Handelinge 2:3 - Die Bybel 2020-vertaling

³ Tonge, asof van vuur, het aan hulle verskyn, verdeel en op elkeen van hulle neergedaal.

Bybel vir almal

³ Toe sien hulle iets wat lyk soos 'n klomp vuurvlamme bymekaar. Die vlamme het gelyk soos tonge, en 'n vlam het op elke gelowige gaan sit.

Afrikaans 1933-1953

³ Toe is deur hulle tonge gesien soos van vuur, wat hulleself verdeel en op elkeen van hulle gaan sit.

Afrikaans 1983

³ Hulle het iets soos vuur gesien wat in tonge verdeel en op elkeen van hulle gekom het.

Contemporary Afrikaans Bible 2023

³ En daar het aan hulle verskyn gesplete tonge soos van vuur, en dit het op elkeen van hulle gesit.

Die Boodskap

³ Toe sien hulle iets wat soos vuurvlamme lyk oor elkeen van hulle kom.

Nuwe Lewende Vertaling

³ Tonge wat gelyk het soos individuele vuurvlamme het toe tussen hulle verskyn en op elkeen van hulle gaan sit.

Handelinge 2:3 Kruisverwysings

Genesis 11:6

Die Here sê toe: “Kyk, dit is een volk, en hulle almal het een taal, en dit is maar die begin van wat hulle gaan doen. Nou sal niks van wat hulle beplan om te doen, vir hulle onmoontlik wees nie.

Psalms 55:9

Ek sou haastig vir my 'n skuilplek soek, weg van die rukwind, van die hewige storm.

Jesaja 6:5

Ek het gesê: “Wee my, want ek is verlore! Want ek is 'n mens met onrein lippe, en by 'n volk met onrein lippe woon ek. Ja, my oë het die Koning, die Here, Heerser oor alle magte, gesien.”

Jeremia 23:29

“Is my woord nie so nie – soos 'n vuur,” is die uitspraak van die Here, “soos 'n hamer wat rots stukkend kap?

Matteus 3:11

Ek doop julle wel met water met die oog op bekering, maar Hy wat ná my kom, is sterker as ek, en ek is nie eers werd om sy sandale vir Hom aan te dra nie. Hy sal julle met die Heilige Gees en met vuur doop.

Matteus 3:15

Jesus het hom geantwoord: “Laat dit nou toe, want dit is goed dat ons op hierdie manier alle •geregtigheid vervul.” Johannes het toe ingestem.

Lukas 24:32

En hulle het vir mekaar gesê: “Was ons harte nie brandend in ons toe Hy met ons langs die pad gepraat en die Skrifte vir ons uitgelê het nie?”

Handelinge 1:15

In daardie dae het •Petrus tussen die broers opgestaan – daar was ongeveer honderd-en-twintig mense bymekaar – en gesê:

Handelinge 2:11

Jode en proseliete, mense van Kreta en Arabiere – ons hoor hulle in ons eie taal oor die groot dade van God praat.”

Handelinge 2:2

Onverwags het daar uit die hemel 'n geluid soos dié van 'n kragtige stormwind opgeklink, en dit het die hele huis gevul waar hulle gesit het.

Handelinge 2:4

En almal is vervul met die Heilige Gees, en het in ander tale begin praat, soos die Gees aan hulle gegee het om hardop uit te spreek.

1 Korinthiërs 12:10

aan een dinamiese kragte, aan 'n ander weer die gawe van profesie; aan een die onderskeiding van geeste, aan 'n ander verskillende soorte tale, en aan nog 'n ander die uitleg van tale.

Jakobus 3:6

Die tong is ook 'n vuur, 'n wêreld van ongeregtigheid. Die tong is deel van ons ledemate, maar besoedel die hele liggaam. Dit steek die hele lewensloop aan die brand, en word uit Gehenna aangesteek.

Openbaring 11:3

En Ek sal my twee getuies opdrag gee om, in sak geklee, twaalfhonderd-en-sestig dae lank te gaan profeteer.

Openbaring 14:6

Toe het ek 'n ander engel gesien wat hoog in die lug vlieg. Hy het 'n ewige evangelie ontvang, om dit te gaan verkondig aan die aardbewoners, aan elke nasie en stam en taal en volk.