Eksodus 13:3 - Die Bybel 2020-vertaling

³ Moses het vir die volk gesê: “Herdenk hierdie dag waarop julle uit Egipte, uit die plek van slawerny, weggetrek het; want deur 'n sterk hand het die Here julle hier uitgelei. Iets wat suurdeeg bevat, mag nie geëet word nie.

Bybel vir almal

³ Moses het vir die volk gesê: “Julle moet altyd hierdie dag onthou, die dag toe julle weggegaan het uit Egipte. Julle was hier slawe, maar die Here het julle met sy groot krag gehelp om weg te gaan van hier. Daarom mag julle in hierdie tyd nie brood eet waarin daar suurdeeg is nie.

Afrikaans 1933-1953

³ Verder het Moses aan die volk gesê: Dink aan hierdie dag waarop julle uit Egipte, uit die slawehuis, uitgegaan het; want die Here het julle deur 'n sterke hand hiervandaan uitgelei; daarom mag geen gesuurde brood geëet word nie.

Afrikaans 1983

³ Moses het vir die volk gesê: “Onthou die dag waarop julle uit Egipte, uit die plek van slawerny, weggetrek het, want dit is deur sy groot mag dat die Here julle daaruit bevry het. Julle mag op dié dag niks met suurdeeg in eet nie.

Contemporary Afrikaans Bible 2023

³ Toe sê Moses aan die volk: Dink aan hierdie dag waarop julle uit Egipte, uit die slawehuis, uitgetrek het; want deur sterkte van hand het die HERE julle uit hierdie plek uitgelei; geen gesuurde brood mag geëet word nie.

Die Boodskap

³ Moses het op sy beurt vir die volk gesê: “Julle moet altyd hierdie dag onthou waarop julle weg is uit Egipte. Julle was slawe in Egipte. Die Here het julle egter met sy groot krag uit hierdie land losgekry. Dit is die dag waarop julle nie brood mag eet wat met suurdeeg gemaak is nie.

Nuwe Lewende Vertaling

³ Moses het toe vir die volk gesê: “Ons moet altyd hierdie dag onthou waarop ons weg is uit Egipte waar ons slawe was. God het ons met sy groot krag daar uitgelei. (Onthou om nie op hierdie dag iets met suurdeeg te eet nie.)

Eksodus 13:3 Kruisverwysings

Genesis 15:16

Die vierde geslag sal hierheen terugkeer. Want die •Amoriete se sondeskuld het nog nie sy volle maat bereik nie.”

1 Konings 8:42

ja, hulle sal hoor van u groot Naam en u sterk hand en uitgestrekte arm – wanneer hy dan kom en in die rigting van hierdie tempel bid,

1 Kronieke 16:12

Roep die wonders wat Hy gedoen het in herinnering, sy tekens en die oordele van sy mond,

Nehemia 1:10

Hulle is tog u dienaars en u volk wat U deur u groot mag en met u sterk hand bevry het.

Nehemia 9:10

U het tekens en wonders gedoen by die farao, by al sy dienaars en die hele volk van sy land, want U het geweet dat hulle vermetel optree teen u volk; U het vir U 'n naam gemaak, soos dit vandag nog is.

Psalms 105:5

Roep die wonders wat Hy gedoen het in herinnering, sy tekens en die oordele van sy mond –

Psalms 114:1

Toe Israel uit Egipte weggetrek het, die huis van Jakob weg van die volk met 'n vreemde taal,

Psalms 136:11

en Israel uit hulle midde laat wegtrek het – want vir ewig duur sy troue liefde –

Psalms 136:12

met 'n sterk hand en uitgestrekte arm – want vir ewig duur sy troue liefde.

Psalms 89:14

U het 'n magtige arm; u hand is sterk, u regterhand is verhewe.

Eksodus 12:15

Sewe dae lank moet julle ongesuurde brood eet. Reeds op die eerste dag moet julle suurdeeg uit julle huise verwyder; want elkeen wat iets eet wat met suurdeeg gebak is, vanaf die eerste tot die sewende dag – daardie persoon sal van Israel afgesny word.

Eksodus 12:17

Onderhou die Fees van die Ongesuurde Brood, want op hierdie bepaalde dag het Ek julle leërafdelings uit Egipteland gelei. Julle moet hierdie dag onderhou as 'n voorskrif wat altyd vir julle nageslagte geld.

Eksodus 12:19

Sewe dae lank mag daar nie suurdeeg in julle huise gevind word nie; want elkeen wat iets eet met suurdeeg in – daardie persoon sal van die volksvergadering van Israel afgesny word, of hy nou 'n •vreemdeling of 'n gebore Israeliet is.

Eksodus 12:2

“Hierdie maand moet vir julle die begin van die maande wees; dit moet vir julle die eerste van die maande van die jaar wees.

Eksodus 12:41

Aan die einde van vierhonderd-en-dertig jaar, op presies dieselfde dag, het al die leërafdelings van die Here uit Egipteland weggetrek.

Eksodus 12:42

Dit was 'n nag waarin die Here gewaak het om hulle uit Egipteland uit te lei. Daardie nag is 'n nag van waak tot eer van die Here vir al die Israeliete deur hulle geslagte heen.

Eksodus 12:8

Hulle moet die vleis dieselfde nag eet; oor die vuur gebraai, saam met ongesuurde brood en bitter kruie, moet hulle dit eet.’

Eksodus 13:14

“ As jou seun jou in die toekoms vra, ‘Wat beteken dit?’ moet jy vir hom sê, ‘Met 'n sterk hand het die Here ons uit Egipte, uit die plek van slawerny, uitgelei.

Eksodus 13:9

Dit sal vir jou dien as 'n teken op jou hand en as 'n herinneringsteken op jou voorkop, sodat die wet van die Here op jou lippe sal wees. Want met 'n sterk hand het die Here jou uit Egipte uitgelei.

Eksodus 20:2

“ Ek is die Here jou God, wat jou uit Egipteland, uit die plek van slawerny, uitgelei het.

Eksodus 20:8

Gedenk die Sabbatdag deur dit heilig te hou.

Eksodus 23:15

Die Fees van die Ongesuurde Brood moet jy onderhou. Soos Ek jou beveel het, moet jy op die vasgestelde tyd in die maand Abib sewe dae lank ongesuurde brood eet; want in daardie maand het jy uit Egipte weggetrek. Niemand mag met leë hande voor My verskyn nie.

Eksodus 3:20

Maar Ek sal my hand uitsteek en Egipte tref met al my wonders wat Ek in hulle midde gaan doen. Daarna sal hy julle laat gaan.

Eksodus 34:18

Die Fees van die Ongesuurde Brood moet jy onderhou. Sewe dae lank moet jy ongesuurde brood eet, soos Ek jou beveel het. Doen dit op die vasgestelde tyd in die maand Abib, want in die maand Abib het jy uit Egipte weggetrek.

Eksodus 6:1

God het met Moses gepraat en vir hom gesê: “Ek is die Here.

Eksodus 6:6

Ek gaan julle as volk vir My neem en Ek sal vir julle 'n God wees. Dan sal julle besef dat Ek die Here julle God is wat julle uitlei, weg van die dwangarbeid van Egipte.

Eksodus 6:7

Ek sal julle bring na die land, waaroor Ek my hand opgehef het om dit aan Abraham, aan Isak, en aan Jakob te gee, en Ek sal dit aan julle as eiendom gee. Ek is die Here.’ ”

Eksodus 7:4

Die farao sal nie na julle luister nie, en Ek sal my hand met geweldige oordele op Egipte lê en my leërafdelings, my volk, die Israeliete, uit Egipteland lei.

Jeremia 34:13

“So sê die Here, die God van Israel, ‘Ek self het met julle voorouers 'n verbond gesluit op die dag toe Ek hulle uit Egipteland, uit die plek van slawerny, uitgelei het, met die woorde:

Daniël 9:15

“ En nou, my Heer, ons God, U wat u volk uit Egipteland uitgelei het met 'n sterk hand en vir U 'n naam gemaak het soos dit vandag is – ons het gesondig, ons is skuldig.

Matteus 10:12

En wanneer julle die huis binnegaan, groet die huismense.

Lukas 22:19

En Hy het brood geneem, en nadat Hy die seëngebed uitgespreek het, breek Hy dit, en gee dit vir hulle, en sê: “Dit is my liggaam, wat vir julle gegee word. Doen dit om My in herinnering te bring.”

1 Korinthiërs 11:24

en nadat Hy die seëngebed uitgespreek het, het Hy dit gebreek en gesê: “Dit is my liggaam – ter wille van julle. Doen dit om My in herinnering te bring.”

1 Korinthiërs 5:8

Laat ons daarom feesvier, nie met ou suurdeeg, die suurdeeg van kwaad en boosheid nie, maar met die ongesuurde brood van opregtheid en waarheid.

Efesiërs 1:19

wat die onvergelykbare grootheid van sy mag is, vir ons wat glo ooreenkomstig die werking van sy groot krag,

Deuteronomium 13:10

Jy moet hom stenig, sodat hy sterf, want hy het probeer om jou van die Here jou God af weg te lok, van Hom wat jou uit Egipteland, uit die plek van slawerny, uitgelei het.

Deuteronomium 13:11

Die hele Israel sal dit hoor en bang wees. Hulle sal nie weer hierdie verkeerde daad by jou doen nie.

Deuteronomium 13:5

Daardie profeet, of die een wat drome droom, moet doodgemaak word; want hy het wat vals is, verkondig oor die Here julle God wat julle uit Egipteland uitgelei het en julle vrygekoop het uit die plek van slawerny. Dit is net om jou weg te lok van die pad wat die Here jou God jou beveel het om te volg. Jy moet die kwaad by jou uitroei.

Deuteronomium 13:6

“ Wanneer jou eie broer, of jou seun of dogter, of jou geliefde vrou, of jou boesemvriend jou in die geheim aanhits en sê, ‘Kom ons gaan dien ander gode’ – dit is nou gode wat jy self of jou voorouers nie geken het nie,

Deuteronomium 15:15

Onthou dat jy 'n slaaf was in Egipteland en dat die Here jou God jou vrygekoop het; daarom gee ek jou vandag hierdie opdrag.

Deuteronomium 16:1

“ Hou by die voorskrif vir die maand Abib en vier die Pasga vir die Here jou God, want in die maand Abib het die Here jou God jou in die nag uit Egipte uitgelei.

Deuteronomium 16:12

Jy moet onthou dat jy 'n slaaf was in Egipte. Kom dan hierdie vaste voorskrifte nougeset na.

Deuteronomium 16:3

Jy mag nie brood met suurdeeg daarmee saam eet nie. Sewe dae lank moet jy ongesuurde brood eet, brood van verdrukking, omdat jy inderhaas uit Egipteland vertrek het, sodat jy daardie dag toe jy uit Egipteland vertrek het, jou hele lewe lank kan onthou.

Deuteronomium 24:18

Onthou dat jy 'n slaaf was in Egipte, en dat die Here jou God jou daaruit vrygekoop het. Dit is waarom ek jou beveel om so op te tree.

Deuteronomium 24:22

Onthou dat jy 'n slaaf was in Egipteland. Daarom beveel ek jou om so op te tree.”

Deuteronomium 26:8

en die Here het ons met 'n sterk hand en uitgestrekte arm uit Egipte uitgelei, ja, met 'n vreesaanjaende magsvertoon, met tekens van mag en wondertekens.

Deuteronomium 4:34

Of het enige god dit al gewaag om vir homself 'n nasie te gaan neem uit die midde van 'n ander nasie, met teistering, met tekens en met wondertekens, met stryd, met 'n sterk hand en uitgestrekte arm, en met vreesaanjaende magsvertoon, soos alles wat die Here julle God voor julle oë in Egipte vir julle gedoen het?

Deuteronomium 5:15

Jy moet onthou dat jy ook 'n slaaf was in Egipteland en dat die Here jou God met 'n sterk hand en uitgestrekte arm jou daar uitgelei het. Daarom het die Here jou God jou beveel om die Sabbatdag te vier.

Deuteronomium 5:6

“ ‘ Ek is die Here jou God, wat jou uit Egipteland, uit die plek van slawerny, uitgelei het.

Deuteronomium 6:12

moet jy oppas dat jy nie die Here vergeet wat jou uit Egipteland, uit 'n plek van slawerny, uitgelei het nie.

Deuteronomium 6:21

dan moet jy vir jou kind sê, ‘Ons was slawe vir die farao in Egipte, maar die Here het ons met 'n sterk hand uit Egipte uitgelei.

Deuteronomium 7:8

Nee, dit is omdat die Here julle liefgehad het en omdat Hy gebly het by die eed wat Hy vir julle voorvaders afgelê het dat die Here julle met 'n sterk hand laat wegtrek en julle vrygekoop het uit 'n plek van slawerny, uit die mag van die farao, die koning van Egipte.

Deuteronomium 8:14

dat jou hart dan nie hoogmoedig raak en jy die Here jou God vergeet wat jou uit Egipteland, uit 'n plek van slawerny, uitgelei het nie.

Deuteronomium 9:12

het die Here vir my gesê, ‘Staan op, gaan dadelik hiervandaan af onder toe, want jou volk wat jy uit Egipte uitgelei het, het hulle wangedra. Hulle het gou afgewyk van die pad wat Ek hulle beveel het om te volg. Hulle het vir hulle 'n gegote beeld gemaak.’

Josua 24:17

want die Here ons God, Hy is die Een wat ons en ons voorouers uit Egipteland, uit die plek van slawerny, laat optrek het, en wat voor ons oë hierdie groot tekens van mag gedoen het. Hy het ons bewaar op die hele pad waarlangs ons gegaan het, en onder al die volke waar ons deurgetrek het.

Rigters 2:12

Hulle het die Here, die God van hulle voorouers, wat hulle uit Egipteland laat wegtrek het, verlaat, en agter ander gode aangeloop, van die gode van die volke wat rondom hulle was. Hulle het voor hulle in aanbidding neergebuig en die Here uitgetart.

Rigters 6:8

het die Here iemand, 'n profeet, na die Israeliete gestuur. Hy het vir hulle gesê: “So sê die Here, die God van Israel, ‘Dit is Ek wat julle uit Egipte laat optrek het; Ek het julle laat wegtrek uit die plek van slawerny.