Josua 13:5 - Die Bybel 2020-vertaling

⁵ Verder is daar die gebied van die mense van Gebal, en die hele Libanon aan die oostekant, van Baäl-Gad af onder aan die voet van die berg Hermon tot by Lebo-Hamat.

Bybel vir almal

⁵ Daar is ook die land van die mense van die stad Gebal en die oostelike deel van die Libanon-berge, van die stad Baäl-Gad suid van Hermon-berg tot by die stad Lebo-Hamat.

Afrikaans 1933-1953

⁵ en die land van die Gibliete en die hele Líbanon aan die oostekant, van Baäl-Gad af, onderaan die berg Hermon, tot by die ingang na Hamat.

Contemporary Afrikaans Bible 2023

⁵ En die land van die Gibliete en die hele Líbanon, teen sonop, van Baälgad onder die berg Hermon af tot by die ingang na Hamat.

Die Boodskap

⁵ die gebied van die Gebaliete; asook die hele Libanon aan die oostekant, van Baäl-Gad suid van die Hermonberg af tot by Lemo-Hamat.

Josua 13:5 Kruisverwysings

1 Konings 5:18

Salomo se bouers, Hiram se bouers en die manne van Gebal het die klip reggekap, en die hout en klip voorberei vir die bou van die tempel.

1 Konings 8:65

Salomo het in daardie tyd die Huttefees gevier. Die hele Israel was saam met hom, 'n groot byeenkoms uit die hele land, van Lebo-Hamat af tot by die Spruit van Egipte, saam voor die Here ons God, sewe dae lank en toe nog sewe dae lank, veertien dae altesaam.

Psalms 83:7

die tente van Edom en die Ismaeliete, Moab en die nageslag van Hagar,

Jesaja 10:9

Is Kalno nie soos Karkemis, en Hamat soos Arpad of Samaria soos Damaskus nie?

Jeremia 52:9

Hulle het die koning gevange geneem en hom opgevat na die koning van Babilonië, na Ribla in die land Hamat, en hy het vonnisse oor hom uitgespreek.

Esegiël 27:9

Veterane van Gebal en sy ervare manne was aan boord om jou lekplekke te kalfater. “ ‘ “Al die skepe op see en hulle matrose was in jou hawe om van jou ruilware te bekom.

Amos 6:2

Gaan oor die grens na Kalne en kyk; loop van daar na Hamat-Rabba, en gaan af na Gat van die Filistyne. Is julle beter as hierdie koninkryke, of is hulle grondgebied groter as julle s'n,

Numeri 13:21

Hulle het opgetrek en die land verken vanuit die Tsinwoestyn tot by Regob, by Lebo-Hamat.

Numeri 34:8

en vanaf die berg Hor moet julle weer 'n lyn trek na Lebo-Hamat. Die verste punt van die grens moet by Sedad wees.

Deuteronomium 1:7

Breek julle kamp op en trek na die bergland van die Amoriete en al die omliggende gebiede: die Araba, die bergland, die Sjefela, die Negev en die kusvlakte – dit wil sê, die land van die Kanaäniete en ook die Libanon en die gebied tot by die groot rivier, die Eufraat.

Deuteronomium 3:25

Laat my asseblief oortrek en die goeie land beleef wat oorkant die Jordaan lê: hierdie mooi bergland en die Libanon.’

Josua 11:17

van die berg Galak af wat oploop na Seïr, tot by Baäl-Gad in die Libanonvallei onderkant die berg Hermon. Al hulle konings het hy gevange geneem, hulle neergevel en hulle doodgemaak.

Josua 11:3

die Kanaäniete in die ooste en weste, die Amoriete, die Hetiete, en Feresiete, die Jebusiete in die bergland en die Hewiete onderkant Hermon in die Mispestreek.

Josua 12:7

Die volgende is die konings van die land wat Josua en die Israeliete oorkant die Jordaan aan die westekant verslaan het, van Baäl-Gad in die Libanonvallei tot by die berg Galak wat oploop na Seïr. Josua het dit alles aan die stamme van Israel as eiendom gegee ooreenkomstig hulle indeling.