Daniël 5:3 - Die Bybel 2020-vertaling

³ Hulle bring toe die voorwerpe van goud wat uit die tempel, die huis van God in Jerusalem, verwyder is, en die koning, sy maghebbers, haremvroue en byvroue het daaruit gedrink.

Bybel vir almal

³ Die bediendes het toe die goue bekers gebring wat Nebukadnesar gevat het uit die tempel van God in Jerusalem. Koning Belsassar, sy amptenare, sy vroue en sy byvroue het uit die bekers gedrink.

Afrikaans 1933-1953

³ Toe het hulle die goue voorwerpe gebring wat uit die tempel, uit die huis van God in Jerusalem weggevoer was, en die koning en sy maghebbers, sy vroue en sy byvroue het daaruit gedrink.

Afrikaans 1983

³ Toe is die goue en die silwerbekers gebring wat weggevoer is uit die tempel van God in Jerusalem, en die koning en sy hoofamptenare, sy vrouens en sy byvrouens het daaruit gedrink.

Contemporary Afrikaans Bible 2023

³ Toe het hulle die goue voorwerpe gebring wat uit die tempel van die huis van God wat in Jerusalem was, geneem is; en die koning en sy vorste, sy vroue en sy byvroue het daarin gedrink.

Die Boodskap

³ Hulle het die goue en silwerbekers gaan haal en die koning en al sy gaste het daaruit gedrink.

Nuwe Lewende Vertaling

³ Hulle het toe die goue eetgerei gebring wat uit die woonplek van God in Jerusalem gevat is. Die koning het toe saam met sy amptenare, sy vroue en byvroue daaruit begin drink.

Daniël 5:3 Kruisverwysings

2 Kronieke 36:18

Al die toebehore in die huis van God, groot en klein, die skatte van die huis van die Here en van die koning en sy •hoë amptenare, alles het hy na Babel geneem.

Jesaja 5:14

Daarom het die •doderyk sy keel wyd oopgemaak, en sy mond oopgesper sonder perk. Die stad se luisterrykes en gespuis, die lawaaimakers en uitbundiges in haar sal daarin afdaal.

Jeremia 50:28

Daar is die geluid van vlugtelinge, en van hulle wat ontkom het uit die land Babilonië; hulle is daar om in Sion die wraak te verkondig van die Here, ons God – die wraak vir sy •tempel.

Daniël 5:2

Belsasar het, terwyl hy die wyn geniet, opdrag gegee dat die voorwerpe van goud en silwer wat sy vader Nebukadnesar uit die •tempel in Jerusalem verwyder het, gebring moes word, sodat die koning en sy maghebbers, sy haremvroue en byvroue daaruit kon drink.

Daniël 5:23

Teen die Heer van die hemel het u uself verhef. Die voorwerpe van sy huis het hulle voor u gebring en u, u maghebbers, u haremvroue en u byvroue het wyn daaruit gedrink. Die gode van silwer en goud, koper, yster, hout en klip, wat nie sien, nie hoor of enigiets weet nie – u het hulle lof besing; maar die God in wie se hand u asem is, en by wie al u paaie is, Hom het u nie geëer nie.

Daniël 5:4

Hulle het wyn gedrink en die gode van goud, silwer, koper, yster, hout en klip geprys.

Hosea 2:8

Daarom, Ek gaan weer my koring terugvat in die oestyd, my nuwe wyn in die feestyd. Ek gaan my wol en vlas, wat bedoel is om haar naaktheid te bedek, wegruk.

Habakuk 1:11

Dan gaan die wind verder en steek grense oor; en hy word skuldig, die een wie se krag sy god is.”

Maleagi 1:12

“Maar julle ontheilig my Naam aangesien julle dink, die tafel van die Heer is besoedel, en oor wat dit bied, dink julle, sy voedsel kan maar geminag word.

1 Thessalonisense 5:3

Wanneer hulle sê, “Daar is vrede en veiligheid,” kom daar skielik vernietiging oor hulle, soos geboortepyne 'n swanger vrou oorval, en hulle sal beslis nie ontkom nie.

Rigters 19:1

In daardie tyd, toe daar geen koning in Israel was nie, het 'n Levitiese man, wat tydelike verblyf gehad het in die afgeleë dele van die heuwelland van Efraim, vir hom 'n byvrou uit Betlehem in Juda geneem.