Hosea 4:1 - Die Bybel 2020-vertaling

¹ Luister na die woord van die Here, Israeliete, want die Here het 'n regsaak teen die inwoners van die land: “Omdat daar geen betroubaarheid, geen troue liefde, en geen kennis van God in die land is nie,

Bybel vir almal

¹ Israeliete, julle moet luister na wat die Here sê. Die Here sê die mense wat in die land woon, doen verkeerd. Hulle doen nie wat hulle belowe het nie. Hulle is nie lief vir die Here nie, hulle wil nie naby Hom wees nie.

Afrikaans 1933-1953

¹ HOOR die woord van die Here, o kinders van Israel! Want die Here het 'n regsaak met die inwoners van die land, omdat daar geen trou en geen liefde en geen kennis van God in die land is nie.

Afrikaans 1983

¹ Israeliete, luister na die woord van die Here, want Hy kla die inwoners van die land aan: Omdat trou, liefde en toewyding aan die wil van God in die land ontbreek,

Contemporary Afrikaans Bible 2023

¹ Hoor die woord van die HERE, kinders van Israel, want die HERE het 'n twis met die inwoners van die land, omdat daar geen waarheid en geen barmhartigheid en geen kennis van God in die land is nie.

Die Boodskap

¹ Hoor wat sê die Here oor Israel: “Die Here maak ’n hofsaak teen die mense wat in die land bly. Hy kla hulle aan dat daar niemand in die land is wat nog getrou is aan God en by Hom bly nie. Hulle ken nie meer die Here nie.

Nuwe Lewende Vertaling

¹ Volk van Israel, luister na die woord van die Here! Die Here het ’n regsaak teen die inwoners van die land. Hy sê: “Daar is geen getrouheid, goedheid of ’n intieme verhouding met God in julle land nie.

Hosea 4:1 Kruisverwysings

1 Konings 22:19

Maar Miga het gesê: “Daarom, hoor die woord van die Here! Ek het die Here sien sit op sy troon, met die hele hemelse leër wat by Hom staan, aan sy regter- en aan sy linkerkant.

Psalms 81:9

“Luister, my volk, Ek wil jou waarsku, Israel; as jy maar net na My sal luister:

Jesaja 1:10

Luister na die woord van die Here, •gesagvoerders van Sodom! Gee aandag aan die wet van ons God, mense van Gomorra!

Jesaja 1:18

“Kom tog, laat ons die saak uitpraat!” sê die Here. “Al is julle sondes rooi soos karmosyn, dit sal wit word soos sneeu; al is dit rooi soos skarlaken, soos wol sal dit word.

Jesaja 28:14

Daarom, hoor die woord van die Here, julle spotters, regeerders van hierdie volk in Jerusalem!

Jesaja 34:1

Kom nader, nasies, om te hoor, volke, gee aandag! Die aarde en alles daarop moet hoor, die wêreld en alles wat daaruit voortkom.

Jesaja 34:8

Ja, daar is 'n dag van wraak vir die Here, 'n jaar van vergelding in die regstryd van Sion.

Jesaja 5:3

“ Daarom, inwoners van Jerusalem en manne van Juda, besleg tog tussen My en my wingerd.

Jesaja 59:4

Niemand beroep hom op geregtigheid nie, en niemand bepleit sy saak met die waarheid nie. Hulle vertrou op nietighede, en maak valse uitsprake. Hulle raak swanger van moeilikheid, en gee geboorte aan onheil.

Jesaja 59:8

Die pad van vrede ken hulle nie. Daar is geen regverdige optrede op hulle roetes nie. Hulle maak self hulle paaie vol kinkels; niemand wat daarop loop, ervaar vrede nie.

Jesaja 66:5

Hoor die woord van die Here, julle wat sidder vir sy woord: “Julle volksgenote wat julle haat, wat julle verstoot ter wille van my Naam, het gesê, ‘Laat die Here verheerlik word, sodat ons julle vreugde kan aanskou!’ Maar self sal hulle beskaamd staan.”

Jeremia 11:7

Want Ek het julle voorouers uitdruklik gewaarsku, vanaf die dag toe Ek hulle uit Egipteland laat optrek het, tot vandag toe. Ek het hulle aanhoudend gewaarsku met die woorde: “Luister na my stem!”

Jeremia 19:3

Jy moet sê, ‘Hoor die woord van die Here, konings van Juda en inwoners van Jerusalem! So sê die Here, Heerser oor alle magte, die God van Israel: “Kyk, Ek gaan onheil bring oor hierdie plek, sodat elkeen wat dit hoor, se ore sal tuit.

Jeremia 2:4

Hoor die woord van die Here, huis van Jakob, en al die familiegroepe van die huis van Israel!

Jeremia 2:9

Daarom kla Ek julle steeds aan,” is die uitspraak van die Here, “en ook julle kleinkinders sal Ek aankla.

Jeremia 25:31

Krygsgeskreeu galm tot aan die einde van die aarde, want die Here kla die nasies aan, die vonnis geld alle mense; goddeloses gee Hy oor aan die swaard,’ ” is die uitspraak van die Here.

Jeremia 34:4

“ ‘Maar hoor die woord van die Here, Sedekia, koning van Juda! So sê die Here oor jou: “Jy sal nie deur die swaard sterf nie;

Jeremia 4:22

“Ja, my volk is dom; Hulle ken My nie. Dwase kinders is hulle; hulle het nie insig nie. Slim om kwaad te doen, dit is hulle; maar om goed te doen, dit ken hulle nie.”

Jeremia 4:28

Hieroor sal die aarde treur, en die hemel daarbo verdonker. Ja, Ek het dit aangekondig; dit is my voorneme. Ek sal nie jammer wees nie, nie daarop terugkom nie. ”

Jeremia 5:4

Ek het by myself gedink: Hulle is maar die armes; hulle is dom, want hulle ken nie die weg van die Here, die beslissings van hulle God nie.

Jeremia 51:5

Want Israel en Juda is nie weduwees nie, nie sonder hulle God, sonder die Here, Heerser oor alle magte, nie, maar hulle land was vol skuld voor die Heilige van Israel.”

Jeremia 6:13

“ Ja, klein en groot maak almal onregverdige wins. Van profeet tot priester – hulle almal pleeg bedrog.

Jeremia 7:28

Dan moet jy vir hulle sê, ‘Dit is die nasie wat nie na die stem van die Here hulle God luister nie en teregwysing nie aanvaar nie. Betroubaarheid het verdwyn, dit is uitgewis uit hulle monde. ’ ” ’ ”

Jeremia 9:20

Ja, vroue, luister na die woord van die Here, en laat julle ore die woorde van sy mond inneem. Leer julle dogters 'n treurlied, vir mekaar 'n klaaglied:

Jeremia 9:3

Hulle span hulle tong soos 'n boog; met leuens, en nie met betroubaarheid nie, word hulle helde in die land. Ja, van boosheid na boosheid gaan hulle voort, en My ken hulle nie,” is die uitspraak van die Here.

Jeremia 9:7

Daarom, so sê die Here, Heerser oor alle magte: “Kyk, Ek gaan hulle smelt en toets. Want wat anders kan Ek doen oor die dogter van my volk?

Esegiël 16:35

“ ‘Daarom, jou hoer, hoor die woord van die Here!

Hosea 12:2

Efraim pas die wind op, hy loop heeldag agter die oostewind aan. Al wat hy vermeerder, is leuens en verwoesting. Met Assirië sluit hulle 'n verdrag, maar olie word na Egipte gestuur.”

Hosea 12:3

Die Here het 'n regsaak teen Juda, en Hy gaan Jakob tot verantwoording roep oor sy optrede; Hy gaan hom vergeld volgens sy dade.

Hosea 5:1

“ Luister hierna, priesters; gee ag, huis van Israel; en koningshuis, gee aandag, want die oordeel is vir julle bedoel: Ja, julle het 'n wip geword vir Mispa, 'n oopgespreide vangnet op Tabor,

Hosea 5:4

Hulle dade laat hulle nie toe om na hulle God terug te keer nie, want 'n gees van hoerery heers in hulle midde, en hulle ken die Here nie.

Joël 1:2

Luister hierna, oudstes, gee aandag, al die inwoners van die land! Het so iets al in julle leeftyd gebeur, of in die leeftyd van julle voorouers?

Amos 3:1

“Luister na hierdie woord wat Ek, die Here, teen julle uitgespreek het, Israeliete, teen die hele geslag wat Ek uit Egipteland laat optrek het,

Amos 7:16

Hoor dan nou die woord van die Here: “Jy sê, “ ‘Jy mag nie teen Israel profeteer nie, en jy mag nie teen die huis van Isak driftig preek nie.’

Miga 6:2

Luister, berge, na die aanklag van die Here, luister, onwrikbare fondamente van die aarde! Ja, die Here lê 'n klag teen sy volk; Hy het 'n regsaak met Israel,

Johannes 8:55

Julle ken Hom nie, maar Ek ken Hom. En as Ek sê Ek ken Hom nie, sal Ek net soos julle 'n leuenaar wees. Maar Ek ken Hom, en Ek bewaar sy woord.

Romeine 1:28

En omdat hulle dit as verwerplik beskou het om aan God erkenning te gee, het God hulle oorgegee aan 'n verwerplike denkwyse, sodat hulle onbetaamlik optree.

1 Korinthiërs 15:34

Wees nugter in julle denke, soos dit hoort, en moenie sondig nie. Sommige van julle het helaas geen kennis van God nie. Dit sê ek tot julle skande.

Openbaring 2:11

“ ‘Laat dié wat ore het, luister na wat die Gees aan die gemeentes sê. Wie oorwin, sal beslis nie deur die tweede dood skade ly nie.’ ”

Openbaring 2:29

“ ‘Laat dié wat ore het, luister na wat die Gees aan die gemeentes sê.’ ”