Jeremia 2:6 - Die Bybel 2020-vertaling

⁶ Hulle het nie gevra nie, ‘Waar is die Here wat ons uit Egipteland laat optrek het, wat ons in die woestyn gelei het – in 'n land van woestynvlaktes en afgronde, 'n land van droogte en diepe duisternis, 'n land waardeur niemand trek nie, en waar geen mens woon nie?’

Bybel vir almal

⁶ “Hulle het nie gevra: “ ‘Waar is die Here wat vir ons uit Egipte gebring het, die Here wat ons deur die woestyn gebring het?’ nie. Dit is 'n droë plek waar dit baie gevaarlik is, 'n plek waar daar nie water is nie en waar dit donker is, 'n plek waar niemand kom nie en waar niemand woon nie.

Afrikaans 1933-1953

⁶ En hulle het nie gesê nie: Waar is die Here wat ons uit Egipteland laat optrek het, ons in die woestyn gelei het, in 'n land van wildernis en kuile, in 'n land van droogte en doodskaduwee, in 'n land waar niemand deurtrek en waar geen mens woon nie?

Afrikaans 1983

⁶ Hulle het nie gevra: “Waar is die Here wat ons uit Egipteland laat optrek het?” nie. Hy het ons deur die woestyn gelei, deur 'n droë wêreld vol slote, deur 'n dor land vol doodsgevaar, deur 'n land waardeur niemand trek en waarin geen mens woon nie.

Contemporary Afrikaans Bible 2023

⁶ Hulle het ook nie gesê nie: Waar is die HERE wat ons uit Egipteland laat optrek het, wat ons deur die woestyn gelei het, deur 'n land van woestyn en van kuile, deur 'n land van droogte en doodskaduwee, deur 'n land waar niemand deurgegaan het en waar niemand gewoon het nie?

Die Boodskap

⁶ Julle voorouers het nie eens gedink om te vra: ‘Waar is die Here wat ons uit Egipte gebring het, wat ons deur die woestyn gelei het?’ nie. Die land was woes en baie moeilik om deur te trek. Daar was ook nie water nie. Niemand het eens kans gesien om hier te probeer lewe of deur te ry of te loop nie, want dit was ’n verskriklik gevaarlike stuk land. En tog het Ek, die Here, hulle veilig hierdeur gevat!”

Nuwe Lewende Vertaling

⁶ Hulle het nie eers gedink om te vra nie: ‘Waar is die Here wat ons veilig uit Egipte gebring het en ons deur die woestyn gelei het? Die land was droog en vol slote, dor met donker skaduwees. Niemand trek daardeur nie. Geen mense woon daar nie.’

Jeremia 2:6 Kruisverwysings

2 Konings 2:14

Toe neem hy Elia se mantel wat van hom afgeval het, slaan die water en sê: “Waar is die Here, die God van Elia?” Ook hy het die water geslaan, en die water het na weerskante verdeel, en Elisa het oorgegaan.

Job 3:5

Mag donker, ja, stikdonkerte dit opeis, mag wolke daarop toesak; mag 'n verduistering van die dag dit verskrik.

Job 35:10

maar wat hulle nie sê nie, is, ‘Waar is God, my Maker, Hy wat lofsange gee in die nag,

Psalms 23:4

Selfs as ek in die donkerste kloof ingaan, is ek nie bang vir gevaar nie, want U is by my. Dit is u staf en u stok wat my gerusstel.

Psalms 77:5

U hou my ooglede oop; ek is ontsteld en kan nie praat nie.

Eksodus 20:2

“ Ek is die Here jou God, wat jou uit Egipteland, uit die plek van slawerny, uitgelei het.

Jesaja 63:9

In al hulle nood was ook Hy in die nood. Die Engel van sy teenwoordigheid het hulle verlos. In sy liefde en medelye was dit Hy wat hulle vrygekoop het. Hy het hulle opgetel en hulle gedra, al die jare, van lank gelede af.

Jesaja 64:7

Daar is niemand wat u Naam aanroep of homself wakker skud om aan U vas te hou nie; want U het u gesig vir ons verberg, ons oorgelewer aan die greep van ons sondeskuld.

Jeremia 13:16

Bewys eer aan die Here julle God, voordat Hy dit donker maak, voordat julle oor julle eie voete val in die skemerte op die berge. Julle sal wag op lig, maar Hy sal dit stikdonker laat word; Hy sal dit 'n diepe duisternis maak.

Jeremia 2:2

“Gaan roep uit ten aanhore van Jerusalem, ‘So sê die Here: “Ek onthou jou – die trou van jou jeug, die liefde van jou bruidstyd, hoe jy my gevolg het in die woestyn, in 'n land waar nie gesaai word nie.

Jeremia 2:8

Die priesters het nie gevra, ‘Waar is die Here?’ nie; hulle wat die onderrig hanteer, ken My nie. Die herders het teen My oortree; die profete profeteer vir Baäl, en hulle volg dié wat geen voordeel bied nie.

Jeremia 5:12

Hulle het die Here verloën; hulle het gesê: “Nie Hy nie! 'n Ramp sal nie oor ons kom nie; en swaard en hongersnood sal ons nie beleef nie.

Jeremia 5:2

Al sê hulle, ‘So waar as die Here leef’, sweer hulle tog vals.”

Jeremia 51:43

Haar stede word 'n woesteny, 'n droë land en 'n dor vlakte, 'n land waarin niemand sal woon nie, en waar geen mens sal deurtrek nie.

Hosea 12:13

Jakob het gevlug na die veld van Aram; Israel moes dienswerk doen om 'n vrou te verkry; ja, om 'n vrou te verkry, moes hy kleinvee oppas.

Hosea 13:4

“ Ek is die Here jou God – al van Egipteland af. Buiten My het jy geen ander god geken nie, en naas My was daar geen redder nie.

Amos 2:10

Ek is die Een wat julle uit Egipteland laat optrek en julle veertig jaar lank deur die woestyn laat gaan het om die land van die Amoriete in besit te neem.

Matteus 4:16

Die volk wat in duisternis woon het 'n groot lig gesien; vir hulle wat in die gebied en die skadu van die dood leef, het 'n lig opgegaan.”

Deuteronomium 1:19

“ Ons het toe by Horeb kamp opgebreek en deur daardie groot en vreesaanjaende woestyn, wat julle self gesien het, getrek. Soos die Here ons God ons beveel het, het ons met die pad na die bergland van die Amoriete getrek en by Kades-Barnea uitgekom.

Deuteronomium 32:10

Hy het sy volk in 'n woestynland gevind, in 'n onherbergsame streek met die wildernis se gehuil. Hy het hom omring, hom versorg, hom beskerm soos die appel van sy oog.

Deuteronomium 8:2

Dink aan die hele pad waarlangs die Here jou God jou hierdie veertig jaar in die woestyn gelei het om jou nederig te maak, om jou te toets, om uit te vind wat in jou hart leef: Sou jy sy gebooie nakom of nie?

Rigters 6:13

Maar Gideon sê vir hom: “Asseblief, my Heer, as die Here dan werklik met ons is, waarom tref al hierdie dinge ons? En waar is al sy wonderwerke waarvan ons voorouers ons vertel het toe hulle gesê het, ‘Het die Here ons nie uit Egipte laat optrek nie?’ Maar nou het die Here ons verstoot en ons oorgegee in die hand van die Midianiete.”