Genesis 2:1 - Die Bybel 2020-vertaling

¹ So is die hemel en die aarde en alles wat daarby hoort, voltooi.

Bybel vir almal

¹ God het die hemel en alles daarin klaar gemaak en ook die aarde en alles daarop.

Afrikaans 1933-1953

¹ SO is dan voltooi die hemel en die aarde met hulle ganse leërmag.

Afrikaans 1983

¹ Die hemel en alles daarin is voltooi en ook die aarde en alles daarop.

Contemporary Afrikaans Bible 2023

¹ So was die hemel en die aarde volbring, en hulle hele leër.

Die Boodskap

¹ So het die hemel en die aarde en alles daarin ontstaan.

Nuwe Lewende Vertaling

¹ So is die skepping van die hemel en die aarde en alles wat daarin is, voltooi.

Genesis 2:1 Kruisverwysings

Genesis 1:1

In die begin het God die hemel en die aarde geskep.

Genesis 1:10

God het die droë grond ‘land’ genoem en die versamelplek van die water het Hy ‘see’ genoem. God het gesien dat dit goed is.

Genesis 2:4

Dit is die geskiedenis van die hemel en die aarde toe hulle geskep is. Die dag toe die Here God die aarde en die hemel gemaak het

2 Konings 19:15

Hiskia het toe voor die Here gebid en gesê: “Here, God van Israel wat bo die gerubs troon, U alleen is God oor al die koninkryke van die aarde. U het die hemel en die aarde gemaak.

2 Kronieke 2:12

Huram het ook gesê: “Die Here, die God van Israel, moet geprys word, Hy wat die hemel en die aarde gemaak en vir koning Dawid 'n wyse seun gegee het, met intelligensie en insig, wat vir die Here 'n huis sal bou en 'n paleis vir sy eie koninkryk.

Nehemia 9:6

U alleen is die Here; dit is U wat die hemelruim, die hoogste hemele, gemaak het en al sy hemelliggame, die aarde en alles daarop, die see en alles daarin. U hou dit alles aan die lewe; en die hemelliggame – voor U buig hulle in aanbidding.

Job 12:9

Wie onder hulle almal weet nie dat die hand van die Here dit gedoen het nie?

Psalms 104:2

U wat Uself met lig omhul, soos in 'n mantel, wat die hemel oopspan soos 'n tentdoek.

Psalms 146:6

Hy wat hemel en aarde gemaak het, die see, en alles wat daarin is, Hy wat trou bly tot in ewigheid,

Psalms 33:6

Deur die woord van die Here is die hemele gemaak en deur die asem van sy mond die hemel se hele leër.

Psalms 33:9

want Hy het gepraat, en dit was daar, Hy het beveel, en toe staan dit daar.

Eksodus 20:11

Want in ses dae het die Here die hemel en die aarde en die see gemaak, en alles wat daarin is, maar op die sewende dag het Hy gerus. Daarom het die Here die Sabbatdag geseën en dit geheilig.

Eksodus 31:17

Dit dien as 'n ewige teken tussen My en die Israeliete. Want in ses dae het die Here die hemel en die aarde gemaak, maar op die sewende dag het Hy gerus en is Hy verkwik.’ ”

Jesaja 34:4

Al die hemelliggame sal wegsmelt, en soos 'n boekrol sal die hemel opgerol word. Al die hemelliggame sal verskrompel soos die blare van 'n wingerdstok verskrompel, soos verskrompelde vrugte aan 'n vyeboom.

Jesaja 42:5

So sê die ware God, die Here, wat die hemel geskep en oopgespan het, wat die aarde uitgebrei het, en dit wat daaruit voortkom, wat asem gee aan die mense daarop, lewensasem aan wie daarop beweeg:

Jesaja 45:12

Dit is Ek wat die wêreld gemaak het, en die mense daarop het Ek geskep. Ek, ja, my hande het die hemelruim oopgespan, en aan al die hemelliggame het Ek opdragte gegee.

Jesaja 45:18

Ja, so sê die Here wat die hemel geskep het – Hy is God – wat die aarde gevorm en dit gemaak het – Hy het dit gevestig – nie as 'n onherbergsame plek het Hy dit geskep nie, maar om bewoon te word, het Hy dit gevorm: “Ek is die Here, en daar is geen ander nie.

Jesaja 48:13

Dit is ook my hand wat die aarde gegrondves het, my regterhand wat die hemel oopgespan het. Wanneer Ek na hulle roep, staan hulle saam gereed.

Jesaja 55:9

“ Want soos die hemel hoër is as die aarde, so is my paaie hoër as julle paaie, en my planne as julle planne.

Jesaja 65:17

“ Ja, Ek gaan 'n nuwe hemel en 'n nuwe aarde skep. Aan die vroeëres sal nie meer gedink word nie; dit sal nie in mense se gedagtes opkom nie.

Jeremia 10:12

Hy wat die aarde gemaak het deur sy krag, wat die wêreld gevestig het deur sy wysheid, en deur sy insig die hemel oopgespan het –

Jeremia 10:16

Die erfdeel van Jakob is nie soos hulle nie; want Hy is die Een wat alles vorm, en Israel is die stam van sy erfenis – die Here, Heerser oor alle magte, is sy Naam.

Jeremia 8:2

en dit oopsprei voor die son en die maan en al die hemelliggame vir wie hulle lief was, wat hulle gedien het, waaragter hulle aangeloop het, wat hulle geraadpleeg het en voor wie hulle in aanbidding gebuig het. Dit sal nie weer bymekaargemaak en begrawe word nie. Dit sal mis word op die grond.

Sagaria 12:1

'n Profesie. Die woord van die Here oor Israel. Dit is die uitspraak van die Here, Hy wat die hemel oopgespan het en die fondamente van die aarde gelê het, wat die mens se gees in sy binneste gevorm het:

Lukas 2:13

Skielik was daar saam met die engel 'n hemelse menigte wat God loof:

Handelinge 4:24

Toe hulle dit hoor, het hulle God eensgesind aangeroep en gesê: “Here, U is die Een wat die hemel en die aarde en die see en alles daarin gemaak het,

Handelinge 7:42

Maar God het Hom van hulle weggekeer en hulle daaraan uitgelewer om die leërskare hemelliggame te aanbid, soos daar geskryf staan in die profete: “ ‘Het julle ooit vir My slagoffers en ander offers gebring gedurende die veertig jaar in die woestyn, huis van Israel?

Deuteronomium 17:3

en ander gode gaan dien en voor hulle in aanbidding buig – voor die son of die maan of enige van die hemelligame, iets wat die Here nie beveel het nie –

Deuteronomium 4:19

en sodat julle nie na die hemel opkyk en die son en maan en sterre sien, enige van die hemelliggame, en julle laat verlei om voor hulle in aanbidding te buig en hulle te dien nie. Die Here julle God het hulle aan al die ander nasies onder die son toegewys.

Hebreërs 4:3

Ons wat tot geloof gekom het, gaan immers wel die rus in – soos Hy gesê het, “So het Ek in my toorn gesweer, ‘Hulle sal beslis nie in my rus ingaan nie!’ ” al was God se werke reeds vanaf die grondlegging van die wêreld afgehandel.