Genesis 13:2 - Die Bybel 2020-vertaling

² Abram was 'n baie vermoënde man met vee, silwer en goud.

Bybel vir almal

² Abram was baie ryk. Hy het baie diere en silwer en goud gehad.

Afrikaans 1933-1953

² En Abram was baie ryk aan vee, aan silwer en goud.

Afrikaans 1983

² Abram was baie ryk aan vee en silwer en goud.

Contemporary Afrikaans Bible 2023

² Abram was baie ryk aan vee, aan silwer en aan goud.

Die Boodskap

² Abram was baie ryk. Hy het ’n groot klomp vee, silwer en goud gehad.

Nuwe Lewende Vertaling

² Abram was baie ryk aan lewende hawe, silwer en goud.

Genesis 13:2 Kruisverwysings

Genesis 12:16

Hy het aan Abram goed gedoen ter wille van haar: Hy het kleinvee en beeste, donkies, slawe en slavinne, donkiemerries en kamele ontvang.

Genesis 13:6

Die land kon hulle nie meer dra, sodat hulle saam kon woon nie, want hulle besittings was te veel. Hulle kon net nie meer saam woon nie;

Genesis 24:1

Abraham was oud, gevorderd in jare. Die Here het Abraham in alle opsigte geseën.

Genesis 24:35

Die Here het my heer baie geseën, en hy het ryk geword. Hy het vir hom kleinvee en beeste gegee, silwer en goud, slawe en slavinne, kamele en donkies.

Genesis 26:14

Hy het kuddes kleinvee en beeste besit en 'n groot werksmag, sodat die Filistyne hom beny het.

Genesis 30:43

Die man se besittings het geweldig uitgebrei. Hy het baie kleinvee, slavinne, slawe, kamele en donkies gehad.

Job 1:10

Is dit nie U self wat hom en sy huis, en alles wat aan hom behoort, aan alle kante afgeskerm het nie? Sy handewerk het U geseën, en sy veestapel het in die land uitgebrei.

Job 1:3

Hy het seweduisend stuks kleinvee, drieduisend kamele, vyfhonderd pare beeste, vyfhonderd donkiemerries en 'n besondere groot werksmag gehad. Hierdie man was meer vermoënd as enigiemand in die ooste.

Spreuke 10:22

Die seën van die Here – dit is wat ryk maak, en harde werk voeg daar niks by nie.

Matteus 6:33

Maar soek eers die •koninkryk van God en sy •geregtigheid, en al hierdie dinge sal vir julle bygevoeg word.

Deuteronomium 8:18

dan moet jy die Here jou God onthou, want dit is Hy wat vir jou die krag gee om rykdom te verkry, sodat Hy sy verbond wat Hy aan jou voorvaders met 'n eed bevestig het, gestand kan doen soos dit vandag is.

1 Timoteus 4:8

want liggaamlike oefening is wel in 'n geringe mate nuttig, maar godvresendheid is nuttig in alle opsigte. Dit hou belofte in vir die huidige én die toekomstige lewe.

1 Samuel 2:7

Die Here maak arm en Hy maak ryk; Hy verneder, ook verhoog Hy.