Daniël 4:8 - Die Bybel 2020-vertaling

⁸ Oplaas het voor my verskyn Daniël, wie se naam Beltsasar is – na aanleiding van die naam van my god – en in wie die gees van die heilige gode is. Ek het toe die droom aan hom vertel,

Bybel vir almal

⁸ Toe het Daniël gekom, sy ander naam is Beltsassar. Dit is ook die naam van my god. Dit is die heilige gode wat vir Daniël help, daarom is hy baie slim. Ek het vir hom vertel wat ek gedroom het.

Afrikaans 1933-1953

⁸ totdat eindelik Daniël voor my ingekom het, wie se naam Béltsasar is, na die naam van my god, en in wie die gees van die heilige gode is; en ek het hom die droom vertel:

Afrikaans 1983

⁸ Uiteindelik het Daniël, genoem Beltsasar na die naam van my god en in wie die gees van die heilige gode is, ingekom en ek het hom die droom vertel.

Contemporary Afrikaans Bible 2023

⁸ Maar op die laaste het Daniël voor my ingekom, wie se naam Béltsasar was, volgens die naam van my god, en in wie die gees van die heilige gode is; en voor hom het ek die droom vertel en gesê:

Die Boodskap

⁸ Uiteindelik het Daniël, ook genoem Beltsasar na die naam van my god, na my toe gekom. Die Gees van die heilige God is in hom en ek het vir hom van my droom vertel.

Daniël 4:8 Kruisverwysings

Genesis 41:38

en die farao het vir sy dienaars gevra: “Sal ons so iemand vind, 'n man in wie die Gees van God is?”

Jesaja 46:1

Bel het inmekaargesak, Nebo is vooroor gebuig. Hulle afgodsbeelde behoort aan die wilde diere en aan die vee. Julle draagbare gode is opgelaai – 'n las vir uitgeputte diere.

Jesaja 63:11

Toe het hulle gedink aan die jare van lank gelede, aan Moses en sy volk: “Waar is Hy wat hulle uit die see laat opkom het, saam met die herders van sy kleinvee? Waar is Hy wat in hulle midde sy Heilige Gees geplaas het,

Jeremia 50:2

“Maak dit bekend onder die nasies; laat hulle dit hoor! Hou 'n banier omhoog; laat hulle dit hoor! Moet dit nie wegsteek nie! Julle moet sê, ‘Babel is ingeneem! Bel staan beskaamd, Marduk staan verslae. Babel se afgode staan beskaamd, haar afgodsbeelde staan verslae.’

Esegiël 17:23

Op die hoë berg van Israel sal Ek dit plant, en dit sal lote maak en vrug dra. Dit sal 'n luisterryke seder word, en al die voëls, al die gevleueldes, sal onder hom tuis wees. In die skadu van sy blare sal hulle 'n tuiste vind.

Daniël 1:7

Maar die toesighouer oor die paleisamptenare, het hulle name vervang: Daniël het hy Beltsasar, Gananja het hy Sadrag, Misael het hy Mesag, en Asarja het hy Abednego genoem.

Daniël 2:11

Die saak wat die koning verlang, is moeilik, en daar is niemand wat dit vir die koning kan uitlê nie, behalwe die gode, wie se woning nie by sterflinge is nie.”

Daniël 2:26

Die koning het daarop geantwoord deur vir Daniël, wie se naam Beltsasar was, te sê: “Is jy in staat om die droom wat ek gehad het en sy uitleg aan my bekend te maak?”

Daniël 3:14

Nebukadnesar het begin deur vir hulle te sê: “Is dit regtig so, Sadrag, Mesag en Abednego, dat julle my gode nie dien nie en aan die goue beeld wat ek opgerig het, nie eer betoon nie?

Daniël 4:18

“ ‘Dit is die droom wat ek, koning Nebukadnesar, gehad het. En jy, Beltsasar, vertel wat die uitleg is, aangesien geeneen van die wyses in my koninkryk daarin kon slaag om die uitleg aan my bekend te maak nie. Maar jy is in staat daartoe, omdat die gees van die heilige gode in jou is.’ ”

Daniël 4:9

‘Beltsasar, hoof van die waarsêerpriesters, ek weet dat die gees van die heilige gode in jou is en geen geheim jou onderkry nie; die visioene in die droom wat ek gehad het – vertel wat die uitleg daarvan is.

Daniël 5:14

Ek het van jou gehoor, dat die gees van die gode in jou is, en dat helder insig en buitengewone wysheid in jou gevind is.