Handelinge 2:46 - Die Bybel 2020-vertaling

⁴⁶ Hulle het eensgesind volhard om die tempelterrein daagliks te besoek, aan huis die brood te breek en hulle maaltye met uitbundige blydskap en met opregte harte te geniet.

Bybel vir almal

⁴⁶ Hulle het elke dag bymekaargekom in die tempel en hulle het saam geëet in mekaar se huise. Hulle het vir mekaar kos gegee. Hulle het dit gedoen omdat hulle bly was en omdat hulle mekaar graag wou help.

Afrikaans 1933-1953

⁴⁶ En dag vir dag het hulle eendragtig volhard in die tempel en van huis tot huis brood gebreek en hulle voedsel met blydskap en eenvoudigheid van hart geniet,

Afrikaans 1983

⁴⁶ Hulle het almal elke dag getrou by die tempel bymekaargekom, van huis tot huis die gemeenskaplike maaltyd gehou, hulle kos met blydskap en in alle eenvoud geëet,

Contemporary Afrikaans Bible 2023

⁴⁶ En hulle het elke dag eendragtig in die tempel voortgegaan en van huis tot huis brood gebreek en hulle vleis geëet met blydskap en opregtheid van hart,

Die Boodskap

⁴⁶ Dag na dag het hulle ook na die tempel toe gegaan om God daar te aanbid. Hulle het ook by verskillende huise saamgeëet. Hierdie maaltye was glad nie uitspattig nie. Al die gelowiges was vol vreugde.

Nuwe Lewende Vertaling

⁴⁶ Hulle het almal elke dag getrou by die tempel bymekaargekom, van huis tot huis die maaltyd van die Here gevier, en hulle kos met jubelende blydskap en in alle opregtheid geëet.

Handelinge 2:46 Kruisverwysings

Nehemia 8:10

Nehemia – hy was die administrateur – en Esra, die priester en skrifgeleerde, en die Leviete wat besig was om vir die volk te verduidelik, het toe vir die hele volk gesê: “Hierdie dag is heilig vir die Here julle God. Moenie treur of huil nie!” Ja, die hele volk het gehuil toe hulle die woorde van die Wet hoor.

Psalms 86:11

Leer my u pad, Here; ek wil in u waarheid leef. Gee dat ek heelhartig vir u Naam ontsag sal hê.

Prediker 9:7

Gaan eet jou brood met vreugde, en drink jou wyn met 'n vrolike hart, want God het lankal jou dade goedgekeur.

Matteus 6:22

“Die oog is die lamp van die liggaam. As jou oog suiwer is, sal jou hele liggaam verlig wees.

Lukas 11:41

Gee liewer die inhoud vir liefdadigheid, dan sal alles vir julle skoon wees.

Lukas 24:30

Terwyl Hy saam met hulle vir ete aangeleun het, het Hy brood geneem, die seëngebed uitgespreek, dit gebreek en vir hulle gegee.

Lukas 24:53

En hulle het God voortdurend in die tempelterrein bly prys.

Handelinge 16:34

Hy het hulle na sy huis geneem en 'n ete voorgesit. Hy en sy hele huishouding was jubelend, omdat hulle tot geloof in God gekom het.

Handelinge 2:42

Hulle het bly volhard in die leer van die •apostels, die verbondenheid met mekaar, die breek van die brood, en gebede.

Handelinge 20:7

Toe ons op die eerste dag van die week byeengekom het om brood te breek, het Paulus hulle toegespreek, omdat hy die volgende dag wou vertrek, en sy rede uitgerek tot om middernag.

Handelinge 3:1

Op die negende uur, die uur van gebed, was •Petrus en Johannes na die tempelterrein op pad.

Handelinge 5:21

Hulle het gehoor gegee en teen ongeveer dagbreek die tempelterrein binnegegaan en die mense onderrig. Toe die hoëpriester en sy ondersteuners opdaag, het hulle die Sanhedrin, die hele Raad van Familiehoofde van Israel, ontbied en die apostels by die tronk laat haal.

Handelinge 5:42

Boonop het hulle nie opgehou om elke dag op die tempelterrein en van huis tot huis onderrig te gee nie, en ook nie om die evangelie te verkondig dat Jesus die Christus is nie.

Romeine 12:8

wie kan bemoedig, moet bemoediging gee; wie mededeelsaam kan wees, moet dit met opregtheid doen; wie leiding kan gee, moet dit met toewyding doen; wie barmhartigheid kan betoon, moet dit met blydskap doen.

1 Korinthiërs 10:16

Die beker van danksegging, waaroor ons die dankgebed uitspreek, is dit nie deelname aan die bloed van •Christus nie? Die brood wat ons breek, is dit nie deelname aan die liggaam van Christus nie?

2 Korinthiërs 1:12

Ons roem is juis dit: die getuienis van ons gewete dat ons in die wêreld, en veral teenoor julle, opgetree het in opregtheid en met eerlikheid wat van God kom – ook nie deur menslike wysheid nie, maar deur die genade van God.

2 Korinthiërs 11:3

Maar ek is bang dat, soos die slang vir Eva met sy geslepenheid mislei het, julle gedagtes dalk bederf kan raak, verwyderd van die opregte en reine toewyding aan Christus.

Efesiërs 6:5

Slawe, wees met vrees en bewing aan julle aardse eienaars gehoorsaam, met opregte harte, soos aan •Christus –

Deuteronomium 12:12

Julle moet vol vreugde wees in die teenwoordigheid van die Here julle God, julle en julle seuns en dogters, julle slawe en slavinne, en die Leviete wat in julle dorpe is omdat hulle geen aandeel of erfenis saam met julle het nie.

Deuteronomium 12:7

Daar, in die teenwoordigheid van die Here julle God, moet julle eet. Julle moet bly wees, julle en julle huisgesinne, oor alles waaraan julle die hand kon waag en waarmee die Here jou God jou geseën het.

Deuteronomium 16:11

Jy moet bly wees voor die Here jou God – jy, jou seuns en dogters, jou slawe en slavinne, die Leviete in jou dorpe, die •vreemdelinge en die vaderloses en weduwees by jou – op die plek wat die Here jou God sal kies om sy Naam daar te vestig.

Kolossense 3:22

Slawe, julle moet julle aardse eienaars in alle opsigte gehoorsaam – nie met oëdiens asof julle mense wil behaag nie, maar met 'n opregte hart, uit ontsag vir die Here.