Josua 12:1 - Die Bybel 2020-vertaling

¹ Die volgende konings van die land is deur die Israeliete verslaan, en hulle land is in besit geneem: Oorkant die Jordaan, aan die oostekant, van die Arnondal af tot by die berg Hermon, die hele Araba en ooswaarts was dit

Bybel vir almal

¹ Die Israeliete het twee konings oos van die Jordaan-rivier oorwin en die Israeliete het hulle lande gevat, van die Arnon-vallei tot by Hermon-berg, en ook die hele Jordaan-vallei oos van die Jordaan-rivier.

Afrikaans 1933-1953

¹ EN dit is die konings van die land wat die kinders van Israel verslaan en wie se land hulle in besit geneem het oos van die Jordaan, teen sonop; van die Arnonrivier af tot by die berg Hermon, en die hele Vlakte teen die ooste:

Afrikaans 1983

¹ Die Israeliete het die volgende konings van die land oorkant die Jordaan, aan die oostekant, verslaan en hulle gebiede in besit geneem, die gebied van die Arnonvallei af tot by Hermonberg, en die hele oostelike deel van die Jordaanvallei:

Contemporary Afrikaans Bible 2023

¹ En dit is die konings van die land wat die kinders van Israel verslaan en hulle land in besit geneem het oorkant die Jordaan teen sonop, van die Arnonrivier af tot by die berg Hermon en die hele vlakte aan die oostekant.

Die Boodskap

¹ Die Israeliete het in hierdie stadium reeds die hele gebied aan die oostekant van die Jordaan in besit geneem. Dit strek van die Arnonvallei op met die Jordaan tot so ver noord as die berg Hermon. Hulle het daar twee konings verslaan.

Josua 12:1 Kruisverwysings

1 Konings 4:19

Geber, seun van Uri, in die landstreek Gilead, die land van Sihon, koning van die Amoriete, en van Og, die koning van Basan. Daar was net een landvoog in dié gebied.

Psalms 133:3

Dit is asof die dou van Hermon afkom op die Sionsberge; want daar beveel die Here sy seën, lewe vir altyd.

Psalms 136:21

Hy het hulle land as erfdeel gegee – want vir ewig duur sy troue liefde –

Psalms 89:12

Aan U behoort die hemel, ook die aarde behoort aan U. Die wêreld en alles daarop – U, U het dit gegrondves.

Jesaja 16:2

Soos voëls wat vlug, 'n broeisel wat verjaag is, is die vroue van Moab by die driwwe van die Arnon.

Numeri 21:13

Van daar af het hulle weggetrek en kamp opgeslaan oorkant die Arnon in die woestyn wat uitstrek vanaf die grens van die •Amoriete. Die Arnon is immers die grens van Moab; dit lê tussen Moab en die Amoriete.

Numeri 21:21

Israel het boodskappers gestuur na Sihon, die koning van die Amoriete:

Numeri 21:24

Maar Israel het hom met die skerpte van die swaard verslaan en sy land in besit geneem, van die Arnon af tot by die Jabbok, tot teen die Ammoniete, want die grens met die Ammoniete was sterk.

Numeri 32:19

want ons wil nie saam met hulle 'n erfdeel hê oorkant die Jordaan en verder weg nie. Nee, ons erfdeel het ons aan die oostekant van die Jordaan toegeval.”

Numeri 32:32

Ons sal gewapen voor die Here na die land Kanaän oortrek, maar ons sal ons onvervreembare erfgrond oos van die Jordaan behou.”

Numeri 32:33

Moses het toe vir die nageslag van Gad en Ruben en die halwe stam van Manasse, seun van Josef, die koninkryk van Sihon, koning van die •Amoriete, en die koninkryk van Og, koning van Basan, gegee – die gebied volgens sy stede, met die omliggende grond van die stede in die gebied.

Deuteronomium 2:24

“ Die Here het verder gesê, ‘Maak julle gereed, trek verder en gaan deur die Arnondal. Kyk, Ek gee Sihon, die Amoritiese koning van Gesbon, en sy land in julle hand. Begin dan, beset die land en maak oorlog teen hulle.

Deuteronomium 2:32

“Daarop het Sihon teen ons opgetrek, hy en al sy manskappe, om teen ons oorlog te maak by Jahas.

Deuteronomium 3:1

“ Ons het toe van koers verander en in die rigting van Basan opgetrek. Toe het Og, die koning van Basan, ons tegemoet getrek, hy en al sy manskappe, vir 'n geveg by Edreï.

Deuteronomium 4:44

Hier volg die wet wat Moses aan die Israeliete voorgehou het.

Deuteronomium 4:46

oorkant die Jordaan in die vallei teenoor Bet-Peor, in die land van Sihon, die koning van die Amoriete wat in Gesbon regeer het. Moses en die Israeliete het hom verslaan met hulle uittog uit Egipte

Deuteronomium 4:48

Dit is die gebied van Aroër af op die rand van die Arnondal tot by Sioonberg – dit is Hermon –

Josua 1:15

totdat die Here vir julle broers rus gegee het soos vir julle, en hulle ook die land wat die Here julle God vir hulle gee, in besit geneem het. Dan mag julle terugkeer na die land wat julle eiendom is en dit in besit neem – die land wat Moses, die dienskneg van die Here, vir julle gegee het oorkant die Jordaan, aan die oostekant.’ ”

Josua 11:17

van die berg Galak af wat oploop na Seïr, tot by Baäl-Gad in die Libanonvallei onderkant die berg Hermon. Al hulle konings het hy gevange geneem, hulle neergevel en hulle doodgemaak.

Josua 11:3

die Kanaäniete in die ooste en weste, die Amoriete, die Hetiete, en Feresiete, die Jebusiete in die bergland en die Hewiete onderkant Hermon in die Mispestreek.

Josua 13:8

Saam met die ander halwe stam van Manasse het die stamme van Ruben en Gad hulle erfdeel wat Moses aan hulle gegee het oorkant die Jordaan, aan die oostekant, ontvang, net soos Moses, die dienskneg van die Here, dit aan hulle gegee het:

Josua 22:4

En nou het die Here julle God vir julle broers rus gegee, soos Hy hulle beloof het. Julle moet dan nou omdraai en na julle woonplekke gaan, na die land van julle erfgrond, wat Moses, die dienskneg van die Here, vir julle gegee het oorkant die Jordaan.

Rigters 11:18

Daarna het hulle deur die woestyn gegaan en om die gebied van Edom en die gebied van Moab getrek. Hulle het oos gehou van die gebied van Moab, en kamp opgeslaan anderkant die Arnon. Hulle het nie in die grondgebied van Moab gekom nie, want die Arnon is die grens van Moab.