Hosea 8:5 - Die Bybel 2020-vertaling

⁵ Hy het jou kalf verwerp, Samaria! “My toorn het teen hulle ontbrand. Hoe lank nog sal hulle nie rein kan wees nie –

Bybel vir almal

⁵ Hulle het in Samaria 'n beeld gemaak van 'n bul-kalf. Ek hou nie daarvan nie, Ek is baie kwaad vir hulle. Hoe lank sal hulle onrein bly? Altyd?

Afrikaans 1933-1953

⁵ Jou kalf, o Samaría, is afskuwelik; my toorn is teen hulle ontvlam. Hoe lank sal hulle tot reinheid onbekwaam wees?

Afrikaans 1983

⁵ Samaria, jou goue kalf is afstootlik! My toorn het losgebreek teen Samaria. Hoe lank sal hulle voortgaan om onrein te bly

Contemporary Afrikaans Bible 2023

⁵ Jou kalf, o Samaria, het jou verwerp; my toorn ontvlam teen hulle; hoe lank sal dit duur voordat hulle onskuld bereik?

Die Boodskap

⁵ Ek wil niks te doen hê met die kalf wat jy uit goud gemaak het nie, Samaria. Ek is woedend oor julle dit gemaak het. Hoeveel tyd moet verbygaan voordat julle sal leer om sonder afgode klaar te kom?

Nuwe Lewende Vertaling

⁵ “Samaria, Ek verwerp hierdie kalf, hierdie afgodsbeeld van julle. My woede het teen julle ontvlam. Hoe lank nog sal hulle onrein bly?

Hosea 8:5 Kruisverwysings

2 Kronieke 13:8

En nou dink julle dat julle julleself kan handhaaf teen die koningskap van die Here, wat in die hand van Dawid se nageslag is, terwyl julle so 'n groot menigte is en daar by julle goue kalwers is wat Jerobeam vir julle as gode gemaak het.

Psalms 19:13

Wie het insig in sy onbewuste dwalings? Spreek my vry van verborge sondes!

Spreuke 1:22

“ Hoe lank nog gaan julle, onkundiges, onkunde liefhê, gaan spotters 'n geklets waardevol ag, en gaan dwase kennis haat?

Jesaja 45:20

Kom byeen, ja, kom! Kom almal nader, julle van die nasies wat ontvlug het! Hulle weet niks nie, hulle wat hulle afgodsbeelde van hout dra, wat bid tot 'n god wat nie verlos nie.

Jeremia 13:27

O, jou owerspel, jou gerunnik, jou skandalige hoerery! Op die heuwels in die veld, het Ek jou verfoeilike dade gesien. Wee jou, Jerusalem! Jy sal nie rein word nie. Hoe lank sal dit nog duur?”

Jeremia 4:14

“Spoel jou hart skoon van kwaad, Jerusalem, sodat jy gered kan word! Hoe lank gaan planne van onheil nog in jou midde vertoef?

Jeremia 48:13

Moab sal beskaamd staan oor Kemos, net soos die huis van Israel beskaamd gestaan het oor Bet-El, die bron van hulle vertroue.

Hosea 10:5

Oor die kalf van Bet-Awen is die inwoners van Samaria besorg. Ja, sy volk treur oor hom, sy afgodspriesters kerm oor hom, oor sy aansien, omdat dit van hom weggeneem is.

Hosea 10:8

Die offerhoogtes van Awen, die sonde van Israel, sal uitgedelg word. Dorings en dissels sal op hulle altare groei. Dan sal hulle vir die berge sê, “Bedek ons!” en vir die heuwels, “Val op ons!”

Hosea 13:2

en nou gaan hulle voort om te sondig. Hulle het vir hulle gegote beelde gemaak – afgode van hulle silwer, met vaardigheid, alles die handewerk van ambagsmanne. Van die beelde sê hulle: “Mense wat offer, moet die kalwers soen!”

Hosea 8:6

as hulle dan deel is van Israel. En daardie ding, 'n ambagsman het dit gemaak; dit is nie 'n god nie. Ja, die kalf van Samaria sal houtspaanders word.

Amos 8:14

Hulle wat sweer by die Skuld van Samaria, en sê, ‘So waar as wat jou god leef, Dan’, of ‘so waar as wat jou god leef, Berseba’; hulle sal val en nie weer opstaan nie.”

Miga 1:7

Al haar afgodsbeelde sal stukkend geslaan word, alles wat sy verdien het, sal in die vuur verbrand word, al haar afgode sal Ek vernietig; want met die loon van 'n prostituut het sy dit bymekaargemaak, en dit sal weer die verdienste van 'n prostituut word.”

Handelinge 7:41

Toe het hulle in daardie dae 'n beeld van 'n kalf gemaak, en aan dié afgodsbeeld 'n offer gebring en hulle oor hulle handewerk verheug.

Deuteronomium 32:22

Want 'n vuur is aangesteek in my toorn, en dit brand tot in die •doderyk daar onder. Dit verteer die aarde en sy opbrengs, dit laat die fondamente van die berge in vlamme opgaan.