Genesis 4:17 - Die Bybel 2020-vertaling

¹⁷ Kain het met sy vrou gemeenskap gehad; sy het swanger geword en aan Henog geboorte gegee. Kain was toe besig om 'n stad te bou, en hy het die stad na sy seun Henog vernoem.

Bybel vir almal

¹⁷ Kain het seks gehad met sy vrou. Sy het swanger geword en 'n seun gekry. Die seun se naam was Henog. Kain het toe 'n stad gebou en hy het die stad ook Henog genoem.

Afrikaans 1933-1953

¹⁷ En Kain het sy vrou beken, en sy het swanger geword en Henog gebaar. Daarna bou hy 'n stad en noem die stad na die naam van sy seun Henog.

Afrikaans 1983

¹⁷ Kain het met sy vrou gemeenskap gehad, en sy het swanger geword en vir Henog in die wêreld gebring. Kain het daarna 'n stad begin bou en hy het die stad na sy seun Henog vernoem.

Contemporary Afrikaans Bible 2023

¹⁷ En Kain het sy vrou geken; en sy het swanger geword en Henog gebaar; en hy het 'n stad gebou en die stad na die naam van sy seun Henog genoem.

Die Boodskap

¹⁷ Kain se vrou het verwag en hulle seun Henog is gebore. Kain het intussen ’n groot stad gebou. Hy het dit na sy seun Henog vernoem.

Nuwe Lewende Vertaling

¹⁷ Kain het by sy vrou geslaap, sy het swanger geword en geboorte gegee aan Henog. Kain het ’n stad gebou en dit vernoem na sy seun Henog.

Genesis 4:17 Kruisverwysings

Genesis 11:4

Hulle sê toe: “Kom ons bou vir ons 'n stad en 'n toring met sy bopunt in die hemel, sodat ons vir onsself naam maak; anders versprei ons oor die hele aarde.”

Genesis 4:16

Kain het toe uit die Here se teenwoordigheid weggegaan en in die land Nod gaan woon, oos van Eden.

Genesis 4:18

Vir Henog is Irad gebore; Irad het Megujael verwek, Megujael het Metusael verwek, en Metusael het Lameg verwek.

Genesis 5:18

Toe Jered 162 jaar oud was, het hy Henog verwek.

Genesis 5:22

Nadat hy Metusalag verwek het, het Henog driehonderd jaar lank naby God geleef, en hy het seuns en dogters verwek.

2 Samuel 18:18

Gedurende sy lewe het Absalom die gedenksteen wat daar in die vallei van die koning is, geneem en vir homself opgerig; want hy het gesê: “Ek het nie 'n seun om my naam in herinnering te hou nie.” Hy het toe die gedenksteen na homself vernoem, en dit word tot vandag toe die Gedenkteken van Absalom genoem.

Psalms 49:11

'n Mens sien immers dat wyse mense sterf; saam met die dwaas en die onverstandige vergaan hulle en laat hulle besittings aan ander na.

Psalms 49:12

Hulle graf is hulle tuiste vir altyd, hulle woning van geslag tot geslag. Hulle noem stukke grond na hulleself,

Daniël 4:30

Die koning het toe begin praat en gesê: “Is dit nie die grote Babel wat ek tot 'n koninklike verblyf opgebou het deur die krag van my vermoë en tot verheerliking van my majesteit nie?”