Genesis 12:9 - Die Bybel 2020-vertaling

⁹ Toe het Abram algaande verder getrek in die rigting van die Negev.

Bybel vir almal

⁹ Later het Abram verder getrek na die Suid-land toe.

Afrikaans 1933-1953

⁹ Daarna het Abram al verder na die Suidland weggetrek.

Afrikaans 1983

⁹ Toe het Abram kamp opgebreek en al gaande na die Suidland toe versit.

Contemporary Afrikaans Bible 2023

⁹ Abram het weggetrek en nog steeds na die suide gegaan.

Die Boodskap

⁹ Daarna het Abram stuk vir stuk deur die hele suidelike woestyn getrek.

Nuwe Lewende Vertaling

⁹ Mettertyd het Abram in die rigting van die Negev verskuif.

Genesis 12:9 Kruisverwysings

Genesis 13:1

Abram het uit Egipte na die Negev opgetrek, hy en sy vrou met alles wat aan hom behoort, en Lot saam met hom.

Genesis 13:3

Hy het van staanplek tot staanplek uit die Negev getrek tot by Bet-El, tot by die plek waar sy tent vroeër tussen Bet-El en Ai gestaan het,

Genesis 20:1

Abraham het daarvandaan na die gebied van die Negev getrek en tussen Kades en Sur gaan woon. Terwyl hy as •vreemdeling in Gerar gewoon het,

Genesis 20:13

En toe God my laat rondswerf het, weg van my familie, het ek vir haar gesê, ‘Dit is jou trou wat jy aan my moet bewys; op elke plek waar ons kom, moet jy van my sê: “Hy is my broer.” ’ ”

Genesis 24:62

Isak het uit die rigting van Beër-Lagai-Roï gekom; hy het toe in die gebied van die Negev gewoon.

Psalms 105:13

het hulle van een nasie na die ander geswerf, van een koninkryk na 'n ander volk.

Jesaja 30:6

'n Profesie oor die diere van die Negev. In 'n land van benoudheid en angs, met leeuwyfies en leeumannetjies, met adders en vlieënde vurige slange, vervoer hulle op die rûe van donkiehingste hulle rykdom, en op die boggels van kamele hulle skatte, na 'n volk wat van geen nut is nie.

Numeri 13:17

Moses het hulle uitgestuur om die land Kanaän te verken. Hy het vir hulle gesê: “Trek hier in die Negev op, en gaan dan op in die bergwêreld.

Deuteronomium 1:7

Breek julle kamp op en trek na die bergland van die Amoriete en al die omliggende gebiede: die Araba, die bergland, die Sjefela, die Negev en die kusvlakte – dit wil sê, die land van die Kanaäniete en ook die Libanon en die gebied tot by die groot rivier, die Eufraat.