Jeremia 32:28 - Die Bybel 2020-vertaling

²⁸ Daarom, so sê die Here, kyk, Ek gaan hierdie stad oorgee in die hand van die Galdeërs en in die hand van Nebukadresar, die koning van Babilonië, en hy sal dit inneem.

Bybel vir almal

²⁸ Daarom sal Ek vir die Galdeërs en die koning van Babel help om die oorlog teen hierdie stad te wen.

Afrikaans 1933-1953

²⁸ Daarom, so sê die Here: Kyk, Ek gee hierdie stad oor in die hand van die Chaldeërs en in die hand van Nebukadrésar, die koning van Babel, en hy sal dit inneem.

Afrikaans 1983

²⁸ So sê die Here: Ek gee hierdie stad in die mag van die Galdeërs, in die mag van koning Nebukadnesar van Babel. Hy sal dit verower.

Contemporary Afrikaans Bible 2023

²⁸ Daarom, so sê die HERE: Kyk, Ek gee hierdie stad in die hand van die Chaldeërs en in die hand van Nebukadrésar, die koning van Babel, en hy sal dit inneem.

Die Boodskap

²⁸ Ek sal hierdie stad aan die Babiloniërs oorgee. Nebukadnesar, wat die koning van Babel is, sal Jerusalem inneem.

Nuwe Lewende Vertaling

²⁸ Daarom sê die Here: “Ek sal hierdie stad aan die Babiloniërs oorgee. Nebukadnesar, die koning van Babel, sal die stad inneem.

Jeremia 32:28 Kruisverwysings

2 Konings 25:11

Die res van die bevolking wat nog in die stad oorgebly het, asook die drosters wat na die koning van Babilonië oorgeloop het, die massa mense wat oor was, is deur Nebusaradan, die aanvoerder van die lyfwag, in ballingskap weggevoer.

2 Kronieke 36:17

God het die koning van die Galdeërs teen hulle laat optrek. Hy het hulle jong manne binne-in hulle heiligdom met die swaard doodgemaak. Hy het geen jong man of maagd, oumens of verswakte gespaar nie. Almal is in sy hand gegee.

Jesaja 29:2

Maar Ek sal Ariël in benoudheid bring, sodat daar verdriet en droefheid sal wees. Dan sal sy vir My soos 'n vuurherd wees.

Jeremia 20:5

Ek sal al die voorraad van hierdie stad, al haar produkte, al haar kosbaarhede en al die skatte van die konings van Juda oorgee in die hand van hulle vyande. Hulle sal dit buitmaak, dit wegvat en na Babel neem.

Jeremia 21:10

Want Ek rig my gesig teen hierdie stad – ten kwade en nie ten goede nie,” is die uitspraak van die Here. “In die hand van die koning van Babilonië sal dit oorgegee word, en hy sal dit afbrand.” ’

Jeremia 32:24

Kyk, die beleëringswalle kom al tot teen die stad om dit in te neem. Die stad is klaar oorgegee in die hand van die Galdeërs wat daarteen veg, vanweë die swaard, hongersnood en 'n epidemie. Wat U aangekondig het, gebeur nou; kyk, U sien dit self!

Jeremia 32:3

want koning Sedekia van Juda het hom daar ingeperk deur te sê: “Waarom hou jy aan profeteer en sê, ‘So sê die Here: “Kyk, Ek gaan hierdie stad oorgee in die hand van die koning van Babilonië; hy sal dit inneem,

Jeremia 32:36

En nou, in die lig hiervan” – so sê die Here, die God van Israel, aan hierdie stad waarvan julle sê, ‘Dit is oorgegee in die hand van die koning van Babilonië deur die swaard, hongersnood en epidemie’:

Jeremia 34:2

“So sê die Here, die God van Israel: Gaan praat met Sedekia, koning van Juda, en sê vir hom, ‘So sê die Here: “Kyk, Ek gaan hierdie stad oorgee in die hand van die koning van Babilonië, en hy sal dit afbrand.

Jeremia 34:3

En jy, jy sal nie uit sy hand vrykom nie; want jy sal beslis gevange geneem en in sy hand oorgegee word. Jy sal die koning van Babilonië in die oë moet kyk en van aangesig tot aangesig met hom moet praat; en jy sal na Babel toe gaan.”