Handelinge 8:23 - Die Bybel 2020-vertaling

²³ want ek sien jy is galbitter en in ongeregtigheid verstrik. ”

Bybel vir almal

²³ Want ek sien dat jy baie jaloers is en dat slegte gedagtes jou vashou.”

Afrikaans 1933-1953

²³ Want ek sien dat jy in 'n gal van bitterheid en bande van ongeregtigheid is.

Afrikaans 1983

²³ Ek sien jy is deur afguns vergiftig en deur die sonde verstrik.”

Contemporary Afrikaans Bible 2023

²³ Want ek bemerk dat jy in die gal van bitterheid en in die band van ongeregtigheid is.

Die Boodskap

²³ Jy probeer heeltyd om ander mense te misbruik. Jou lewe is pikdonker. Ja, dit is galbitter van al die sonde.”

Handelinge 8:23 Kruisverwysings

Job 20:14

word sy kos in sy ingewande verander; dit is die gif van kobras in sy binneste.

Psalms 116:16

Ag, Here, omdat ek u dienskneg is – ja, ek is u dienskneg, die seun van u diensmeisie – het U my boeie losgemaak.

Spreuke 5:22

Die goddelose – sy eie sondeskuld vang hom, en in die strikke van sy sonde word hy vasgeknel.

Jesaja 28:22

Moet julle dan nou nie soos spotters gedra nie; anders sal julle boeie nog stywer vas wees. Ja, ek het gehoor: Volslae vernietiging oor die hele land! Dit is bepaal deur my Heer, die Here, Heerser oor alle magte.

Jesaja 58:6

Is dit nie hierdie vas wat Ek verkies nie, dat julle die boeie van goddeloosheid losmaak, die stroppe van die juk stukkend ruk, verdruktes vry wegstuur en elke juk breek?

Jeremia 4:18

“Jou handel en wandel het jou dit aangedoen. Hierdie is die gevolg van jou boosheid! Ja, dit is bitter, want dit raak jou aan die hart.”

Jeremia 9:15

Daarom, so sê die Here, Heerser oor alle magte, die God van Israel: “Kyk, Ek laat hierdie volk wildeals eet en giftige water drink.

Klaagliedere 3:19

Dink aan my nood en my swerwersbestaan, aan die wildeals en gif.

Klaagliedere 3:5

Hy het my beleër, my omring met bitterheid en moeite.

Johannes 8:34

Jesus het hulle geantwoord: “Amen, amen, Ek sê vir julle: Elkeen wat sonde doen, is 'n slaaf van die sonde.

Efesiërs 4:31

Laat vaar alle bitterheid en woede en gramskap en geskreeu en gelaster, saam met elke vorm van kwaad.

Titus 3:3

Want ons was ook voorheen onverstandig, ongehoorsaam, verdwaal, verslaaf aan allerlei begeertes en luste. Ons het in kwaadwilligheid en naywer geleef, ons was haatlik en het mekaar gehaat.

Hebreërs 12:15

Sien toe dat niemand die genade van God verspeel nie, sodat geen wortel van bitterheid opskiet, en moeilikheid veroorsaak, en baie daardeur besoedel word nie;

2 Petrus 2:19

mense wat aan hulle vryheid beloof, alhoewel hulle self slawe van die verderf is. 'n Mens is immers verslaaf aan dit waaraan jy toegee.

2 Petrus 2:4

Trouens, as God die engele wat gesondig het, nie gespaar het nie, maar hulle oorgelewer het, deur hulle met boeie in die digte duisternis van Tartarus te werp, en hulle so tot met die oordeel gevange te hou;