Daniël 9:9 - Die Bybel 2020-vertaling

⁹ by my Heer, ons God, is daar ontferming en vergifnis. Omdat ons teen Hom in opstand was

Bybel vir almal

⁹ Ons het nie geluister na U nie. Maar U, ons God die Here, U is genadig, U sal ons sonde vergewe.

Afrikaans 1933-1953

⁹ By die Here onse God is barmhartigheid en vergewing, want ons het teen Hom opgestaan

Afrikaans 1983

⁹ Maar U, Here ons God, bewys barmhartigheid en U vergewe, al was ons opstandig teen U.

Contemporary Afrikaans Bible 2023

⁹ Aan die HERE ons God behoort barmhartighede en vergifnis, al het ons teen Hom in opstand gekom;

Die Boodskap

⁹ Ten spyte van ons opstandigheid is U, o Here ons God, bereid om ons te vergewe. Want U is ’n goeie God wat ons baie liefhet. “

Daniël 9:9 Kruisverwysings

2 Samuel 24:14

Toe sê Dawid vir Gad: “Ek is baie benoud. Mag ons tog in die hand van die Here val, want groot is sy ontferming. Maar mag ek nie in die hande van mense val nie.”

1 Konings 8:30

Luister dan na die smeekbede van u dienskneg en van u volk Israel wat hulle in die rigting van hierdie plek bid. U self moet dit hoor tot by die plek waar U woon, tot in die hemel. U moet dit hoor, en U moet vergewe.

Nehemia 9:31

In u groot ontferming het U hulle egter nie heeltemal vernietig nie; U het hulle nie in die steek gelaat nie. Ja, U is 'n genadige en barmhartige God.

Psalms 130:4

Maar by U is daar vergifnis, sodat U ontsag afdwing.

Psalms 130:7

Israel, vestig jou hoop op die Here; want by die Here is troue liefde, by Hom is volkome bevryding.

Psalms 62:12

Een saak het God bevestig, twee, wat ek gehoor het: Krag is by God;

Psalms 86:15

Maar U, my Heer, U is 'n barmhartige en genadige God, geduldig, oorvloedig in troue liefde en waarheid.

Psalms 86:5

U, my Heer, is immers goed en vergewensgesind, en oorvloedig in troue liefde teenoor almal wat na U roep.

Jesaja 55:7

Die goddelose moet van sy pad afsien, en die boosdoener van sy planne. Hy moet na die Here terugkeer, sodat Hy hom genadig kan wees, en na sy God, want Hy vergeef oorvloediglik.

Jesaja 63:7

Die troue liefde van die Here sal ek vermeld, die lofwaardige dade van die Here, in ooreenstemming met alles wat die Here aan ons bewys het – die oorvloedige guns vir die huis van Israel wat Hy aan hulle bewys het in sy ontferming en oorvloedige troue liefde.

Jeremia 14:7

“ Al getuig ons sondeskuld teen ons, Here, tree op ter wille van u Naam! Ja, ons afvalligheid is erg; teen U het ons gesondig.

Esegiël 20:13

“ ‘ “Maar die huis van Israel was opstandig teen My in die woestyn. My vaste voorskrifte het hulle nie gevolg nie, en my bepalings het hulle verwerp, dit wat 'n mens moet uitvoer sodat hy daardeur kan leef. My Sabbatte het hulle gruwelik ontheilig. Ek het dit oorweeg om my woede oor hulle uit te stort, om hulle in die woestyn te vernietig.

Daniël 9:5

Ons het gesondig, ons het verkeerd opgetree, ons het ons skuldig gemaak en in opstand gekom. Ons het afgewyk van u gebooie en u beslissings.

Daniël 9:6

En ons het nie geluister na u diensknegte die profete nie, hulle wat in u Naam gepraat het met ons konings, ons •hoë amptenare, ons voorouers en met die hele volk van die land.

Daniël 9:7

By U, my Heer, is daar regverdige optrede, en by ons is daar gesigte vol skaamte, soos dit vandag is – by die manne van Juda, by die inwoners van Jerusalem en by die hele Israel, dié wat naby is en dié wat ver is in al die lande waarheen hulle verdryf is op grond van die ontrou wat hulle teen U gepleeg het.

Daniël 9:8

Here, by ons is daar gesigte vol skaamte – by ons konings, ons hoë amptenare en ons voorouers, omdat ons teen U gesondig het;

Jona 4:2

Hy bid toe tot die Here en sê: “Ag, Here, is dit nie wat ek gesê het toe ek nog in my land was nie? Daarom het ek vroegtydig na Tarsis gevlug, want ek het geweet dat U 'n genadige en barmhartige God is, geduldig en oorvloedig in troue liefde, 'n God wat berou het oor die onheil.