Genesis 39:3 - Die Bybel 2020-vertaling

³ Toe sy eienaar merk dat die Here met Josef is, en dat die Here alles wat hy doen, laat slaag deur sy hand,

Bybel vir almal

³ Potifar het gesien dat die Here by Josef is. Hy het gesien dat die Here dit goed laat gaan met alles wat Josef doen.

Afrikaans 1933-1953

³ En toe sy heer sien dat die Here met hom was, en dat die Here alles wat hy doen, in sy hand voorspoedig maak,

Afrikaans 1983

³ Toe Potifar, Josef se eienaar, sien dat die Here by Josef is en dat die Here alles wat Josef aanpak, laat slaag,

Contemporary Afrikaans Bible 2023

³ En sy heer het gesien dat die HERE met hom was, en dat die HERE alles wat hy gedoen het, in sy hand voorspoedig gemaak het.

Die Boodskap

³ Potifar het agtergekom die Here is naby Josef, want hy was suksesvol in alles wat hy gedoen het.

Genesis 39:3 Kruisverwysings

Genesis 21:20

God was met die seun, en hy het opgegroei. Hy het in die woestyn gewoon, en hy het 'n boogskutter geword.

Genesis 21:22

In daardie tyd het Abimeleg en Pigol, die bevelvoerder van sy leër, vir Abraham gesê: “God is met jou in alles wat jy doen.

Genesis 21:23

Daarom, sweer hier vir my by God dat jy my, my kinders en my nageslag nie sal bedrieg nie. In ooreenstemming met die trou wat ek aan jou bewys het, moet jy ook aan my en aan die land waarin jy as •vreemdeling woon, trou bewys.”

Genesis 26:24

Daardie nag het die Here aan hom verskyn en gesê: “Ek is die God van jou vader Abraham. Moenie bang wees nie, want Ek is met jou. Ek sal jou seën en jou nageslag talryk maak ter wille van Abraham, my dienskneg.”

Genesis 26:28

Hulle het geantwoord: “Ons het duidelik gesien dat die Here met jou is. Toe dink ons: Daar moet tog 'n ooreenkoms tussen ons wees – tussen ons en jou. Ons wil 'n verdrag met jou sluit:

Genesis 30:27

Laban het hom geantwoord: “As jy my asseblief net goedgesind sal wees! Ek het uit voortekens te wete gekom dat die Here my geseën het om jou ontwil. ”

Genesis 30:30

Ja, min het jy gehad voor my koms, maar dit het geweldig toegeneem, en die Here het jou geseën waar my voet getrap het. Maar nou, wanneer kan ek ook iets vir mý huis doen?”

Genesis 39:2

Die Here was met Josef, en hy was 'n suksesvolle man. Hy was werksaam in die huis van sy eienaar, die Egiptenaar.

Genesis 39:21

maar die Here was met Josef en het in sy troue liefde na hom uitgereik. Hy het aan hom guns geskenk in die oë van die hoof van die gevangenis.

Genesis 39:23

Die hoof van die gevangenis het nie omgesien na enigiets wat onder Josef se beheer was nie, want die Here was met hom; en wat hy gedoen het, het die Here laat slaag.

2 Konings 18:7

Die Here was met hom. In al die veldtogte wat hy onderneem het, het hy sukses behaal. Hy het teen die koning van Assirië in opstand gekom en was nie meer aan hom onderdanig nie.

1 Kronieke 22:13

slegs dan sal jy sukses behaal – as jy die vaste voorskrifte en bepalings wat die Here vir Moses aangaande Israel beveel het, noukeurig nakom. Wees dapper en sterk! Moenie bang wees nie en moet jou nie laat afskrik nie!

1 Kronieke 9:20

Pinehas, seun van Eleasar, 'n leier, was voorheen oor hulle. Die Here was met hom.

2 Kronieke 1:1

Salomo, die seun van Dawid, het sy mag oor sy koninkryk versterk. Die Here sy God was met hom, en Hy het hom buitengewone aansien gegee.

2 Kronieke 26:5

Hy het God altyd gesoek in die tyd van Sagaria, die een wat hom insig gegee het in ontsag vir God. So lank as wat hy die Here gesoek het, het God hom sukses laat behaal.

Nehemia 2:20

Ek het hulle toe geantwoord. Ek het vir hulle gesê: “Die God van die hemel, Hy sal ons sukses laat behaal. Ons, sy diensknegte, sal gereedmaak en herbou. Maar julle het geen deel aan, geen reg op, of geen nalatenskap in Jerusalem nie.”

Psalms 1:3

So iemand sal wees soos 'n boom geplant langs watervore, wat sy vrugte op sy tyd gee en waarvan die blare nie verdor nie. Alles wat hy aanpak, gedy.

Sagaria 8:23

“So sê die Here, Heerser oor alle magte, ‘Dit sal in daardie dae wees dat tien mense uit al die tale van die nasies die kleed van 'n Jood gryp en vashou terwyl hulle sê: “Ons wil saam met julle gaan, want ons het gehoor God is by julle.” ’ ”

Matteus 5:16

“Laat julle lig só voor die mense skyn, sodat hulle julle goeie werke kan sien en julle Vader wat in die hemele is, kan verheerlik.”

1 Korinthiërs 16:2

Elkeen van julle afsonderlik moet op die eerste dag van die week 'n bedrag opsy sit, en volgens sy verdienste spaar, sodat die insamelings nie eers plaasvind wanneer ek kom nie.

Deuteronomium 2:7

“ Die Here julle God het julle immers geseën in alles wat julle gedoen het. Hy het julle versorg op julle trek deur hierdie groot woestyn. Hierdie veertig jaar wat die Here julle God by julle was, het julle geen gebrek gely nie.

Josua 1:9

Het Ek jou nie beveel, ‘Wees dapper en sterk’ nie? Moenie paniekbevange wees nie en moet jou nie laat afskrik nie, want die Here jou God is by jou, oral waar jy gaan.”

Openbaring 3:9

Kyk, Ek laat toe dat daar mense uit die sinagoge van Satan kom wat beweer dat hulle Jode is, en dit nie is nie, maar lieg; kyk, Ek sal sorg dat hulle kom, en voor jou voete neerbuig, en erken dat Ek jou liefhet.

1 Samuel 18:14

Dawid het oral waar hy gegaan het, sukses behaal, en die Here was met hom.

1 Samuel 18:28

Saul het ingesien en besef dat die Here met Dawid is, en dat Migal, Saul se dogter, hom liefhet.

1 Samuel 3:19

Samuel het grootgeword. Die Here was met hom en het nie een van sy woorde onvervuld gelaat nie.