Handelinge 1:26 - Die Bybel 2020-vertaling

²⁶ Toe het hulle geloot, en die lot het op Mattias geval. Hy is daarop by die elftal apostels gevoeg.

Bybel vir almal

²⁶ Hulle het lootjies getrek en die lootjie het gewys dit moet Mattias wees. Toe was Mattias ook 'n apostel saam met die elf apostels.

Afrikaans 1933-1953

²⁶ Toe werp hulle die lot, en die lot het op Matthías geval; en hy is gekies om saam met die elf apostels te wees.

Afrikaans 1983

²⁶ Hulle het geloot, en die loting het vir Mattias aangewys. So is hy gekies as die twaalfde apostel.

Contemporary Afrikaans Bible 2023

²⁶ En hulle het hul lote uitgegee; en die lot het op Mattias geval; en hy is saam met die elf apostels getel.

Die Boodskap

²⁶ Daarna het hulle lootjies getrek. Mattias is as die nuwe apostel gekies.

Handelinge 1:26 Kruisverwysings

1 Kronieke 24:5

Hulle is groep vir groep deur loting ingedeel, want onder die nageslag van Eleasar, sowel as die nageslag van Itamar, was daar persone wat hoë ampte beklee het in die heiligdom en voor God.

Nehemia 10:34

Ons, die priesters, die Leviete en die volk het die lot gewerp oor die lewering van hout, om dit volgens families, na die huis van ons God te bring, jaar ná jaar, op vasgestelde tye, sodat dit op die altaar van die Here, ons God, kan brand, soos geskryf staan in die Wet.

Nehemia 11:1

Die leiers van die volk het hulle in Jerusalem gevestig, en die res van die volk het die lot gewerp om een uit tien gesinne te bring, sodat dié in Jerusalem, die heilige stad, kon woon, en die nege ander in die dorpe.

Spreuke 16:22

Begrip is 'n bron van lewe vir die besitters daarvan, maar die vermaning van sotte is sotheid.

Spreuke 16:33

Die lot word gewerp in die vou van die kleed, maar elke beslissing daarvan kom van die Here.

Levitikus 16:8

Aäron moet oor die twee bokke lootjies trek: een lootjie vir die Here en die ander vir Asasel.

Jona 1:7

Die matrose het vir mekaar gesê: “Kom ons beslis die saak deur die lot, sodat ons kan weet deur wie se toedoen hierdie ramp ons tref.” Hulle het met die lot beslis en die lot het Jona uitgewys.

Markus 6:30

En die •apostels het by Jesus byeengekom en Hom alles vertel wat hulle gedoen en onderrig het.

Handelinge 1:23

Hulle het toe twee voorgestel: Josef, bekend as Barsabbas, wat ook Justus genoem is, en Mattias.

Handelinge 13:19

In die land Kanaän het Hy sewe nasies uitgedelg en hulle land as erfdeel aan ons voorouers gegee.

Handelinge 2:14

Daarop staan •Petrus op, verhef sy stem en spreek hulle toe: “Jode, en julle almal wat in Jerusalem woon – dit moet julle weet, luister goed na my woorde:

Josua 14:2

deur loting oor hulle erfdeel, soos die Here by monde van Moses opdrag gegee het oor die nege en 'n half stamme.

Josua 18:10

Josua het vir hulle in Silo voor die Here die lot gewerp. Daar het Josua die land vir die Israeliete verdeel ooreenkomstig hulle indeling in stamme.

Openbaring 21:14

Die stadsmuur het twaalf fondamente, en daarop is ook twaalf name. Dit is die name van die twaalf •apostels van die Lam.