Genesis 48:9 - Die Bybel 2020-vertaling

⁹ Josef antwoord toe sy vader: “Dit is my seuns wat God my hier gegee het.” Daarop sê hy: “Bring hulle asseblief na my toe, sodat ek hulle kan seën.”

Bybel vir almal

⁹ Josef het vir sy pa geantwoord: “Dit is my seuns wat God vir my in hierdie land gegee het.” Jakob het toe gesê: “Bring hulle na my toe sodat ek hulle kan seën.”

Afrikaans 1933-1953

⁹ En Josef antwoord sy vader: Dit is my seuns wat God my hier gegee het. En hy sê: Bring hulle tog by my, dat ek hulle kan seën.

Afrikaans 1983

⁹ Josef het sy pa geantwoord: “Dit is my seuns. God het hulle vir my in hierdie land gegee.” Jakob sê toe: “Bring hulle hier na my toe. Ek wil hulle seën.”

Contemporary Afrikaans Bible 2023

⁹ Toe sê Josef vir sy vader: Hulle is my seuns wat God my op hierdie plek gegee het. En hy sê: Bring hulle tog na my, en ek sal hulle seën.

Die Boodskap

⁹ Josef het geantwoord: “Dis die seuns wat God vir my hier in Egipte gegee het.” En Jakob het gesê: “Bring hulle nader dat ek hulle kan seën.”

Nuwe Lewende Vertaling

⁹ “Ja,” antwoord Josef. “Dit is die seuns wat God my hier in Egipte gegee het.” Jakob sê vir hom: “Bring hulle hier na my toe. Ek wil hulle seën.”

Genesis 48:9 Kruisverwysings

Genesis 27:4

Berei dan vir my 'n smaaklike gereg voor soos ek daarvan hou, en bring dit vir my, sodat ek kan eet en jou kan seën voordat ek sterf.”

Genesis 30:2

Jakob het kwaad geword vir Ragel en gevra: “Is ek in die plek van God, wat van jou die vrug van die moederskoot weerhou?”

Genesis 33:5

Toe Esau rondkyk en die vroue en kinders sien, vra hy: “Wie is hierdie mense by jou?” Hy het geantwoord: “Dit is die kinders wat God uit genade vir u dienaar gegee het.”

Genesis 49:28

Hulle almal is die twaalf stamme van Israel; en dit is wat hulle vader vir hulle gesê het toe hy hulle geseën het. Hy het hulle geseën, elkeen met sy gepaste seën.

1 Kronieke 25:5

Hulle almal was seuns van Heman, die siener van die koning in goddelike sake; hulle het aan hom aansien gegee. God het vir Heman veertien seuns en drie dogters gegee.

Psalms 127:3

Kyk, seuns is 'n erfdeel wat van die Here kom; die vrug van die moederskoot is 'n beloning.

Jesaja 8:18

Hier is ek en die kinders wat die Here aan my gegee het as tekens en simbole in Israel, afkomstig van die Here, Heerser oor alle magte, wat op die berg Sion woon.

Deuteronomium 33:1

Hier volg die seën waarmee Moses, die man van God, die Israeliete voor sy dood geseën het.

Hebreërs 11:21

Deur geloof het Jakob, terwyl hy sterwend was, elkeen van die seuns van Josef geseën, en “het hy in aanbidding gebuig oor die bopunt van sy staf”.

1 Samuel 1:20

Met die draai van die jaar was Hanna swanger en het sy aan 'n seun geboorte gegee. Sy het hom Samuel genoem, “want,” het sy gesê, “van die Here het ek hom gevra”.

1 Samuel 1:27

Vir hierdie seun het ek gebid, en die Here het my versoek, dit wat ek van Hom gevra het, toegestaan.