Handelinge 9:16 - Die Bybel 2020-vertaling

¹⁶ Ek sal boonop aan hom toon hoeveel hy ter wille van my Naam moet ly. ”

Bybel vir almal

¹⁶ Ek sal self vir hom wys hoe baie hy moet swaarkry omdat Hy vir mense van My vertel.”

Afrikaans 1933-1953

¹⁶ Want Ek sal hom toon hoeveel hy vir my Naam moet ly.

Afrikaans 1983

¹⁶ Ek self sal vir hom wys hoeveel hy vir my Naam moet ly.”

Contemporary Afrikaans Bible 2023

¹⁶ Want Ek sal hom wys hoe groot dinge hy moet ly ter wille van my Naam.

Die Boodskap

¹⁶ Ek het hom uitgekies vir ’n baie besondere opdrag. Hy gaan nog met baie belangrike mense oor My praat, en ook met die Jode en met mense wat aan ander volke behoort. Daar lê ’n moeilike taak vir hom voor. Saulus gaan nog baie swaarkry omdat hy oor My moet praat. Ek sal dit een van die dae vir hom wys.”

Nuwe Lewende Vertaling

¹⁶ Ek sal inderdaad self vir hom wys hoeveel hy vir My moet ly.”

Handelinge 9:16 Kruisverwysings

Jesaja 33:1

Wee jou, verwoester, jy wat nie verwoes is nie, trouelose, aan wie niemand ontrou was nie! Wanneer jy jou verwoestingswerk voltooi het, sal jy verwoes word; wanneer jy ophou om troueloos te wees, sal daar troueloos teen jou opgetree word.

Matteus 24:9

Dan sal hulle julle oorlewer om verdruk te word en julle doodmaak, en julle sal deur al die nasies gehaat word ter wille van my Naam.

Matteus 5:11

Gelukkig is julle wanneer die mense julle om My ontwil beledig en vervolg en vals beskuldig van alles wat sleg is.

Johannes 15:20

Onthou die woorde wat Ek vir julle gesê het: 'n Slaaf is nie belangriker as sy eienaar nie. As hulle My vervolg het, sal hulle julle ook vervolg. As hulle my woorde gehoorsaam het, sal hulle ook julle woorde gehoorsaam.

Handelinge 14:22

Hulle het die dissipels geestelik versterk, hulle aangemoedig om in die geloof te volhard en gesê: “Ons moet deur baie ontberings heen in die •koninkryk van God ingaan.”

Handelinge 21:11

Hy het na ons toe gekom, Paulus se gordel gevat, en sy eie voete en hande daarmee vasgebind, en gesê: “So sê die Heilige Gees, ‘Op hierdie manier sal die Jode in Jerusalem die man aan wie hierdie gordel behoort, vasbind en in die hande van nie-Jode oorgee.’ ”

Handelinge 21:13

Daarop het Paulus geantwoord: “Wat probeer julle bereik deur te huil en my hart te breek? Ek is bereid om nie net gevange geneem te word nie, maar ook om in Jerusalem te sterf ter wille van die Naam van die Here Jesus. ”

Handelinge 21:4

Ons het die dissipels opgesoek en sewe dae lank by hulle gebly. Hulle het onder leiding van die Gees vir Paulus gesê om nie na Jerusalem te gaan nie.

Handelinge 9:14

En hier het hy volmag van die leierpriesters om almal wat u Naam aanroep, in boeie te slaan.”

Handelinge 9:6

Maar staan op en gaan na die stad, en daar sal vir jou gesê word wat jy moet doen.”

2 Korinthiërs 6:4

Maar in alles beveel ons onsself aan as dienaars van God, met groot uithouvermoë: in verdrukkings, in ontberings, in benoudhede;

1 Thessalonisense 3:3

sodat niemand deur hierdie beproewinge ontstel word nie. Julle weet tog self dat ons daartoe bestem is.

2 Timoteus 1:12

Daarom ly ek ook hierdie dinge, maar ek skaam my nie; want ek weet in wie ek nog altyd my vertroue stel, en ek is oortuig dat Hy magtig is om die pand wat aan my toevertrou is, tot op daardie dag te bewaar.

2 Timoteus 3:11

in vervolging en lyding, soos wat ek in Antiogië, Ikonium en Listra ervaar het. Watter vervolgings ek ook al verduur het – die Here het my van alles gered!

1 Petrus 4:14

As julle ter wille van Christus se Naam beledig word – gelukkig is julle, omdat die Gees van heerlikheid, dit is die Gees van God, op julle rus.

Openbaring 1:9

Ek, Johannes, julle broer en 'n deelgenoot in die verdrukking, en in die koninkryk, en in die volharding in ons verhouding met Jesus, was op die eiland wat Patmos genoem word, op grond van die woord van God, naamlik die getuienis deur Jesus •Christus.