Handelinge 12:5 - Die Bybel 2020-vertaling

⁵ So is Petrus dan in die tronk bewaak, maar 'n volgehoue gebed tot God het uit die gemeente vir hom opgegaan.

Bybel vir almal

⁵ Die soldate het toe vir Petrus in die tronk toegesluit. Maar die gemeente het baie ernstig tot God gebid om vir Petrus te help.

Afrikaans 1933-1953

⁵ So is Petrus dan in die gevangenis bewaak; maar daar het 'n aanhoudende gebed tot God deur die gemeente vir hom opgegaan.

Afrikaans 1983

⁵ So is hy dan in die tronk bewaak, maar die gemeente het aanhoudend vir hom tot God gebid.

Contemporary Afrikaans Bible 2023

⁵ Petrus is dan in die gevangenis gehou, maar die gemeente het onophoudelik vir hom tot God gebid.

Die Boodskap

⁵ Terwyl Petrus in die tronk was, het die gemeente baie ernstig tot God gebid dat Hy hom moes help.

Nuwe Lewende Vertaling

⁵ So is Petrus dan in die tronk bewaak. Die kerk het aanhoudend vir hom tot God gebid.

Handelinge 12:5 Kruisverwysings

Matteus 18:19

Verder, amen, Ek sê vir julle: As twee van julle op aarde saamstem oor enigiets wat julle vra, sal my Vader in die hemele dit aan julle toestaan.

Lukas 18:1

Hy het vir hulle 'n gelykenis vertel oor hoe nodig dit is om altyd te bid en nie moed te verloor nie.

Handelinge 12:12

Met dié besef gaan hy toe na die huis van Maria, die moeder van Johannes, bekend as Markus, waar daar baie mense byeen was en gebid het.

Handelinge 12:4

Nadat hy hom laat arresteer het, het hy hom in die tronk laat gooi en oorgegee aan vier afdelings van vier soldate elk, met die bedoeling om hom ná die Pasga voor die volk te bring.

Handelinge 12:6

Die nag voordat Herodes hom wou voorbring, was •Petrus aan die slaap tussen twee soldate. Hy was met twee kettings geboei, en voor die deur het wagte die tronk bewaak.

1 Korinthiërs 12:26

As een ledemaat ly, ly al die ledemate saam; as een ledemaat vereer word, is al die ledemate saam bly.

2 Korinthiërs 1:11

Hiertoe dra julle ook by deur julle gebede vir ons, sodat deur bemiddeling van baie mense, namens ons dank betuig kan word vir die genadegawe aan ons.

1 Thessalonisense 5:17

bid sonder ophou;

Hebreërs 13:3

Dink aan die gevangenes asof julle medegevangenes is, aan hulle wat mishandel word asof julle dit self aan julle liggaam beleef.

Jakobus 5:16

Bely dan julle sondes teenoor mekaar, en bid vir mekaar, sodat julle gesond kan word. Die gebed van 'n •regverdige is baie kragtig in sy uitwerking.