Handelinge 5:41 - Die Bybel 2020-vertaling

⁴¹ Daarna het hulle van die Sanhedrin weggegaan, bly dat hulle waardig bevind is om ter wille van sy Naam skandelik behandel te word.

Bybel vir almal

⁴¹ Die apostels het weggegaan van die Joodse Raad. Hulle was baie bly dat die Here besluit het dat dit húlle is wat moet swaarkry omdat hulle aan Jesus behoort.

Afrikaans 1933-1953

⁴¹ Hulle het toe van die Raad af weggegaan, bly dat hulle waardig geag was om vir sy Naam oneer te ly.

Afrikaans 1983

⁴¹ Die apostels het van die Raad af weggegaan, bly dat hulle bevoorreg was om ter wille van die Naam van Jesus vernedering te ly.

Contemporary Afrikaans Bible 2023

⁴¹ En hulle het weggegaan van die aangesig van die Raad, en was bly dat hulle waardig geag is om vir sy Naam skande te ly.

Die Boodskap

⁴¹ Die apostels was baie bly toe hulle by die Joodse Raad uitstap. Hulle was dankbaar dat hulle hierdie vernedering en slae kon verduur omdat hulle in Jesus glo.

Nuwe Lewende Vertaling

⁴¹ Die apostels het van die Raad af weggegaan, bly dat God hulle werd geag het om ter wille van die Naam van Jesus vernedering te ly.

Handelinge 5:41 Kruisverwysings

Jesaja 51:7

Luister na My, julle wat geregtigheid ken – volk met my wet in hulle harte! Moenie bang wees vir die bespotting deur mense nie; vir hulle beledigings moet julle nie skrik nie.

Jesaja 61:10

Ek verheug my grootliks in die Here; my hele wese juig oor my God. Want Hy het vir my klere van verlossing aangetrek, 'n mantel van geregtigheid het Hy my omgehang, asof ek 'n bruidegom is, soos 'n priester met 'n tulband, soos 'n bruid met haar versierings.

Jesaja 65:14

Kyk, my diensknegte sal jubel met blye harte, maar julle sal om hulp roep met bedroefde harte; met 'n gebroke gees sal julle huil.

Jesaja 66:5

Hoor die woord van die Here, julle wat sidder vir sy woord: “Julle volksgenote wat julle haat, wat julle verstoot ter wille van my Naam, het gesê, ‘Laat die Here verheerlik word, sodat ons julle vreugde kan aanskou!’ Maar self sal hulle beskaamd staan.”

Lukas 6:22

Gelukkig is julle wanneer die mense julle haat en verstoot en uitskel en julle name deur die modder sleep ter wille van die •Seun van die Mens.

Johannes 15:21

Hulle sal julle al hierdie dinge aandoen, ter wille van my Naam, omdat hulle Hom wat My gestuur het, nie ken nie.

Handelinge 21:13

Daarop het Paulus geantwoord: “Wat probeer julle bereik deur te huil en my hart te breek? Ek is bereid om nie net gevange geneem te word nie, maar ook om in Jerusalem te sterf ter wille van die Naam van die Here Jesus. ”

Handelinge 5:21

Hulle het gehoor gegee en teen ongeveer dagbreek die tempelterrein binnegegaan en die mense onderrig. Toe die hoëpriester en sy ondersteuners opdaag, het hulle die Sanhedrin, die hele Raad van Familiehoofde van Israel, ontbied en die apostels by die tronk laat haal.

Romeine 5:3

Maar dis nie al nie: Ons beroem ons ook op ons verdrukking, omdat ons weet verdrukking bewerkstellig volharding,

2 Korinthiërs 12:10

Ter wille van Christus verheug ek my in swakhede, beledigings, ontberings, vervolgings en benoudhede; want wanneer ek swak is, juis dan is ek sterk.

Filippense 1:29

Dit is immers ter wille van Christus aan julle as gawe gegee om nie net in Hom te glo nie, maar ook vir Hom te ly.

Hebreërs 10:34

Ook het julle met die gevangenes medelye gehad, en die beslaglegging van julle besittings met vreugde aanvaar, omdat julle weet dat julle 'n beter en blywende besitting het.

Hebreërs 12:2

die oog gerig op Jesus, die Leidsman en Voleinder van die geloof, Hy wat ter wille van die vreugde wat vir Hom in die vooruitsig gestel is, die kruis verduur het, die skande daarvan gering geag het, en sy plek aan die regterkant van die troon van God ingeneem het.

Jakobus 1:2

Beskou dit as 'n groot vreugde, my broers, wanneer allerhande versoekings julle oorval,

3 Johannes 1:7

Want ter wille van die Naam, het hulle uitgegaan, sonder om iets van die heidene te ontvang.