Daniël 2:5 - Die Bybel 2020-vertaling

⁵ Die koning antwoord en sê toe vir die Galdeërs: “Die saak staan vas by my. As julle nie aan my die droom en sy uitleg bekend kan maak nie, sal julle ledemate afgekap word, en van julle huise sal vullishope gemaak word.

Bybel vir almal

⁵ Maar die koning het vir die slim mense gesê: “Nee, ek het besluit júlle moet vir my sê wat ek gedroom het en wat dit beteken. As julle dit nie doen nie, dan sal my manne julle doodmaak en in stukke kap en julle huise afbreek.

Afrikaans 1933-1953

⁵ Die koning het geantwoord en aan die Chaldeërs gesê: Die saak staan by my vas: as julle die droom en sy uitlegging nie aan my bekend maak nie, sal julle in stukke gekap en van julle huise mishope gemaak word.

Afrikaans 1983

⁵ Die koning sê toe vir die sterrekykers: “Ek het klaar besluit: as julle my nie die droom en sy uitleg kan gee nie, sal julle aan stukke gekap word en sal van julle huise puinhope gemaak word.

Contemporary Afrikaans Bible 2023

⁵ Die koning het geantwoord en vir die Chaldeërs gesê: Die saak is van my af weg; as julle die droom met die uitlegging daarvan nie aan my bekend maak nie, sal julle in stukke gesny word, en julle huise sal 'n mishoop gemaak word.

Die Boodskap

⁵ Maar die koning antwoord hulle: “Kyk, ek het besluit julle moet vir my sê wat ek gedroom het en wat dit beteken. As julle dit nie kan doen nie, sal ek julle stadig laat doodmaak en julle huise sal verwoes word sodat die mense wat daar verbyloop, sal dink dis ’n ashoop.

Daniël 2:5 Kruisverwysings

2 Konings 10:27

Hulle het die gedenksteen van Baäl afgebreek, ook die tempel van Baäl afgebreek en dit plekke vir ontlasting gemaak; dit is vandag nog so.

Esra 6:11

“ Ek gee ook opdrag dat elke persoon wat hierdie beslissing wysig, met 'n balk wat uit sy huis geruk is, deurboor en opgehang moet word. Van sy huis moet ook 'n puinhoop gemaak word.

Psalms 50:22

Verstaan dit tog, julle wat God vergeet, anders verskeur Ek, en daar is niemand wat kan red nie.

Psalms 58:7

O God, breek hulle tande in hulle monde, verbrysel die kake van die jong leeus, Here.

Daniël 2:12

Hieroor het die koning hom vererg, en hy was baie kwaad. Hy gee toe bevel dat al die wyses van Babilonië om die lewe gebring moet word.

Daniël 3:29

'n Bevel word deur my uitgevaardig dat enige volk, nasie en taal wat iets godslasterliks sê teen die God van Sadrag, Mesag en Abednego, se ledemate afgekap sal word en sy huis in 'n vullishoop omskep sal word. Want daar is nie 'n ander god wat so kan verlos nie.”

Daniël 4:9

‘Beltsasar, hoof van die waarsêerpriesters, ek weet dat die gees van die heilige gode in jou is en geen geheim jou onderkry nie; die visioene in die droom wat ek gehad het – vertel wat die uitleg daarvan is.

Deuteronomium 13:16

Alles wat in die dorp buitgemaak is, moet jy in die middel van die dorpsplein bymekaarbring. Dan moet jy die dorp en alles wat buitgemaak is, as 'n volledige offer aan die Here jou God verbrand. Dit moet vir altyd 'n puinhoop wees; dit mag nie weer herbou word nie.

Josua 6:26

Josua het in daardie tyd 'n eed afgelê: “Vervloek voor die Here is die man wat opstaan en hierdie stad, Jerigo, herbou: Ten koste van sy eersgeborene sal hy die fondamente lê, en ten koste van sy jongste sal hy die poortdeure oprig.”

1 Samuel 15:33

Maar toe sê Samuel: “Soos jou swaard vroue kinderloos gemaak het, so word jou moeder kinderloos onder die vroue.” Samuel het Agag toe in stukke gekap voor die Here in Gilgal.