Handelinge 2:12 - Die Bybel 2020-vertaling

¹² Almal was verstom en verward, en het mekaar gevra: “Wat beteken dit tog?”

Bybel vir almal

¹² Hierdie Jode was almal verbaas en deurmekaar. Hulle het vir mekaar gesê: “Wat kan dit beteken?”

Afrikaans 1933-1953

¹² En hulle was almal verbaas en radeloos en sê die een vir die ander: Wat kan dit tog wees?

Afrikaans 1983

¹² Hulle was almal verbaas en uit die veld geslaan. Party het vir mekaar gevra: “Wat kan dit tog beteken?”

Contemporary Afrikaans Bible 2023

¹² En hulle was almal verbaas en twyfel en sê die een vir die ander: Wat beteken dit?

Die Boodskap

¹² Die skare kon nie mooi uitmaak wat aan die gebeur was nie. Hulle het verbaas vir mekaar gevra: “Wat gaan aan?”

Nuwe Lewende Vertaling

¹² Hulle was almal uit die veld geslaan. “Wat kan dit tog beteken?” het party van hulle mekaar gevra.

Handelinge 2:12 Kruisverwysings

Matteus 7:28

Toe Jesus sy redevoering voltooi het, was die skare verstom oor sy lering,

Markus 6:20

want Herodes was bang vir Johannes, omdat hy besef het dat hy 'n •regverdige en heilige man is, en hom wou beskerm. Wanneer Herodes hom gehoor het, het hy telkens in groot vertwyfeling verkeer – tog het hy graag na hom geluister.

Lukas 15:26

Hy roep toe een van die dienaars en verneem by hom wat aan die gang is.

Lukas 18:36

Toe hy die skare hoor verbyloop, vra hy wat aan die gang is.

Handelinge 10:17

Petrus was nog aan die twyfel oor wat die visioen wat hy gesien het, kon beteken, toe die mans wat deur Cornelius gestuur is, skielik by die poort aankom, nadat hulle oor Simon se huis navraag gedoen het.

Handelinge 17:20

Want dit wat jy sê, val vreemd op ons ore, en ons wil graag weet wat dit beteken.”

Handelinge 2:11

Jode en proseliete, mense van Kreta en Arabiere – ons hoor hulle in ons eie taal oor die groot dade van God praat.”

Handelinge 2:7

Verstom en verbaas het hulle gevra: “Kyk, is almal wat daar praat, dan nie Galileërs nie?