Genesis 9:2 - Die Bybel 2020-vertaling

² Ontsag vir julle en vrees vir julle sal al die wilde diere van die aarde, al die voëls van die hemel, alles wat op die grond rondkruip, en al die visse van die see, vervul. In julle hande is hulle oorgegee.

Bybel vir almal

² Al die diere sal bang wees vir die mense, die wilde diere, die voëls, die diere wat kruip en die visse. Julle mag hulle gebruik.

Afrikaans 1933-1953

² Die vrees en die skrik vir julle sal wees oor al die diere van die aarde en al die voëls van die hemel: alles wat op die aarde beweeg, en al die visse van die see. Hulle is in julle hand oorgegee.

Afrikaans 1983

² Al die diere, al die voëls, al die diere wat kruip, en al die vis sal vir julle bang wees en vir julle skrik. Hulle word tot julle beskikking gestel.

Contemporary Afrikaans Bible 2023

² En die vrees vir julle sal wees oor al die diere van die aarde en oor al die voëls van die hemel, oor alles wat op die aarde beweeg, en oor al die visse van die see; in U hand word hulle oorgelewer.

Die Boodskap

² Alle diere op aarde en voëls in die lug asook alles wat op die aarde kruip, sal vir julle bang wees. Selfs die visse in die see sal julle vrees. Ek gee al hierdie diere in julle mag. Julle kan met hulle doen wat julle wil.

Nuwe Lewende Vertaling

² Al die diere, groot en klein, asook al die voëls en visse sal vir julle bang wees. Ek stel hulle tot julle beskikking.

Genesis 9:2 Kruisverwysings

Genesis 1:21

God het volgens hulle aard die groot seediere geskep en al die lewende wesens wat rondbeweeg, waarvan die water wemel, en alle vlieënde voëls, volgens elkeen se aard. God het gesien dat dit goed is.

Genesis 1:26

God het gesê: “Laat Ons mense maak na ons beeld, as ons afbeelding, sodat hulle kan heers oor die visse van die see, die voëls van die hemel, die diere en oor die hele aarde, en oor al die kruipende diere wat op die aarde rondbeweeg.”

Genesis 1:28

God het hulle geseën; God het vir hulle gesê: “Wees vrugbaar, vermeerder, vul die aarde en onderwerp dit. Heers oor die visse van die see, die voëls van die hemel en al die diere wat op die aarde rondbeweeg.”

Genesis 2:19

Toe vorm die Here God uit die grond al die diere van die veld en al die voëls van die hemel, en Hy bring hulle na die mens om te sien wat hy hulle sou noem; en wat ook al die mens 'n lewende wese genoem het, dit was sy naam.

Genesis 35:5

Hulle het toe weggetrek, en 'n verskrikking van God af het oor die dorpe rondom hulle geheers, sodat hulle nie die seuns van Jakob agtervolg het nie.

Genesis 9:1

God het Noag en sy seuns geseën en vir hulle gesê: “Wees vrugbaar, vermeerder en vul die aarde.

Genesis 9:3

Alles wat beweeg, wat leef – vir julle sal dit as voedsel dien. Soos die groen gewasse, gee Ek dit alles vir julle.

Job 39:11

Hy verken die berge vir weiding; hy soek alles wat groen is.

Esegiël 34:25

“ ‘ “ Ek sal met hulle 'n vredesverbond sluit en roofdiere uit die land verwyder. Hulle sal veilig woon in die woestyn en in die ruigtes slaap.

Hosea 2:18

“ Ek gaan My vir altyd aan jou verloof; Ek gaan My aan jou verloof, met reg en geregtigheid, met troue liefde en ontferming as bruidsprys.

Levitikus 26:22

Ek sal wilde diere onder julle loslaat; hulle sal julle kinderloos maak en julle vee uitroei. Hulle sal julle so min maak dat julle paaie verlate sal wees.

Levitikus 26:6

“ ‘ Ek sal vrede gee in die land. Julle sal gaan lê en niemand sal julle opjaag nie. Ek sal die ongediertes uit die land verwyder en 'n swaard sal nie deur julle land trek nie.

Jakobus 3:7

Want elke soort wilde dier en voël, en kruipende dier en seedier, word en is getem deur die mensdom.