Daniël 7:6 - Die Bybel 2020-vertaling

⁶ “ Daarna het ek gesien: Kyk, daar was 'n ander dier, soos 'n luiperd. Hy het vier vlerke van 'n voël op sy rug gehad. Die dier het vier koppe gehad, en heerskappy is aan hom gegee.

Bybel vir almal

⁶ “Ek het weer gekyk en ek het nog 'n dier gesien. Hy het gelyk soos 'n luiperd, maar daar was vier vlerke op sy rug. Die dier het vier koppe gehad en hy was sterk.

Afrikaans 1933-1953

⁶ Daarna het ek gesien, en kyk, daar was 'n ander een soos 'n luiperd, en dit het vier vlerke van 'n voël op sy rug gehad; ook het die dier vier koppe gehad, en aan hom is heerskappy gegee.

Afrikaans 1983

⁶ En toe ek weer sien, was daar nog 'n dier, een soos 'n luiperd. Hy het op sy rug vier vlerke gehad soos dié van 'n voël. Hy het vier koppe gehad en aan hom is heerskappy gegee.

Contemporary Afrikaans Bible 2023

⁶ Hierna het ek gesien, en kyk, nog een, soos 'n luiperd, wat op die rug vier vlerke van 'n voël gehad het; die dier het ook vier koppe gehad; en heerskappy is daaraan gegee.

Die Boodskap

⁶ Toe ek weer kyk, was daar nog ’n dier. Hierdie een het soos ’n luiperd gelyk. Op sy rug het hy egter vier vlerke soos ’n voël s’n gehad. Hy het ook nie net een kop gehad nie, maar vier. Dit was duidelik dat hy baie mag gehad het.

Daniël 7:6 Kruisverwysings

Esegiël 17:3

Sê, ‘So sê my Heer, die Here: “'n Groot arend met groot vlerke, lang penvere, en vol veelkleurige vere, het na die Libanon gekom. Hy het die top van 'n seder geneem,

Daniël 10:20

“Hy sê toe, ‘Weet jy waarom ek na jou gekom het? Ek moet weldra terugkeer om te veg teen die vors van Persië. En wanneer ek daar uitkom, kyk, dan kom die vors van Jawan.

Daniël 2:39

Ná u sal 'n ander koninkryk tot stand kom, geringer as u s'n, dan 'n ander, derde koninkryk van koper, wat oor die hele aarde sal heers.

Daniël 7:4

“ Die eerste was soos 'n leeu met die vlerke van 'n arend. Ek het bly kyk totdat sy vlerke uitgepluk was, hy van die grond af opgelig is, op twee voete soos 'n mens neergesit is en die hart van 'n mens aan hom gegee is.

Daniël 7:5

“ En kyk, 'n ander, 'n tweede dier, het soos 'n beer gelyk, en is langs die eerste dier opgerig. Daar was drie ribbes in sy bek tussen sy tande, en daar is vir hom gesê, ‘Staan op, eet baie vleis!’

Hosea 13:7

Ek het vir hulle soos 'n leeu geword, soos 'n luiperd langs die pad hou Ek hulle dop.

Openbaring 13:2

Die dier wat ek gesien het, het net soos 'n luiperd gelyk, met pote soos dié van 'n beer en 'n bek soos dié van 'n leeu. Die draak het sy krag en sy troon en groot mag aan hom oorgedra.