Daniël 9:4 - Die Bybel 2020-vertaling

⁴ Ek het gebid tot die Here, my God; ek het bely en gesê: “Ag, my Heer, U is die groot en ontsagwekkende God wat die verbond en verbondstrou in stand hou vir hulle wat Hom liefhet en sy gebooie nakom.

Bybel vir almal

⁴ Ek het gebid tot my Here, tot God. Ek het my sonde en die sonde van my volk bely en gesê: “Here, U is die Groot God. Almal moet bang wees vir U en hulle moet U eer. U maak 'n verbond met die mense wat lief is vir U en wat doen wat U gesê het. U is lief vir hulle.

Afrikaans 1933-1953

⁴ En ek het tot die Here my God gebid en belydenis gedoen en gesê: Ag, Here, grote en gedugte God, wat die verbond en die goedertierenheid hou vir die wat Hom liefhet en sy gebooie onderhou,

Afrikaans 1983

⁴ Ek het tot die Here my God gebid en bely: “Ag, Here, groot en ontsagwekkende God, U handhaaf u verbond en u trou teenoor dié wat vir U liefhet en u gebooie gehoorsaam.

Contemporary Afrikaans Bible 2023

⁴ En ek het tot die HERE my God gebid en my belydenis afgelê en gesê: HERE, die groot en vreeslike God, hou die verbond en die barmhartigheid vir die wat Hom liefhet en aan die wat sy gebooie bewaar;

Die Boodskap

⁴ Toe het ek tot die Here my God gebid en bely: “O Here, U is ’n groot en verskriklike sterk God! U kom altyd u beloftes na teenoor die mense wat U liefhet en doen wat U van hulle verwag.

Daniël 9:4 Kruisverwysings

1 Konings 8:23

en gesê: “Here, God van Israel, daar is geen god soos U in die hemel daar bo of op die aarde hier onder nie; U wat die verbond en troue liefde in stand hou vir u diensknegte wat met hulle hele hart voor U leef;

2 Kronieke 7:14

en my volk, oor wie my Naam uitgeroep is, hulle verootmoedig en bid, en my teenwoordigheid opsoek en terugdraai van hulle verkeerde paaie, sal Ek self uit die hemel hulle hoor. Ek sal hulle sonde vergewe en hulle land genees.

Esra 10:1

Terwyl Esra bid en belydenis doen, huil en homself neerwerp voor die huis van God, het daar uit Israel 'n baie groot menigte, mans, vroue en kinders, om hom versamel; want die mense het self ook bitterlik gehuil.

Nehemia 1:5

Ek het gesê: “Ag, Here, God van die hemel, groot en ontsagwekkende God, wat die verbond en trou handhaaf vir hulle wat Hom liefhet en sy gebooie nakom,

Nehemia 9:32

“ Daarom, ons God, groot, magtige en ontsagwekkende God, U wat bly by die verbond en u troue liefde, laat dit tog nie gering wees voor U nie, al die swaarkry wat ons ervaar het – ons konings en leiers, ons priesters en profete, ons voorouers en u hele volk – vanaf die dae van die konings van Assirië tot vandag toe.

Psalms 32:5

My sonde het ek teenoor U erken; my sondeskuld het ek nie bedek nie. Ek het gedink, ek wil my oortredings teenoor die Here bely, en U het my sondeskuld vergewe. Sela

Eksodus 20:6

maar troue liefde bewys aan duisende, aan hulle wat My liefhet en my gebooie nakom.

Jeremia 3:13

Erken net jou sondeskuld, want teen die Here jou God het jy oortree. Jy het jou paaie in alle rigtings laat loop na vreemdes onder elke skaduryke boom. Na my stem het julle nie geluister nie,” is die uitspraak van die Here.

Jeremia 32:23

Hulle het gekom en dit in besit geneem, maar hulle het nie na u stem geluister nie en u voorskrifte het hulle nie gevolg nie. Hulle het niks gedoen van alles wat U hulle beveel het om te doen nie. Toe het U hulle al hierdie onheil laat beleef.

Daniël 6:10

Om dié rede het koning Darius die bevelskrif en die verbod op skrif gestel.

Daniël 9:3

Ek het my tot God, my Heer, gewend om Hom in gebed en smeking te soek, deur te vas, in 'n roukleed en met stof op die kop.

Lukas 1:72

Dit het Hy gedoen om ontferming aan ons voorvaders te bewys en sy heilige verbond in gedagte te hou,

Romeine 8:28

Ons weet dat God alles ten goede laat meewerk vir hulle wat Hom liefhet, vir hulle wat volgens sy voorneme geroep is;

Deuteronomium 5:10

maar troue liefde bewys aan duisende, aan hulle wat My liefhet en my gebooie nakom.

Deuteronomium 7:12

As beloning daarvoor dat julle hierdie wette gehoorsaam, dit nakom en dit uitvoer, sal die Here jou God vir jou die verbond en troue liefde in stand hou wat Hy aan jou voorvaders met 'n eed bevestig het.

Deuteronomium 7:21

Moenie paniekerig raak oor hulle nie, want die Here jou God is in jou midde, 'n groot en ontsagwekkende God.

Deuteronomium 7:9

Jy moet weet dat die Here jou God inderdaad God is, die betroubare God wat die verbond en troue liefde in stand hou vir duisende geslagte lank, vir hulle wat Hom liefhet en sy gebooie nakom;

Jakobus 1:12

Gelukkig is die man wat versoeking deurstaan, want as hy die toets slaag, sal hy die oorwinningskrans van die lewe ontvang, wat God beloof het aan hulle wat Hom liefhet.

Jakobus 2:5

Luister, my geliefde broers, het God nie die armes in die wêreld gekies om ryk in die geloof te wees nie? En om erfgename te wees van die koninkryk wat Hy beloof het aan hulle wat Hom liefhet nie?