Josua 10:41 - Die Bybel 2020-vertaling

⁴¹ Josua het hulle verslaan van Kades-Barnea tot by Gasa. Die hele Gosenstreek tot by Gibeon –

Bybel vir almal

⁴¹ Josua het hulle oorwin van die stad Kades-Barnea tot by die stad Gasa, en die hele land Gosen tot by die stad Gibeon.

Afrikaans 1933-1953

⁴¹ En Josua het hulle verslaan van Kades-Barnéa af tot by Gasa, en die hele land Gosen tot by Gíbeon.

Afrikaans 1983

⁴¹ Josua het hulle platgeloop van Kades-Barnea af tot by Gasa, ook die hele Gosengebied en tot by Gibeon.

Contemporary Afrikaans Bible 2023

⁴¹ En Josua het hulle verslaan van Kades-Barnea af tot by Gasa en die hele land Gosen, tot by Gibeon.

Die Boodskap

⁴¹ Josua se oorwinningstog het hom van Kades-Barnea in die suide tot by Gasa naby die kus geneem. Dit sluit ook die gebied van Gosen in en selfs so ver noord as Gibeon.

Josua 10:41 Kruisverwysings

Genesis 10:19

sodat die grondgebied van die Kanaäniete gestrek het van Sidon af in die rigting van Gerar tot by Gasa, en in die rigting van Sodom en Gomorra, Adma en Sebojim tot by Lesa.

1 Konings 3:5

By Gibeon het die Here in die nag in 'n droom aan Salomo verskyn. God het gesê: “Vra wat Ek vir jou moet gee.”

Sagaria 9:5

Askelon sal dit sien en bang word; Gasa sal inmekaar krimp van pyn, ook Ekron, omdat hy in sy verwagting beskaam is. 'n Koning sal uit Gasa verdwyn, en Askelon sal nie bewoon wees nie.

Numeri 13:26

Hulle het gegaan en by Moses, Aäron en die hele volksvergadering van die Israeliete by Kades in die Paranwoestyn aangekom. Hulle het aan hulle en die hele volksvergadering verslag gedoen en aan hulle die land se vrugte gewys.

Numeri 32:8

Julle voorvaders het net so gemaak toe ek hulle van Kades-Barnea af gestuur het om die land deur te kyk.

Numeri 34:4

Dan swaai julle grens suid van Skerpioenhoogte en gaan oor na Tsin. Die verste punt lê suid van Kades-Barnea dit loop verder na Gasar-Addar en dan oor na Asmon.

Handelinge 8:26

'n Engel van die Here het vir Filippus gesê: “Maak gereed en gaan na die suide, met die pad wat van Jerusalem afwaarts loop na Gasa. Dit is 'n verlate pad.”

Deuteronomium 1:19

“ Ons het toe by Horeb kamp opgebreek en deur daardie groot en vreesaanjaende woestyn, wat julle self gesien het, getrek. Soos die Here ons God ons beveel het, het ons met die pad na die bergland van die Amoriete getrek en by Kades-Barnea uitgekom.

Deuteronomium 2:23

Dit het ook met die Awwiete gebeur wat in dorpies in die omgewing van Gasa gewoon het: Die Kaftorane wat van Kaftor af gekom het, het hulle uitgedelg en in hulle gebied gaan woon.

Deuteronomium 9:23

En toe die Here julle van Kades-Barnea af gestuur het met die woorde, ‘Trek op en neem die land in besit wat Ek vir julle gee,’ was julle opstandig teen die bevel van die Here julle God. Julle het Hom nie vertrou nie en nie na sy stem geluister nie.

Josua 10:12

Dit was in dié tyd dat Josua met die Here gepraat het, die dag toe die Here die Amoriete aan die Israeliete oorgelewer het. Hy het, terwyl Israel toekyk, gesê: “Son, staan stil in Gibeon, en maan, in die vallei van Ajalon! ”

Josua 10:2

het hy vreesbevange geword. Gibeon was immers 'n groot stad, soos een van die koningstede – ja, dit was groter as Ai, en al sy manne was helde.

Josua 11:16

Josua het hierdie hele landstreek verower: die bergland, die hele Negev, die hele Gosenstreek, die Sjefela en die Araba, die berggebiede van Israel en sy laer liggende dele,

Josua 11:22

Daar het geen Enakiete in die land van die Israeliete oorgebly nie; net in Gasa, Gat en Asdod het daar van hulle oorgebly.

Josua 15:51

Gosen, Golon en Gilo – 11 dorpe met hulle gehuggies.

Rigters 16:1

Simson het na Gasa gegaan. Hy het daar 'n prostituut gesien en by haar ingegaan.

Rigters 16:21

Toe gryp die Filistyne hom en steek sy oë uit. Hulle het hom na Gasa afgeneem en hom met bronskettings geboei. Hy moes toe maalwerk doen in die gevangenis.

1 Samuel 6:17

Dit was die goue swelsels wat die Filistyne as skadevergoeding aan die Here gestuur het: een vir Asdod, een vir Gasa, een vir Askelon, een vir Gat en een vir Ekron.