Genesis 13:9 - Die Bybel 2020-vertaling

⁹ Lê die hele land nie oop voor jou nie? Trek liewer van my weg. As jy links gaan, sal ek regs gaan; en as jy regs gaan, sal ek links gaan.”

Bybel vir almal

⁹ Die hele land lê oop voor jou. Ons moet weggaan van mekaar. As jy links gaan, dan sal ek regs gaan, of as jy regs gaan, dan sal ek links gaan.”

Afrikaans 1933-1953

⁹ Lê die hele land nie voor jou oop nie? Skei jou tog van my af; gaan jy links, dan sal ek regs gaan, en gaan jy regs, dan sal ek links gaan.

Afrikaans 1983

⁹ Die hele land lê oop voor jou. Gaan jy liewer weg van my af. As jy links gaan, gaan ek regs; en as jy regs gaan, gaan ek links.”

Contemporary Afrikaans Bible 2023

⁹ Is die hele land nie voor jou nie? Skei jou tog van my af; as jy die linkerhand wil neem, dan sal ek regs gaan; of as jy na regterhand wyk, dan sal ek na links gaan.

Die Boodskap

⁹ Dalk is dit maar beter dat ons paaie skei. Kies waarheen jy wil gaan. As jy die een deel kies, neem ek die ander. Trek jy na die een deel van die land toe, gaan ek elders. So, jy kan kies.”

Genesis 13:9 Kruisverwysings

Genesis 13:10

Lot het rondgekyk en gesien dat daar in die hele Jordaanstreek volop water was. Voor die Here Sodom en Gomorra verdelg het, was dit soos die tuin van die Here, en soos Egipteland, in die rigting van Soar.

Genesis 13:8

Abram sê toe vir Lot: “Laat daar tog nie stryd wees tussen my en jou, en tussen my veewagters en jou veewagters nie. Ons is immers broers.

Genesis 20:15

Abimeleg het gesê: “Kyk, my land lê oop voor jou. Woon waar ook al dit goed is in jou oë.”

Genesis 34:10

Julle kan by ons woon. Die land lê oop voor julle: Woon daar, trek daar rond en verkry eiendom daar.”

Psalms 120:7

Ek is vir vrede, maar wanneer ek praat, is hulle gereed vir oorlog.

Jeremia 40:4

En nou, kyk, ek bevry jou vandag van die handboeie wat aan jou hande is. As jy dit goedvind om saam met my na Babel te gaan, kom dan! Ek sal my oog oor jou hou. Maar as jy dit nie goedvind om saam met my na Babel te gaan nie, laat dit daarby! Kyk, die hele land lê oop voor jou – waar jy dit ook al goed en reg vind om heen te gaan, gaan daarheen!”

Romeine 12:18

As dit moontlik is, sover dit van julle afhang, leef in vrede met alle mense.

1 Korinthiërs 6:7

Dit is reeds 'n volslae nederlaag vir julle dat julle hofsake teen mekaar maak. Waarom ly julle nie liewer onreg nie? Waarom laat julle julle nie besteel nie?

Hebreërs 12:14

Streef na vrede met almal en na die heiligmaking, waarsonder niemand die Here sal sien nie.