Handelinge 13:12 - Die Bybel 2020-vertaling

¹² Toe die prokonsul sien wat gebeur het, het hy, verstom oor die leer van die Here, gelowig geword.

Bybel vir almal

¹² Toe die goewerneur sien wat gebeur het, het hy in Jesus geglo, en hy was baie verbaas oor wat die mense oor die Here geleer het.

Afrikaans 1933-1953

¹² Toe die goewerneur dan sien wat daar gebeur het, was hy verslae oor die leer van die Here en het geglo.

Afrikaans 1983

¹² Die goewerneur was diep onder die indruk van die leer van die Here, en toe hy sien wat gebeur het, het hy gelowig geword.

Contemporary Afrikaans Bible 2023

¹² Toe die plaasvervanger toe hy sien wat gebeur het, het hy geglo, verbaas oor die leer van die Here.

Die Boodskap

¹² Omdat die goewerneur gesien het wat gebeur het, het hy in Jesus begin glo. Hy was baie opgewonde oor alles wat Paulus-hulle vir hom oor die Here gesê het.

Nuwe Lewende Vertaling

¹² Toe die goewerneur sien wat gebeur het, het hy gelowig geword, en hy was verstom oor die Christelike leer.

Handelinge 13:12 Kruisverwysings

Matteus 27:54

Toe die centurio en dié wat Jesus saam met hom bewaak het, die skudding en die dinge wat gebeur, sien, was hulle vreesbevange en het gesê: “Hy was werklik •Seun van God.”

Lukas 4:22

Almal het hulle instemming met Hom betuig, en was verwonderd oor die woorde vol genade wat uit sy mond gevloei het. En hulle het gesê: “Is Hy dan nie die seun van Josef nie?”

Lukas 7:16

Vrees het almal beetgepak, en hulle het God geloof met die woorde “'n Groot profeet het onder ons opgestaan!” en “God het omgesien na sy volk!”

Johannes 7:46

Die tempelwag het geantwoord: “Nog nooit het 'n mens só gepraat nie.”

Handelinge 13:48

Toe die heidene dit hoor, was hulle bly en vol lof oor die woord van die Here. En diegene wat vir die ewige lewe bestem was, het gelowig geword.

Handelinge 13:49

Die woord van die Here het deur die hele landstreek versprei.

Handelinge 13:7

Hy was die metgesel van die prokonsul Sergius Paulus, wat 'n verstandige man was. Die prokonsul het Barnabas en Saulus laat roep, omdat hy graag die woord van God wou hoor.

Handelinge 13:8

Maar die towenaar Elimas – want so word die naam Barjesus vertaal – het hulle teengestaan, omdat hy die prokonsul van die geloof wou weghou.

Handelinge 15:35

Paulus en Barnabas het 'n tyd lank in Antiogië gebly, en saam met baie ander onderrig gegee en die evangeliewoord van die Here verkondig.

Handelinge 15:36

'n Paar dae later het Paulus aan Barnabas gesê: “Kom ons gaan terug en besoek die broers in elke dorp waar ons die woord van die Here verkondig het, en gaan kyk hoe dit met hulle gaan.”

Handelinge 18:12

Toe Gallio die prokonsul van Agaje word, het die Jode egter eenparig teen Paulus opgetree en hom voor die regbank gebring

Handelinge 19:10

Dit het twee jaar lank aangehou, sodat al die inwoners van Asië, Jode en Grieke, die woord van die Here gehoor het.

Handelinge 19:20

So het die woord van die Here kragtig bly groei en steeds sterker geword.

Handelinge 19:38

As Demetrius en die ambagsmanne by hom 'n klag teen iemand het – hofsittings word gehou en daar is prokonsuls daarvoor. Laat hulle mekaar daar aankla.

Handelinge 19:7

Altesaam was daar ongeveer twaalf mans.

Handelinge 28:7

In die omgewing van daardie plek was daar landerye wat behoort het aan die hoofman van die eiland, 'n man met die naam Publius. Hy het ons verwelkom en drie dae lank gasvry gehuisves.

Handelinge 6:10

maar hulle was nie opgewasse teen die wysheid waarmee, en die Gees deur wie, hy gespreek het nie.

Handelinge 8:25

Nadat hulle kragtig getuig en die woord van die Here verkondig het, het hulle na Jerusalem teruggekeer en die evangelie in talle Samaritaanse dorpe verkondig.