twee jong bulle, een ram en sewe jaaroud ramlammers. Hulle moet sonder gebrek wees.

Numeri 28:31

Afgesien van die gereelde brandoffer en die bypassende graanoffer, moet julle dit met bypassende drankoffers bring. Hulle moet sonder gebrek wees.’ ”

Numeri 29:13

Julle moet 'n brandoffer, 'n offergawe met 'n aangename geur vir die Here, aanbied: dertien jong bulle, twee ramme, veertien jaaroud ramlammers, sonder gebrek moet hulle wees,

Numeri 29:2

Julle moet •brandoffers bring as aangename geur vir die Here: een jong bul, een ram en sewe jaaroud ramlammers sonder gebrek,

Lukas 1:35

Die engel het haar geantwoord: “Die Heilige Gees sal oor jou kom en die krag van die Allerhoogste sal jou oorskadu. Daarom sal die Kind wat gebore word, heilig wees; Hy sal •Seun van God genoem word.

Johannes 1:36

Toe Jesus verbyloop, het hy stip na Jesus gekyk en gesê: “Kyk, die Lam van God!”

Johannes 10:7

Jesus het toe weer gesê: “Amen, amen, Ek sê vir julle: Ek is die deur vir die skape.

Johannes 10:9

Ek is die deur; as iemand deur My ingaan, sal hy gered word en hy sal ingaan en uitgaan en weiding vind.

2 Korinthiërs 8:12

Want as daar bereidwilligheid is, is dit aanneemlik volgens wat 'n mens het – nie volgens wat jy nie het nie.

2 Korinthiërs 9:7

Laat elkeen gee soos hy vooraf in sy hart besluit het – nie met droefheid of onder dwang nie, want God het 'n blymoedige gewer lief.

Efesiërs 2:18

Want deur Hom het ons albei toegang tot die Vader deur een Gees.

Efesiërs 5:27

Dit het Hy gedoen, sodat Hy vir Homself die kerk in heerlikheid daar kan stel, sonder vlek of rimpel of enigiets dergeliks, heilig en sonder smet.

Deuteronomium 12:27

Jy moet jou brandoffers, die vleis en die bloed, op die altaar van die Here jou God offer. Die bloed van jou maaltydoffers moet teen die altaar van die Here jou God uitgegooi word, maar die vleis mag jy eet.

Deuteronomium 15:21

Maar as 'n dier 'n gebrek het, mank of blind is of enige ander ernstige gebrek het, mag jy dit nie aan die Here jou God offer nie.

Deuteronomium 17:1

“ Jy mag nie vir die Here jou God 'n bul of 'n stuk kleinvee offer waaraan daar 'n gebrek is nie – enigiets ernstigs – want dit is afstootlik vir die Here jou God.

Hebreërs 7:26

So 'n hoëpriester was ook vir ons gepas: een wat heilig, onskuldig, onbevlek, afgesonder van die sondaars, en hoër as die hemele verhef is,

Hebreërs 9:14

hoeveel te meer sal die bloed van Christus, wat Homself deur die ewige Gees as vlekkelose offer aan God geoffer het, ons gewete reinig van dooie werke, sodat ons die lewende God kan dien?