Handelinge 10:2 - Die Bybel 2020-vertaling

² Hy, en ook sy hele huis, was godsdienstig en godvresend, het baie liefdadigheid aan die volk bewys en gereeld tot God gebid.

Bybel vir almal

² Hy en almal in sy huis het God gedien en gerespekteer. Hy het baie goeie dinge gedoen om die arm mense in die Joodse volk te help, en hy het elke dag tot God gebid.

Afrikaans 1933-1953

² Hy met sy hele huis was vroom en godvresend en het baie aalmoese aan die volk gegee en was altyddeur in die gebed tot God.

Afrikaans 1983

² Hy was godsdienstig en godvresend, hy en sy hele huisgesin. Hy het baie gedoen om die armes onder die Joodse volk te help en het gereeld tot God gebid.

Contemporary Afrikaans Bible 2023

² 'n Vroom man en een wat God vrees met sy hele huis, wat baie aalmoese aan die volk gegee het en altyd tot God gebid het.

Die Boodskap

² Hy was ’n goeie mens. Kornelius en almal in sy huis het groot respek vir God gehad. Sy hand was altyd oop vir ander mense wat swaargekry het. Hy het ook baie tyd aan gebed afgestaan.

Nuwe Lewende Vertaling

² Hy het toegewy aan die God van Israel geleef en het ontsag vir Hom gehad, hy en sy hele huishouding. Hy het baie bydraes vir die armes onder die Joodse volk gegee en hy het deurentyd tot God gebid.

Handelinge 10:2 Kruisverwysings

Genesis 18:19

Want Ek het hom gekies, sodat hy opdragte kan gee aan sy kinders en sy huishouding ná hom, en hulle dan by die pad van die Here kan hou deur te doen wat reg en billik is, sodat die Here met Abraham kan laat gebeur wat Hy aan hom beloof het.”

1 Konings 8:43

moet U self hoor in die hemel, die plek van u verblyf. U moet dan optree volgens alles waaroor die buitelander U aanroep, sodat al die volke van die aarde u Naam mag ken, dat hulle vir U ontsag mag hê, soos u volk Israel, en sal besef dat dit u Naam is wat uitgeroep is oor hierdie tempel wat ek gebou het.

2 Kronieke 6:33

moet U self hoor uit die hemel, die plek van u verblyf. U moet dan optree volgens alles waaroor die buitelander U aanroep, sodat al die volke van die aarde u Naam mag ken, en vir U ontsag mag hê soos u volk Israel, en sal besef dat dit u Naam is wat uitgeroep is oor hierdie tempel wat ek gebou het.

Job 1:1

In die land Us was daar 'n man met die naam Job. Hierdie man was opreg en onberispelik in sy optrede; hy het vir God ontsag gehad en die kwaad vermy.

Job 1:5

Wanneer die feesdae verby was, het Job hulle laat haal en hulle geheilig. Hy het vroeg in die môre vir elkeen van hulle 'n •brandoffer gebring; want Job het gedink: Miskien het my kinders gesondig en God in hulle harte gevloek. Job het dit elke keer gedoen.

Psalms 102:15

Haar klippe is immers kosbaar vir u diensknegte, hulle is begaan oor haar puin.

Psalms 119:2

Gelukkig is hulle wat hou by sy bepalings, wat Hom met hulle hele hart soek;

Psalms 25:5

Lei my deur u waarheid en leer my, want U is die God wat my red; op U wag ek die hele dag.

Psalms 41:1

Vir die •musiekleier. 'n Psalm. Van Dawid.

Psalms 55:17

Ek, ek roep tot God, en die Here sal my verlos.

Psalms 86:3

Wees my genadig, my Heer, want na U roep ek die hele dag lank.

Psalms 88:1

'n Lied. 'n Psalm. Van die Koragiete. Vir die •musiekleier. Op Magalat. Om te sing. 'n Maskiel. Van Heman, die Esragiet.

Prediker 7:18

Dit is goed dat jy aan die een vashou en ook nie jou hand aan die ander onttrek nie; want wie vir God eerbied het, ontkom aan dit alles.

Jesaja 59:19

In die weste sal hulle ontsag hê vir die Naam van die Here, in die ooste vir sy heerlikheid. Want Hy sal kom soos 'n rivier in 'n vernouing, wat deur die wind van die Here voortgedryf word.

Daniël 6:10

Om dié rede het koning Darius die bevelskrif en die verbod op skrif gestel.

Daniël 6:16

Daardie manne het ingestorm by die koning en vir die koning gesê: “Onthou, o koning, dat dit 'n wet van Mede en Perse is dat elke verbod en verordening wat die koning uitgevaardig het, nie verander mag word nie.”

Daniël 6:20

In die oggend, teen die eerste lig, het die koning opgestaan en haastig na die leeukuil gegaan.

Daniël 6:26

Daarna het koning Darius aan al die volke, nasies en taalgroepe wat oor die hele aarde woon, geskryf: Mag julle vrede groot wees!

Matteus 25:17

Net so het die man met die twee nog twee wins gemaak.

Lukas 18:1

Hy het vir hulle 'n gelykenis vertel oor hoe nodig dit is om altyd te bid en nie moed te verloor nie.

Lukas 2:25

En kyk, in Jerusalem was daar 'n man met die naam Simeon. Hierdie man was wetsgehoorsaam en toegewyd, en het uitgesien na die herstel van Israel. Die Heilige Gees was met hom.

Handelinge 10:22

En hulle het geantwoord: “Cornelius, die centurio, 'n regverdige en godvresende man, iemand oor wie die hele Joodse volk goeie getuienis gelewer het, het deur 'n heilige engel 'n openbaring ontvang om u na sy huis te laat kom en te luister na u woorde.”

Handelinge 10:31

en sê, ‘Cornelius, jou gebed is verhoor en jou liefdadigheid het voor God in herinnering gekom.

Handelinge 10:35

maar dat die mens wat ontsag vir Hom het en doen wat reg is, uit watter nasie hy ook mag wees, vir Hom aanvaarbaar is.

Handelinge 10:4

Hy het stip na hom gestaar en beangs gevra: “Wat is dit, Meneer?” Toe antwoord hy hom: “Jou gebede en jou liefdadigheid het tot 'n gedenkoffer voor God opgestyg.

Handelinge 10:7

Toe die engel wat met hom gepraat het weg is, roep hy twee van sy huisbediendes en 'n godvresende soldaat, een van hulle wat hom dien,

Handelinge 11:14

Hy sal vir jou 'n boodskap meedeel waardeur jy verlos sal word – jy en jou hele huis.’

Handelinge 13:16

Paulus het opgestaan, 'n handgebaar gemaak en gesê: “Israeliete en godvresendes, luister!

Handelinge 13:26

“Broers, kinders van Abraham se geslag, en die godvresendes onder julle, aan ons is die boodskap van hierdie verlossing gestuur.

Handelinge 13:50

Die Jode het egter die godsdienstige vroue uit die vooraanstaande kringe en ook die leiers van die stad aangehits, en hulle het 'n vervolging teen Paulus en Barnabas ontketen en hulle uit hulle gebied verdryf.

Handelinge 18:8

Krispus, die leier van die sinagoge, het saam met sy hele huis tot geloof in die Here gekom. Ook baie van die Korinthiërs wat hom gehoor het, het gelowig geword en is gedoop.

Handelinge 2:5

Destyds het daar vroom Jode uit elke nasie onder die hemel in Jerusalem gewoon.

Handelinge 22:12

“'n Sekere Ananias, 'n vroom man volgens die wet, en een oor wie al die Joodse inwoners goeie getuienis gelewer het,

Handelinge 8:2

Vroom manne het Stefanus begrawe en uitermate oor hom gerou.

Handelinge 9:11

Toe sê die Here vir hom: “Maak gereed en gaan na die straat bekend as Reguitstraat, en vra in die huis van Judas na iemand uit Tarsus met die naam Saulus. Want kyk, hy is besig om te bid,

Handelinge 9:31

Die •kerk dwarsdeur die hele Judea, Galilea en Samaria het vrede beleef en is opgebou. Hulle het met ontsag voor die Here geleef, en met die bemoediging van die Heilige Gees, het hulle getalle toegeneem.

Handelinge 9:36

In Joppe was daar 'n sekere vrouedissipel met die naam Tabita, wat as Dorkas vertaal is. Sy het baie goeie dade verrig en liefdadigheid bewys.

Kolossense 4:2

Volhard in gebed. Wees waaksaam en dankbaar as julle bid.

1 Thessalonisense 5:17

bid sonder ophou;

Jakobus 1:5

As enigiemand van julle wysheid kortkom, laat hy dit vra van God, wat aan almal gee, sonder voorbehoud en sonder verwyt, en dit sal aan hom gegee word.

Josua 24:15

Maar as dit verkeerd is in julle oë om die Here te dien, kies julle dan vandag wie julle wil dien, óf die gode anderkant die Rivier wat julle voorouers gedien het, óf die gode van die Amoriete in wie se land julle woon. Maar ek en my huis, ons sal die Here dien.”

Openbaring 15:4

Wie sal dan nie vir U ontsag hê nie, Here, en u Naam nie verheerlik nie? Want U alleen is heilig! Al die nasies sal kom en in aanbidding voor U neerval, want u regverdige dade is geopenbaar.”