Handelinge 20:1 - Die Bybel 2020-vertaling

¹ Nadat die oproer bedaar het, het Paulus die dissipels ontbied en hulle moed ingepraat. Daarna het hy hulle gegroet en op sy reis na Macedonië vertrek.

Bybel vir almal

¹ Die mense in die stad Efese het geskree en geraas, en toe hulle ophou, het Paulus die gelowiges laat roep en hy het hulle bemoedig. Toe het hy hulle gegroet en hy het na die provinsie Masedonië gegaan.

Afrikaans 1933-1953

¹ EN nadat die oproer verby was, het Paulus die dissipels na hom geroep en gegroet en het vertrek om na Macedónië te reis.

Afrikaans 1983

¹ Nadat die oproer bedaar het, het Paulus die gelowiges bymekaargeroep en hulle moed ingepraat. Daarna het hy hulle gegroet en Masedonië toe vertrek.

Contemporary Afrikaans Bible 2023

¹ En nadat die oproer opgehou was, het Paulus die dissipels na hom geroep en hulle omhels en vertrek om na Macedónië te gaan.

Die Boodskap

¹ Na hierdie oproer het Paulus al die gelowiges in Efese bymekaar laat kom om van hulle afskeid te neem en na Masedonië vertrek.

Handelinge 20:1 Kruisverwysings

Genesis 48:10

Israel se oë was dof van die ouderdom; hy kon nie meer sien nie. Toe hy hulle na hom bring, het Israel hulle gesoen en hulle omhels.

Handelinge 11:26

Hy het hom opgespoor en hom na Antiogië gebring. Hulle was 'n hele jaar lank saam met die gemeente en het 'n aansienlike skare onderrig. In Antiogië is die dissipels vir die eerste keer Christene genoem.

Handelinge 16:12

en daarvandaan na Filippi, wat 'n toonaangewende stad was in daardie deel van Macedonië, 'n Romeinse kolonie. In hierdie stad het ons 'n paar dae lank vertoef.

Handelinge 16:9

Daardie nag het Paulus 'n visioen gehad. 'n Macedoniese man het daar gestaan en hom gesmeek met die woorde: “Kom oor na Macedonië en help ons!”

Handelinge 19:21

Ná hierdie gebeurtenisse het Paulus hom voorgeneem om deur Macedonië en Agaje te reis en na Jerusalem te gaan. Hy het gesê: “Nadat ek daar was, moet ek ook Rome sien.”

Handelinge 20:10

Paulus het ondertoe gegaan, op hom gaan lê, hom in sy arms geneem en gesê: “Moet julle nie ontstel nie, want daar is nog lewe in hom!”

Handelinge 20:2

Hy het deur daardie streke gereis, en nadat hy hulle met baie woorde bemoedig het, het hy in Griekeland aangekom

Handelinge 20:3

waar hy drie maande deurgebring het. Aangesien die Jode 'n komplot teen hom gesmee het net toe hy na Sirië wou vaar, het hy besluit om deur Macedonië terug te keer.

Handelinge 20:37

Almal het baie gehuil, en Paulus omhels en hom gesoen.

Romeine 15:19

deur kragtige tekens en wonders, deur die krag van die Gees van God. Gevolglik het ek die verkondiging van die evangelie van Christus heeltemal voltooi, van Jerusalem af en rondom, tot sover as Illirikum.

Romeine 16:16

Groet mekaar met 'n heilige soen. Al die gemeentes van •Christus groet julle.

1 Korinthiërs 16:20

Al die broers groet julle. Groet mekaar met 'n heilige soen.

1 Korinthiërs 16:5

Ek sal na julle kom as ek deur Macedonië gereis het, want ek gaan deur Macedonië reis.

2 Korinthiërs 13:12

Groet mekaar met 'n heilige soen. Al die •heiliges stuur vir julle groete.

2 Korinthiërs 7:5

Want selfs nadat ons in Macedonië gekom het, het ons liggaamlik geen rus gehad nie, en het ons van alle kante verdrukking ervaar – van buite aanslae, en van binne angs.

1 Thessalonisense 5:26

Groet al die broers met 'n heilige soen.

1 Timoteus 1:3

Soos ek by jou aangedring het toe ek na Macedonië vertrek het, moet jy in Efese bly, sodat jy sekere mense opdrag kan gee om nie vreemde leringe te versprei,