Hosea 5:1 - Die Bybel 2020-vertaling

¹ “ Luister hierna, priesters; gee ag, huis van Israel; en koningshuis, gee aandag, want die oordeel is vir julle bedoel: Ja, julle het 'n wip geword vir Mispa, 'n oopgespreide vangnet op Tabor,

Bybel vir almal

¹ Die Here het gesê: “Die priesters, die leiers van Israel, en die koning en sy familie moet almal luister. Hulle moet hoor hoekom die Here hulle wil straf. Hulle het die mense sonde laat doen op baie plekke: in die stad Mispa, op Tabor-berg,

Afrikaans 1933-1953

¹ HOOR dit, o priesters, en let op, o huis van Israel, en gee gehoor, o huis van die koning! Want die vonnis raak julle, omdat julle vir Mispa 'n vangnet geword het en 'n uitgespreide net op Tabor.

Afrikaans 1983

¹ Luister hierna, priesters! Let op, leiers van Israel, gee aandag, koningshuis! Hierdie oordeelswoord is vir julle bedoel. Julle is die wip in Mispa, die oopgespreide vangnet op Tabor,

Contemporary Afrikaans Bible 2023

¹ Hoor dit, o priesters! en luister, o huis van Israel! en luister, o huis van die koning! want die oordeel kom teen julle, omdat julle 'n strik was in Mispa en 'n net uitgesprei op Tabor.

Die Boodskap

¹ “Die priesters moet nou mooi luister. Israeliete, gee ’n bietjie aandag. Die koning en sy gesin moet hulle ore spits. Die Here daag julle almal voor die hof. Hy kla julle daarvan aan dat julle soos ’n strik geword het vir die volk. Die dinge wat julle by Mispa laat gebeur, is vir die volk ’n lokval. Wat julle op Tabor doen, is soos ’n vangnet wat gespan is.

Nuwe Lewende Vertaling

¹ “Luister hier, julle priesters! Gee aandag, leiers van Israel! Hoor hier, lede van die koningshuis! Hierdie oordeel is oor julle: Julle is gedoem! Want julle het in Mispa ’n strik gestel en in Tabor ’n vangnet gespan waardeur die volk tot afgodery verlei is.

Hosea 5:1 Kruisverwysings

Jeremia 11:7

Want Ek het julle voorouers uitdruklik gewaarsku, vanaf die dag toe Ek hulle uit Egipteland laat optrek het, tot vandag toe. Ek het hulle aanhoudend gewaarsku met die woorde: “Luister na my stem!”

Jeremia 13:18

Sê vir die koning en die koninginmoeder: “Gaan sit op die grond, want julle sierlike krone het van julle koppe afgekom.

Jeremia 46:18

“So seker as wat Ek leef,” is die uitspraak van die Koning, Here, Heerser oor alle magte is sy Naam, “soos Tabor bo die berge, en soos Karmel bo die see, sal die een wees wat kom.

Hosea 10:15

net so gaan hy met julle maak in Bet-El, oor julle verskriklike boosheid. Teen dagbreek sal die koning van Israel al heeltemal vernietig wees.”

Hosea 13:8

Ek sal hulle aanval soos 'n beer wat haar kleintjies verloor het. Ek sal hulle borskas oopskeur. Soos 'n leeuwyfie sal ek hulle net daar verslind; die wilde diere sal hulle uitmekaar skeur.

Hosea 4:1

Luister na die woord van die Here, Israeliete, want die Here het 'n regsaak teen die inwoners van die land: “Omdat daar geen betroubaarheid, geen troue liefde, en geen kennis van God in die land is nie,

Hosea 6:9

Soos struikrowers wat iemand voorlê, is die priesterbende – op die pad na Sigem pleeg hulle moord; ja, hulle tree skandelik op.

Hosea 9:8

'n Profeet is die een wat saam met my God waak oor Efraim; maar die net van die voëlvanger is op al sy paaie; daar is vyandigheid in die huis van sy God.

Joël 1:2

Luister hierna, oudstes, gee aandag, al die inwoners van die land! Het so iets al in julle leeftyd gebeur, of in die leeftyd van julle voorouers?

Amos 3:1

“Luister na hierdie woord wat Ek, die Here, teen julle uitgespreek het, Israeliete, teen die hele geslag wat Ek uit Egipteland laat optrek het,

Amos 7:9

“Die offerhoogtes van Isak sal verwoes word, en die heiligdomme van Israel sal puinhope wees. Ek gaan teen die huis van Jerobeam optree met die swaard.”

Miga 3:1

Maar ek sê: “Luister tog, hoofde van Jakob, •gesagvoerders van die huis van Israel! Is julle nie veronderstel om die reg te ken nie,

Miga 3:9

“Luister tog hierna, hoofde van die huis van Jakob en gesagvoerders van die huis van Israel, julle wat regte minag en alles wat reg is, verdraai;

Miga 7:2

Die getroues het uit die land verdwyn, en daar is glad nie meer opregtes onder die mense nie. Hulle almal lê en wag om bloed te vergiet; hulle maak jag op mekaar met nette.

Maleagi 1:6

“'n Seun respekteer 'n vader, en 'n dienaar sy heer. As Ek dan 'n vader is, waar is die respek wat My toekom? As Ek die Opperheer is, waar is die ontsag vir My?” Die Here, Heerser oor alle magte, sê: “Dit geld vir julle, priesters, wat my Naam minag! Maar julle vra, ‘Hoe minag ons u Naam?’

Maleagi 2:1

Daarom dan, vir julle geld hierdie beslissing, priesters:

Rigters 4:12

Toe hulle vir Sisera berig bring dat Barak, seun van Abinoam, na die berg Tabor opgetrek het,

Rigters 4:6

Sy het Barak, seun van Abinoam, uit Kedes in Naftali ontbied en vir hom gesê: “Het die Here, die God van Israel, nie hierdie opdrag gegee nie? ‘Gaan, trek saam op die berg Tabor! Neem tienduisend man uit die nageslag van Naftali en Sebulon saam met jou;

1 Samuel 7:16

Hy het van jaar tot jaar rondgegaan by Bet-El, Gilgal en Mispa, en Israel op al hierdie plekke gerig

1 Samuel 7:5

Samuel sê toe: “Bring die hele Israel by Mispa byeen, dan sal ek vir julle tot die Here bid.”

1 Samuel 7:6

Hulle het by Mispa byeengekom, water geskep en dit voor die Here uitgegiet. Hulle het daardie dag gevas en daar bely: “Ons het teen die Here gesondig.” Samuel het die Israeliete by Mispa gerig.