Josua 17:1 - Die Bybel 2020-vertaling

¹ Dit is die gebied wat deur loting aan die stam van Manasse toegewys is; hy was immers die eersgeborene van Josef. Aan Magir, eersgeborene van Manasse en vader van Gilead, is Gilead en Basan toegewys, omdat hy 'n krygsman was.

Bybel vir almal

¹ Hulle het lootjies getrek om vir die Manasse-stam grond te gee, want Manasse was Josef se oudste seun. Makir was Manasse se oudste seun, hy was die pa van Gilead. Makir het die land Gilead en die land Basan gekry, want hy was 'n man wat kon oorlog maak.

Afrikaans 1933-1953

¹ VERDER was dít die lot vir die stam van Manasse, omdat hy die eersgeborene van Josef was: Magir, die eersgeborene van Manasse, die vader van Gílead, het, omdat hy 'n krygsman was, Gílead en Basan ontvang;

Afrikaans 1983

¹ Daar is ook aan die stam Manasse 'n gebied deur loting toegeken. Manasse was Josef se oudste seun, en die toekenning is gemaak aan Manasse se oudste seun Makir die voorvader van Gilead. Hy was 'n krygsman en het Gilead en Basan ontvang.

Contemporary Afrikaans Bible 2023

¹ Daar was ook baie vir die stam van Manasse; want hy was die eersgeborene van Josef; te wete, vir Magir, die eersgeborene van Manasse, die vader van Gílead; omdat hy 'n krygsman was, daarom het hy Gílead en Basan gehad.

Die Boodskap

¹ Die ander helfte van die stam van Manasse het toe hulle erfdeel gekry. Manasse was immers Josef se oudste seun. Makir, Manasse se oudste seun, die pa van Gilead, was ’n goeie soldaat en hy het reeds die gebiede van Gilead en Basan aan die oostekant van die Jordaan gekry.

Nuwe Lewende Vertaling

¹ Daar is ook met die lot vir die stam Manasse ’n gebied toegeken. Manasse was Josef se oudste seun. Makir was Manasse se oudste seun. Sy seun was Gilead. Makir was ’n goeie soldaat. Hy het Gilead en Basan ontvang.

Josua 17:1 Kruisverwysings

Genesis 41:51

Josef het die eersgeborene Manasse genoem, “want,” het hy gesê, “God het my al my swaarkry laat vergeet, en ook my hele familie”.

Genesis 41:52

Sy tweede seun het hy Efraim genoem, “want,” het hy gesê, “God het my vrugbaar gemaak in die land van my ellende”.

Genesis 46:20

Vir Josef is Manasse en Efraim in Egipte gebore, hulle wat Asenat, dogter van Poti-Fera, priester van On, vir hom in die wêreld gebring het.

Genesis 48:17

Josef het egter gesien dat sy vader sy regterhand op Efraim se kop sit, en dit was verkeerd in sy oë. Hy vat toe sy vader se hand om dit van Efraim se kop weg te skuif na Manasse se kop.

Genesis 48:18

Josef sê toe vir sy vader: “Nie so nie, pa, want hierdie een is die eersgeborene. Plaas pa se regterhand op sy kop.”

Genesis 50:23

Josef het die derde geslag van Efraim se nakomelinge gesien. Ook die kinders van Magir, die seun van Manasse, is op Josef se knieë gebore.

2 Samuel 2:9

Hy het hom koning gemaak oor Gilead, die Asuriete en Jisreël, en ook oor Efraim en Benjamin – oor die hele Israel.

1 Kronieke 2:23

Gesur en Aram het egter Gawwoot-Jaïr van hulle afgeneem, asook Kenat en die omliggende dorpies – sestig dorpe. Hulle almal was die nageslag van Magir, die vader van Gilead.

Esegiël 47:13

So sê my Heer, die Here: “Dit is die grense waarbinne julle die land moet vererf aan die twaalf stamme van Israel. Josef kry twee afgemete dele.

Esegiël 48:4

Langs die gebied van Naftali, van die ooste tot in die weste – Manasse, een deel.

Numeri 26:29

Die nageslag van Manasse: van Magir, die Magir-familiegroep; Magir het Gilead verwek – van Gilead, die Gilead-familiegroep.

Numeri 27:1

Die dogters van Selofgad – hulle name was Magla, Noa, Gogla, Milka en Tirsa, van die Manasse-familiegroep – het na vore getree. Selofgad was die seun van Gefer, seun van Gilead, seun van Magir, seun van Manasse, seun van Josef.

Numeri 32:33

Moses het toe vir die nageslag van Gad en Ruben en die halwe stam van Manasse, seun van Josef, die koninkryk van Sihon, koning van die •Amoriete, en die koninkryk van Og, koning van Basan, gegee – die gebied volgens sy stede, met die omliggende grond van die stede in die gebied.

Deuteronomium 21:17

Nee, die eersgeborene, die seun van die nie-geliefde, moet hy erken deur aan hom 'n dubbele deel te gee van alles wat hy besit. Hy is immers die eersteling van sy manlike krag. Die eersgeboortereg is syne.

Josua 17:2

Aan die ander nakomelinge van Manasse is daar toe vir hulle familiegroepe grond toegewys: aan die nageslag van Abiëser, die nageslag van Gelek, die nageslag van Asriël, die nageslag van Segem, die nageslag van Gefer en aan die nageslag van Semida. Dit was bedoel vir hulle familiegroepe, die manlike nakomelinge van Manasse, die seun van Josef.

Josua 22:7

Vir die halwe stam van Manasse het Moses grond in Basan gegee; en vir die ander helfte van die stam het Josua grond gegee by hulle broers, aan die ander kant, aan die westekant van die Jordaan. Josua het ook, toe hy hulle na hulle woonplekke weggestuur en hulle geseën het,

Rigters 5:14

Uit Efraim kom hulle wie se wortels in Amalek is; hulle is agter jou, Benjamin, as jou manskappe!” Uit Magir kom die bevelvoerders af, en uit Sebulon – hulle wat die skrywerstaf dra.