Handelinge 9:41 - Die Bybel 2020-vertaling

⁴¹ Hy het sy hand vir haar gegee en haar help opstaan. Toe het hy die •heiliges en die weduwees geroep, en haar lewend aan hulle getoon.

Bybel vir almal

⁴¹ Petrus het toe Dorkas se hand geneem en hy het vir haar gehelp om op te staan. Toe het Petrus die weduwees en die ander gelowiges geroep, en hy het die vrou wat weer begin lewe het, voor hulle laat staan.

Afrikaans 1933-1953

⁴¹ En hy gee haar sy hand en laat haar opstaan. Daarop roep hy die heiliges en die weduwees en stel haar lewendig voor hulle.

Afrikaans 1983

⁴¹ Hy het haar met die hand help opstaan, die weduwees en die ander gelowiges geroep en haar lewend voor hulle gebring.

Contemporary Afrikaans Bible 2023

⁴¹ En Hy het haar sy hand gegee en haar opgelig, en nadat Hy die heiliges en weduwees geroep het, het Hy haar lewendig voorgehou.

Die Boodskap

⁴¹ Tabita het dadelik haar oë oopgemaak. Toe sy Petrus sien, het sy regop gesit. Hy het haar hand gevat en haar gehelp om op te staan. Petrus het toe vir die gelowiges en die weduwees wat buite die deur gewag het, binnetoe geroep. Toe hulle in die kamer kom, sien hulle dat Tabita weer lewe.

Nuwe Lewende Vertaling

⁴¹ Hy het haar sy hand gegee en haar help opstaan. Toe het hy die gelowiges en die weduwees geroep, en hulle gewys sy leef.

Handelinge 9:41 Kruisverwysings

Genesis 45:26

Hulle het hom ingelig, “Josef leef nog!” en ook dat hy heers oor die hele Egipteland. Maar dit het hom koud gelaat, want hy het hulle nie geglo nie.

1 Konings 17:23

Elia het die kind geneem, hom uit die bovertrek na die huis afgeneem en hom vir sy moeder gegee. Elia het gesê: “Kyk, jou seun leef!”

2 Konings 6:7

Hy sê toe: “Haal dit vir jou uit!” Hy het sy hand uitgesteek en dit geneem.

Job 29:13

Die seënspreuk van 'n sukkelaar het ek ontvang; die harte van weduwees het ek laat jubel.

Psalms 146:9

die Here beskerm •vreemdelinge; vaderloses en weduwees help Hy op, maar die pad van goddeloses maak Hy krom.

Markus 1:31

Hy het na haar gegaan, haar hand gevat en haar opgehelp. Die koors het haar verlaat en sy het hulle bedien.

Lukas 7:12

Hy het naby die poort van die dorp gekom. Juis toe word daar 'n dooie uitgedra – die enigste seun van sy moeder, en sy was 'n weduwee. Daar was heelwat mense van die dorp saam met haar.

Lukas 7:15

Die dooie het regop gesit en begin praat. En Jesus het hom aan sy moeder teruggegee.

Handelinge 20:12

Hulle het die seun lewend huis toe geneem en was uitermate bemoedig.

Handelinge 3:7

Hy het hom aan sy regterhand gegryp en opgehelp. Onmiddellik het sy voete en enkels sterk geword.

Handelinge 6:1

Maar in dié dae, toe die aantal dissipels al hoe meer geword het, het 'n gemor onder die Helleniste teen die Hebreërs ontstaan omdat hulle weduwees in die daaglikse versorging oor die hoof gesien word.

Handelinge 9:13

Ananias het geantwoord: “Here, ek het by baie mense van hierdie man gehoor, van al die kwaad wat hy u •heiliges in Jerusalem aangedoen het.

Handelinge 9:32

•Petrus het oral rondgereis, en ook by die •heiliges wat in Lidda woon, aangekom.

1 Timoteus 5:3

Betoon eer aan weduwees wat werklik weduwees is.

1 Timoteus 5:5

Maar sy wat werklik 'n weduwee is, en alleen agtergelaat is, vestig haar hoop steeds op God, en sy bly bedags en snags smeek en bid;