Handelinge 19:9 - Die Bybel 2020-vertaling

⁹ Maar aangesien sommige van hulle hardkoppig was en nie wou glo nie, en die Weg voor die menigte beswadder het, het hy weggegaan, die dissipels van hulle afgesonder en daagliks in die lesingsaal van Tirannus besprekings gehou.

Bybel vir almal

⁹ Maar party van die Jode het hardkoppig gebly en hulle het ongelowiges gebly. Hulle het aangehou om sleg te praat van “ Die Pad,” hulle het dit gedoen waar al die mense dit kon hoor. Paulus het toe weggegaan van die Jode en hy het die gelowiges weggeneem saam met hom. Hy het toe elke dag met hulle gepraat in die skool van Tirannus.

Afrikaans 1933-1953

⁹ Maar toe sommige hulle verhard en ongehoorsaam was en voor die menigte aanhou kwaadspreek van die Weg, het hy van hulle weggegaan en die dissipels afsonderlik geneem en elke dag in die skool van 'n sekere Tiránnus samesprekinge gehou.

Afrikaans 1983

⁹ Maar party was koppig en wou hulle nie laat oortuig nie. Hulle het ook in die openbaar die leer van die Here belaglik probeer maak. Toe het Paulus hulle verlaat en die gelowiges afsonderlik geneem en daagliks in die saal van Tirannus besprekings gehou.

Contemporary Afrikaans Bible 2023

⁹ Maar toe die duikers verhard was en nie geglo het nie, maar so kwaad gepraat het voor die skare, het Hy van hulle gewyk en die dissipels geskei en daagliks in die skool van ene Tirannus gestry.

Die Boodskap

⁹ Paulus het hulle verlaat en ’n skoolgebou by ’n man met die naam Tirannus bekom. Daar het hy elke dag saam met die gelowiges bymekaargekom en vir hulle van Jesus vertel.

Nuwe Lewende Vertaling

⁹ Party was egter koppig en wou hulle nie laat oortuig nie. Hulle het ook voor die gemeente sleg gepraat van “Die Pad”. Toe het Paulus die sinagoge verlaat en hy het die gelowiges saam met hom gevat. Hy het daagliks in die lesingsaal van Tirannus besprekings gehou.

Handelinge 19:9 Kruisverwysings

2 Konings 17:14

Maar hulle het nie geluister nie. Hulle was so hardnekkig soos hulle voorouers, wat hulle vertroue nie gestel het in die Here hulle God nie.

2 Kronieke 30:8

Moet nou nie hardnekkig wees soos julle voorouers nie. Steek 'n hand uit na die Here en kom na sy heiligdom wat Hy vir altyd geheilig het. Dien die Here julle God, sodat sy brandende toorn van julle afgewend word.

2 Kronieke 36:16

Hulle het egter telkens die gek geskeer met die boodskappers van God en sy woorde versmaai, terwyl hulle met sy profete die spot gedryf het, totdat die Here se woede teen sy volk opgelaai het, totdat geen herstel meer moontlik was nie.

Nehemia 9:29

U het hulle gewaarsku, om hulle na u wet terug te bring. Maar hulle was vermetel, hulle het nie na u gebooie geluister nie, en teen u bepalings het hulle gesondig, teen dit wat 'n mens moet doen, sodat hy daardeur kan leef. Hulle skouers het onversetlik gebly, hulle nekke styf, hulle het nie geluister nie.

Psalms 95:8

“Moenie julle harte verhard soos by Meriba, soos die dag by Massa in die woestyn,

Spreuke 8:34

Gelukkig is die mens wat na my luister deur dag ná dag by my deure te waak, by die kosyne van my ingange wag te hou.

Jesaja 8:14

Hy sal 'n heiligdom word, en 'n klip waarteen 'n mens jou stamp, 'n rots waaroor 'n mens struikel; vir die twee huise van Israel sal Hy 'n vangnet word, en 'n valstrik vir die inwoners van Jerusalem.

Jeremia 19:15

“So sê die Here, Heerser oor alle magte, die God van Israel, ‘Kyk, Ek gaan oor hierdie stad en al haar dorpies al die onheil bring wat Ek oor haar uitgespreek het, want hulle was hardnekkig deur nie na my woorde te luister nie. ’ ”

Jeremia 7:26

Maar hierdie volk het nie na My geluister nie, nie hulle ore oopgemaak nie. Hulle was hardnekkig en het hulle nog slegter gedra as hulle voorouers.

Matteus 15:14

Los hulle – hulle is blinde leiers van blindes; en as 'n blinde 'n blinde lei, sal albei in die sloot val. ”

Matteus 16:4

'n Bose en owerspelige geslag vra 'n teken, maar geen teken sal aan hulle gegee word nie, behalwe die teken van Jona. ” En Hy het hulle agtergelaat en weggegaan.

Matteus 26:55

Op daardie oomblik het Jesus vir die menigte gevra: “Het julle soos teen 'n rower uitgetrek met swaarde en knuppels om My gevange te neem? Dag ná dag het Ek op die tempelterrein gesit en onderrig gee, en julle het My nie gevange geneem nie.

Johannes 12:40

“Hy het hulle oë verblind en hulle harte verhard sodat hulle nie met hulle oë kon sien en met hulle harte kon verstaan en kon terugdraai, en Ek hulle genees nie.”

Handelinge 11:26

Hy het hom opgespoor en hom na Antiogië gebring. Hulle was 'n hele jaar lank saam met die gemeente en het 'n aansienlike skare onderrig. In Antiogië is die dissipels vir die eerste keer Christene genoem.

Handelinge 14:4

Maar die inwoners van die stad was verdeeld – sommige het hulle by die Jode geskaar en ander by die apostels.

Handelinge 17:4

Sommige van hulle is oortuig en het by Paulus en Silas aangesluit, so ook 'n menigte Grieke wat God vereer, en geen geringe aantal vooraanstaande vroue nie.

Handelinge 19:23

Juis in daardie tyd het daar 'n oproer, van geen geringe omvang nie, oor die Weg ontstaan.

Handelinge 19:30

Paulus wou tussen die skare ingaan, maar die dissipels het hom nie toegelaat nie.

Handelinge 20:31

Wees daarom waaksaam, en onthou dat ek vir drie jaar lank, dag en nag, nie opgehou het om 'n ieder en 'n elk van julle met trane te waarsku nie .

Handelinge 22:4

Ek het hierdie Weg tot die dood toe vervolg deur mans sowel as vroue te boei en in die tronk te gooi,

Handelinge 24:21

behalwe as dit gaan oor hierdie een ding wat ek uitgeroep het toe ek tussen hulle gestaan het, ‘Ek staan vandag voor julle tereg oor die opstanding van die dooies!’ ”

Handelinge 28:22

Ons sal dit egter waardeer om by jou te hoor wat jy dink, want dit is aan ons bekend dat daar oral teen hierdie splintergroep gepraat word.”

Handelinge 7:51

“Julle hardnekkiges met onbesnede harte en ore, julle weerstaan altyd die Heilige Gees; soos julle vaders gemaak het, so maak julle ook.

Handelinge 9:2

en van hom briewe gevra aan die •sinagoges in Damaskus, sodat, indien hy enige mense opspoor wat aanhangers van die Weg is, mans sowel as vroue, hy hulle geboeid na Jerusalem kon bring.

Romeine 11:7

Waarop kom dit dan neer? Dat Israel dit wat hulle soek, nie gekry het nie. Maar die uitverkorenes het dit wel gekry. Die res is egter verhard,

Romeine 9:18

Hy ontferm Hom dus oor wie Hy wil, en Hy maak hardkoppig wie Hy wil.

1 Korinthiërs 16:9

want 'n deur het groot en kragtig vir my oopgegaan, hoewel daar baie teenstanders is.

1 Timoteus 6:5

aanhoudende geredekawel onder mense wie se denke ontaard het, en wat van die waarheid beroof is, en dink dat godvresendheid winsgewend is.

2 Timoteus 1:15

Jy weet dat almal in Asië, onder wie ook Figelus en Hermogenes, die rug op my gedraai het.

2 Timoteus 3:5

mense wat wel 'n skyn van godvresendheid voorhou, maar wat die krag van godvresendheid misken. Bly weg van sulke mense.

2 Timoteus 4:2

Verkondig die woord, hou tydig en ontydig aan, weerlê, bestraf, bemoedig in alle geduld en deur lering.

Hebreërs 3:13

Maar spoor mekaar elke dag aan, solank daar nog van “vandag” sprake is, sodat niemand van julle deur die verleiding van die sonde verhard word nie.

2 Petrus 2:12

Aangesien hierdie mense – soos redelose diere, instinkmatige wesens, voortgebring net om gevang en geslag te word – oor dinge laster waaroor hulle onkundig is, sal hulle deur hulle vernietigende optrede ook vernietig word,

2 Petrus 2:2

Baie sal die losbandighede navolg van daardie mense deur wie se toedoen die pad van die waarheid belaster word.

Judas 1:10

Hierdie mense belaster egter alles wat hulle nie ken nie, en dit wat hulle instinktief verstaan, soos redelose diere, veroorsaak hulle ondergang.