Josua 13:3 - Die Bybel 2020-vertaling

³ van die Sigor af wat langs Egipte lê, noordwaarts tot by die gebied van Ekron. Dit word as Kanaänitiese gebied gereken, naamlik die gebied van die vyf Filistynse regeerders van Gasa, Asdod, Askelon, Gat, en Ekron, en van die Awwiete.

Bybel vir almal

³ Dit is 'n deel van die land Kanaän, en dit is die grond van die Sigor-rivier naby Egipte tot by die stad Ekron in die noorde. Die grond van die vyf leiers van die Filistyne wat regeer oor die stede Asdod, Askelon, Gat, Ekron en Gasa is 'n deel van die land.

Afrikaans 1933-1953

³ van die Sihor aan die kant van Egipte af tot by die grens van Ekron na die noorde, wat as Kanaänities gereken word; die vyf vorste van die Filistyne: dié van Gasa en dié van Asdod, dié van Áskelon, dié van Gat en dié van Ekron, en die Awiete

Afrikaans 1983

³ Die gebied van die Sigor af teen Egipte tot by die Ekrongebied in die noorde word as Kanaänitiese gebied beskou. Dit is die gebiede van die vyf Filistynse regeerders, dié van Gasa, Asdod, Askelon, Gat en Ekron, en dit sluit die gebied van die Awwiete in.

Contemporary Afrikaans Bible 2023

³ Van Sihor af wat voor Egipte lê, tot by die grense van Ekron, noordwaarts, wat tot die Kanaäniete gereken word: vyf vorste van die Filistyne; die Gasatiete en die Asdotiete, die Eskaloniete, die Gittiete en die Ekroniete; ook die Aviete:

Die Boodskap

³ Ook die deel van hierdie gebied wat aan die Kanaäniete behoort. Dit is die gebied wat strek van die Sigorrivier af aan die oosgrens van Egipte en noordwaarts tot by die grens met Ekron. Dit sluit in die vyf Filistynse dorpe Gasa, Asdod, Askelon, Gat en Ekron, asook die gebied van die Awwiete in die suide.

Nuwe Lewende Vertaling

³ Die gebied van die spruit van Sigor af teen die grens met Egipte tot by die Ekrongebied in die noorde is Kanaänitiese gebied. Dit is die gebiede van die vyf Filistynse regeerders van Gasa, Asdod, Askelon, Gat en Ekron. Daar is nog die gebied van die Awwiete in die suide.

Josua 13:3 Kruisverwysings

Genesis 10:6

Gam se nageslag was Kus, Egipte, Put en Kanaän.

Genesis 15:18

Op daardie dag het die Here met Abram 'n verbond gesluit: “Aan jou nageslag gee Ek hierdie land, van die rivier van Egipte af tot by die groot rivier, die Eufraatrivier –

1 Konings 8:65

Salomo het in daardie tyd die Huttefees gevier. Die hele Israel was saam met hom, 'n groot byeenkoms uit die hele land, van Lebo-Hamat af tot by die Spruit van Egipte, saam voor die Here ons God, sewe dae lank en toe nog sewe dae lank, veertien dae altesaam.

1 Kronieke 13:5

Daarop het Dawid die hele Israel, van Sigor in Egipte af tot by Lebo-Hamat, byeen laat kom om die ark van God uit Kirjat-Jearim te bring.

Jesaja 23:3

Met die groot waters langs was die saad van Sigor, ja, die oes van die Nyl, haar inkomste – dit was wins uit die nasies.

Jeremia 2:18

Daarom, wat wil jy bereik deur na Egipte te gaan? Is dit om die Sigor se water te drink? Wat wil jy bereik deur na Assirië te gaan? Is dit om die Rivier se water te drink?

Deuteronomium 2:23

Dit het ook met die Awwiete gebeur wat in dorpies in die omgewing van Gasa gewoon het: Die Kaftorane wat van Kaftor af gekom het, het hulle uitgedelg en in hulle gebied gaan woon.

Josua 13:13

Die Israeliete het egter nie die mense van Gesur en Maäga verdryf nie. Die mense van Gesur en Maäga woon onder die Israeliete; dit is vandag nog so.

Rigters 16:5

Die regeerders van die Filistyne het na haar toe opgegaan en vir haar gesê: “Praat hom om en vind uit waarin sy groot krag lê, en hoe ons hom kan oorweldig en vasbind om hom weerloos te laat. Elkeen van ons sal vir jou eenduisend eenhonderd sikkel silwer gee.”

Rigters 3:3

die vyf regeerders van die Filistyne, al die Kanaäniete, die Sidoniërs en die Hewiete wat op die Libanongebergte gewoon het, vanaf die berg Baäl-Hermon tot by Lebo-Hamat.

1 Samuel 5:1

Toe die Filistyne die ark van God weggevoer het, het hulle dit van Eben-Haeser af na Asdod toe gebring.

1 Samuel 5:10

Toe stuur hulle die ark van God na Ekron; maar die oomblik toe die ark van God by Ekron aankom, het die mense van Ekron uitgeskreeu: “Hulle het die ark van die God van Israel na ons verskuif om ons en ons volk dood te maak!”

1 Samuel 5:8

Hulle het al die Filistynse regeerders ontbied en by hulle byeengebring. Hulle vra toe: “Wat moet ons doen met die ark van die God van Israel?” Hulle antwoord was: “Die ark van die God van Israel moet na Gat verskuif word.” Hulle het toe die ark van die God van Israel verskuif.

1 Samuel 6:4

Die Filistyne vra toe: “Wat is die skadevergoeding wat ons vir Hom moet terugstuur?” Hulle antwoord was: “In ooreenstemming met die getal Filistynse heersers, vyf swelsels van goud en vyf muise van goud, want een en dieselfde plaag het julle almal en ook al julle regeerders getref.