Josua 7:2 - Die Bybel 2020-vertaling

² Josua het manne uit Jerigo na Ai gestuur, wat by Bet-Awen, oos van Bet-El, lê. Hy het vir hulle gesê: “Trek op, verken die land.” Die manne het opgetrek en Ai verken.

Bybel vir almal

² Josua het mans gestuur van Jerigo na die stad Ai, naby die stad Bet-Awen, oos van die stad Bet-El. Josua het vir hulle gesê hulle moet gaan kyk hoe die plek is. Die mans het gegaan en hulle het gekyk hoe die stad Ai is.

Afrikaans 1933-1953

² Daarop het Josua manne van Jérigo af gestuur na Ai wat by Bet-Awen lê, oostelik van Bet-el, en hy het met hulle gespreek en gesê: Trek op en verken die land; en die manne het opgetrek en Ai verken.

Afrikaans 1983

² Josua het van Jerigo af manne gestuur na Ai toe, naby Bet-Awen, oos van Bet-El, en vir hulle gesê: “Gaan verken die land.” Die manne is toe weg en het Ai verken.

Contemporary Afrikaans Bible 2023

² En Josua het manne van Jérigo na Ai gestuur wat langs Bet-Aven is, aan die oostekant van Bet-el, en met hulle gespreek en gesê: Trek op en bekyk die land. En die manne het opgegaan en Ai bekyk.

Die Boodskap

^2-3 Josua het van sy manne uit Jerigo uit na Ai toe gestuur, ’n stad oos van Bet-El, naby die dorp Bet-Awen, met die opdrag om die omgewing te gaan verken. Toe hulle dit gedoen het, het hulle teruggekom en vir Josua gesê: “Ai is maar ’n klein dorpie met min soldate. Dit is nie nodig om die hele leër te vat om hierdie dorpie in te neem nie; 2 000 of 3 000 soldate is genoeg.”

Nuwe Lewende Vertaling

² Josua het manskappe van Jerigo af na Ai toe uitgestuur. Ai was naby Bet-Awen en oos van Bet-El. Hy het vir hulle gesê: “Gaan en verken die land.” Die mans het toe Ai gaan verken.

Josua 7:2 Kruisverwysings

Genesis 12:8

Hy het daarvandaan verder getrek na die heuwelland oos van Bet-El, en sy tente opgeslaan tussen Bet-El aan die westekant en Ai aan die oostekant. Daar het hy vir die Here 'n altaar gebou en die Naam van die Here aangeroep.

Genesis 28:19

Hy het die plek Bet-El genoem; maar die naam van die dorp was vroeër Lus.

1 Konings 12:29

Hy het die een in Bet-El geplaas; die ander een het hy in Dan geplaas.

Nehemia 11:31

Die nageslag van Benjamin het hulle gevestig vanaf Geba, in Migmas, Aja en Bet-El met sy omliggende dorpies,

Spreuke 20:18

Planne kom deur beraadslaging tot stand. Voer oorlog met goeie leierskap!

Spreuke 24:6

Want deur goeie leierskap kan jy oorlog voer, en oorwinning kom deur baie raadgewers.

Jesaja 10:28

Hy het teen Aja opgetrek, hy het by Migron verbygegaan; by Migmas het hy sy toerusting geberg.

Jeremia 49:3

“Huil, Gesbon, want Ai is verwoes! Roep om hulp, dogters van Rabba! Trek rouklere aan! Rou en swerf rond tussen die klipmure, want Milkom gaan in ballingskap, en sy priesters en bevelvoerders saam met hom.

Hosea 4:15

“As jy hoereer, Israel, moet Juda tog nie skuldig word nie. Julle moenie na Gilgal gaan nie, en moenie optrek na Bet-Awen nie. Moenie sweer, ‘so waar as die Here leef’ nie.”

Matteus 10:16

“Kyk, Ek stuur julle uit soos skape onder die wolwe. Wees dan behoedsaam soos slange en onskuldig soos duiwe.

Efesiërs 5:15

Let daarom sorgvuldig op hoe julle leef – nie as onverstandiges nie, maar as wyses.

Josua 12:9

die koning van Jerigo, een; die koning van Ai wat langs Bet-El geleë is, een;

Josua 18:12

Hulle grens aan die noordekant begin by die Jordaan. Die grens loop op na die heuwelrug noord van Jerigo, en dan loop dit weswaarts op in die bergland, met sy verste punt in die woestyn by Bet-Awen.

Josua 2:1

Toe het Josua, seun van Nun, in die geheim twee manne as verkenners uit Sittim gestuur en gesê: “Gaan kyk na die land en Jerigo.” Hulle het gegaan en by die huis van 'n prostituut met die naam Ragab aangekom en daar oornag.

Josua 7:3

Hulle het na Josua teruggekom en gesê: “Nie al die manskappe moet optrek nie. Ongeveer twee- of drieduisend man kan optrek; hulle sal Ai verslaan. Moenie al die manskappe die moeite aandoen om hulle daarheen te stuur nie, want daar is maar min mense.”

1 Samuel 13:5

Die Filistyne het saamgetrek om teen Israel te veg met dertig afdelings strydwaens, ses afdelings perderuiters en manskappe so talryk soos die sand wat langs die seestrand is. Hulle het opgetrek en kamp opgeslaan in Migmas, oos van Bet-Awen.

1 Samuel 14:23

Die Here het Israel daardie dag verlos. Die geveg het voortgewoed tot anderkant Bet-Awen.

1 Samuel 30:27

Hy het dit gestuur aan dié wat in Bet-El, in Ramot in die Negev en in Jattir is,