Handelinge 12:7 - Die Bybel 2020-vertaling

⁷ Skielik het 'n engel van die Here daar gestaan, en 'n lig het in die sel geskyn. Toe gee hy Petrus 'n stamp teen die sy, maak hom wakker en sê: “Staan gou op!” En die kettings het van sy hande afgeval.

Bybel vir almal

⁷ Maar skielik het 'n engel van die Here by Petrus gestaan en 'n lig het in die tronk geskyn. Die engel het aan Petrus se sy geraak en hy het vir Petrus wakker gemaak en vir hom gesê: “Staan gou op!” Die kettings het afgeval van Petrus se hande.

Afrikaans 1933-1953

⁷ En meteens staan daar 'n engel van die Here by hom, en 'n lig skyn in die gevangenis. Toe slaan hy Petrus op die sy, maak hom wakker en sê: Staan gou op! En die boeie het van sy hande afgeval.

Afrikaans 1983

⁷ Meteens staan daar 'n engel van die Here en skyn daar 'n lig in die sel. Die engel vat toe aan Petrus se sy om hom wakker te maak en sê vir hom: “Staan gou op.” Onmiddellik het die boeie van sy hande afgeval.

Contemporary Afrikaans Bible 2023

⁷ En kyk, die engel van die Here het op hom gekom, en 'n lig het in die gevangenis geskyn, en hy het Petrus op die sy geslaan en hom opgerig en gesê: Staan gou op! En sy kettings het van sy hande afgeval.

Die Boodskap

⁷ Skielik het ’n engel van die Here in die tronk verskyn. Hy het alles rondom hom helder verlig. Petrus het so vas geslaap dat hy dit nie eens agtergekom het nie. Die engel moes hom toe wakker skud.

Nuwe Lewende Vertaling

⁷ Meteens staan daar ’n engel van die Here by Petrus, en ’n lig skyn in die sel. Die engel stoot toe aan Petrus se sy, en maak hom wakker en sê: “Staan gou op!” Die boeie het van sy polse afgeval.

Handelinge 12:7 Kruisverwysings

2 Samuel 22:29

Ja, U is my lig, Here; die Here verlig my donkerte.

1 Konings 19:5

Hy het gaan lê en aan die slaap geraak onder die enkele witbesembos. Skielik was daar 'n engel wat hom aanraak en vir hom sê: “Staan op, eet!”

1 Konings 19:7

Maar die •engel van die Here het 'n tweede keer teruggekom, hom aangeraak en gesê: “Staan op, eet! Want die reis gaan vir jou te veeleisend wees.”

Psalms 107:14

Hy het hulle uit donkerte, uit digte duisternis gelei; hulle boeie het Hy stukkend gebreek.

Psalms 116:16

Ag, Here, omdat ek u dienskneg is – ja, ek is u dienskneg, die seun van u diensmeisie – het U my boeie losgemaak.

Psalms 146:7

wat die reg van verdruktes handhaaf, aan hongeres brood gee. Die Here laat gevangenes vry;

Psalms 34:7

Hierdie magtelose het geroep en die Here het gehoor, en uit al sy benoudhede het Hy hom verlos.

Psalms 68:6

'n Vader vir vaderloses, 'n regter vir weduwees, is God in sy •heilige woonplek.

Jesaja 37:30

“ ‘ Dit sal vir jou, Hiskia, die teken wees: Eet vanjaar die opslaggraan, in die tweede jaar dit wat self opkom; maar in die derde jaar moet julle saai en oes, wingerde plant en die vrugte daarvan eet.

Jesaja 60:1

“Staan op, laat jou lig skyn! Ja, jou lig het gekom, en die heerlikheid van die Here skyn oor jou.

Jeremia 40:1

Dit is die woord wat van die Here tot Jeremia gekom het nadat Nebusaradan, die •aanvoerder van die lyfwag, hom vrygelaat het in Rama. Toe hy hom laat haal het, is hy met handboeie geboei tussen al die ballinge van Jerusalem en Juda wat weggevoer is na Babilonië.

Esegiël 43:2

En kyk, die heerlikheid van die God van Israel het uit die ooste gekom! Die geluid daarvan was soos die geluid van baie water, en die aarde het gestraal van sy heerlikheid.

Daniël 3:28

Nebukadnesar het daarop gereageer en gesê: “Die God van Sadrag, Mesag en Abednego moet geprys word, wat sy engel gestuur en sy diensknegte gered het – hulle wat op Hom vertrou het, die bevel van die koning verontagsaam en hulle liggame op die spel geplaas het, omdat hulle geen ander god behalwe hulle God sou dien en vereer nie.

Daniël 6:22

Daniël praat toe met die koning: “O koning, leef vir ewig!

Miga 7:9

Die striemende toorn van die Here sal ek dra – want ek het teen Hom gesondig – totdat Hy my saak verdedig en my reg handhaaf. Hy sal my uitlei na die lig; ek sal sy geregtigheid met genoegdoening ervaar.

Habakuk 3:4

Skitterend soos sonlig was die ligstrale uit sy hand; daarin het krag geskuil.

Matteus 2:13

Die sterrekenners het teruggekeer, en kyk, daar het 'n engel van die Here in 'n droom aan Josef verskyn en gesê: “Maak gereed, neem die Kindjie en sy moeder en vlug na Egipte, en bly daar tot wanneer ek jou opdrag gee; want Herodes is van plan om die Kindjie te soek en Hom dood te maak.”

Lukas 2:9

'n Engel van die Here het aan hulle verskyn, en die hemelse glans van die Here het rondom hulle geskyn. Hulle het geweldig groot geskrik.

Lukas 24:4

Hulle was verward hieroor, maar skielik het daar twee mans met glansende klere by hulle gestaan.

Handelinge 10:30

Cornelius antwoord toe: “Vier dae gelede was ek teen hierdie tyd, op die negende uur, besig om in my huis te bid. Opeens staan daar toe 'n man in 'n stralende gewaad voor my

Handelinge 12:23

En onmiddellik het 'n engel van die Here hom neergevel, omdat hy nie die eer aan God gegee het nie en, verteer deur wurms, het hy gesterf.

Handelinge 12:6

Die nag voordat Herodes hom wou voorbring, was •Petrus aan die slaap tussen twee soldate. Hy was met twee kettings geboei, en voor die deur het wagte die tronk bewaak.

Handelinge 12:8

Die engel sê toe vir hom: “Omgord jou en trek jou sandale aan!” Hy het so gemaak. Daarop sê die engel vir hom: “Gooi jou bokleed om en volg my!”

Handelinge 16:26

Skielik was daar 'n hewige aardbewing, sodat die fondamente van die tronk geskud het. Al die deure het onmiddellik oopgegaan, en almal se boeie het losgegaan.

Handelinge 2:24

God het Hom egter laat opstaan en van die lyding van die dood bevry, omdat dit onmoontlik was dat Hy deur die dood vasgehou word.

Handelinge 5:19

Maar 'n engel van die Here het in die nag die tronkdeure oopgemaak, hulle uitgelei en gesê:

Handelinge 9:3

Terwyl hy onderweg was, en naby Damaskus kom, het 'n lig uit die hemel hom skielik omstraal,

Efesiërs 5:14

immers, alles wat sigbaar word, is lig. Daarom word gesê: Word wakker, jy wat slaap, en staan op uit die dood en •Christus sal sy lig oor jou laat skyn.

Hebreërs 1:14

Is hulle nie almal dienende geeste, wat uitgestuur word ter wille daarvan om hulle wat die verlossing sal beërf, by te staan nie?

Openbaring 18:1

Hierna het ek 'n ander engel uit die hemel sien afkom. Hy het oor groot mag beskik, en die aarde deur sy heerlikheid verlig.