Handelinge 5:3 - Die Bybel 2020-vertaling

³ •Petrus het toe gesê: “Ananias, waarom het Satan jou hart vervul, sodat jy vir die Heilige Gees gelieg en vir jouself van die geld vir die grond teruggehou het?

Bybel vir almal

³ Petrus het vir hom gesê: “Ananias, hoekom het jy geluister na die Satan? Hoekom het jy gesê hy mag oor jou hart regeer? Hoekom het jy vir die Heilige Gees gelieg? Want jy het gemaak of jy al die geld bring, maar jy het 'n deel van die geld vir jouself gehou.

Afrikaans 1933-1953

³ Toe sê Petrus: Ananías, waarom het die Satan jou hart vervul om vir die Heilige Gees te lieg en van die prys van die grond agter te hou?

Afrikaans 1983

³ Petrus sê toe vir hom: “Ananias, hoekom het jy jou deur die Satan laat omhaal om vir die Heilige Gees te lieg en van die verkoopprys van die grond vir jouself agter te hou?

Contemporary Afrikaans Bible 2023

³ Maar Petrus sê: Ananias, waarom het Satan jou hart vervul om vir die Heilige Gees te lieg en 'n deel van die grondprys terug te hou?

Die Boodskap

³ Petrus het egter dwarsdeur hom gesien. “Hoekom het jy toegelaat dat Satan ’n houvas op jou kry?” het hy vir Ananias gevra. “Jy het vir die Heilige Gees gelieg deur ’n deel van die geld vir jouself te hou terwyl jy gemaak het asof jy alles aan ons kom gee het.

Nuwe Lewende Vertaling

³ Petrus sê toe: “Ananias, hoekom het jy jou deur Satan laat omhaal? Jy het vir die Heilige Gees gelieg toe jy ’n deel van die geld teruggehou het.

Handelinge 5:3 Kruisverwysings

Job 22:13

Maar jy sê, ‘Wat weet God? Kan Hy deur diepe duisternis 'n oordeel vel?

Spreuke 20:25

Dit is 'n valstrik vir 'n mens as hy onnadenkend sê, “Heilig!” om dan eers ná die geloftes daaroor na te dink.

Prediker 5:4

Dit is beter dat jy nie beloof nie as dat jy beloof en nie betaal nie.

Jesaja 29:15

Wee hulle wat planne vir die Here diep wegsteek! Hulle dade vind in die donker plaas, en hulle sê: “Wie sien ons en wie ken ons?”

Jeremia 23:24

Of kan iemand in geheime plekke wegkruip, en Ek hom nie sien nie? ” is die uitspraak van die Here. “Vul Ek nie die hemel en die aarde nie?” is die uitspraak van die Here.

Numeri 30:2

As 'n man aan die Here 'n gelofte aflê, of as hy 'n eed aflê om te hou by 'n onderneming wat hy gegee het, mag hy sy belofte nie verbreek nie. Alles wat oor sy lippe gekom het, moet hy doen.

Matteus 13:19

“Wanneer iemand die woord van die •koninkryk hoor en nie verstaan nie, kom die Bose en roof wat in sy hart gesaai is. Dit is die saad wat langs die pad gesaai is.

Lukas 22:3

Satan het in Judas, wat Iskariot genoem is, een van die twaalf, ingevaar.

Johannes 13:2

Gedurende die aandete het die Duiwel dit reeds in die hart van Judas, seun van Simon Iskariot, gelê om Jesus te verraai.

Johannes 13:27

Nadat Judas die stukkie brood geneem het, het Satan in hom ingevaar. Toe sê Jesus vir hom: “Wat jy wil doen, moet jy gou doen.”

Handelinge 5:2

maar hy het, met sy vrou se medewete, van die geld vir homself teruggehou, en net 'n gedeelte gebring en aan die voete van die •apostels neergelê.

Handelinge 5:4

Toe dit onverkoop bly lê het, was dit nie joune nie? En toe dit verkoop is, was die geld nie tot jou beskikking nie? Waarom het jy hierdie daad in jou hart bedink? Jy het nie vir mense gelieg nie, maar vir God.”

Handelinge 5:9

Daarop sê Petrus vir haar: “Waarom het julle ooreengekom om die Gees van die Here te tart? Kyk, die voete van hulle wat jou man begrawe het, is by die deur; hulle gaan jou ook uitdra.”

Deuteronomium 23:21

“ Wanneer jy vir die Here jou God 'n gelofte aflê, moet jy nie uitstel om dit na te kom nie, want die Here jou God sal dit sonder twyfel van jou eis, en dan staan jy skuldig.

Jakobus 4:7

Onderwerp julle dus aan God. Weerstaan die Duiwel, dan sal hy van julle wegvlug.

1 Petrus 5:8

Wees nugter, wees waaksaam! Julle teenstander, die Duiwel, loop rond “soos 'n brullende leeu”, op soek na wie hy kan verslind.