Daniël 2:3 - Die Bybel 2020-vertaling

³ Die koning het vir hulle gesê: “Ek het 'n droom gehad, en my gees is ontsteld daaroor om te weet wat die droom was.”

Bybel vir almal

³ Die koning het vir hulle gesê: “Ek het gedroom en ek is bekommerd oor wat ek gedroom het. Ek wil weet wat die droom beteken.”

Afrikaans 1933-1953

³ sê die koning vir hulle: Ek het 'n droom gehad, en my gees is onrustig om die droom te verstaan.

Afrikaans 1983

³ en hy het vir hulle gesê: “Ek is ontsteld oor 'n droom wat ek gehad het en ek wil weet wat die droom beteken.”

Contemporary Afrikaans Bible 2023

³ Toe sê die koning vir hulle: Ek het 'n droom gedroom, en my gees was ontsteld om die droom te leer ken.

Die Boodskap

³ sê hy vir hulle: “Ek het ’n droom gehad wat my baie omkrap. Ek wil nou by julle weet wat dit beteken.”

Nuwe Lewende Vertaling

³ Hy het vir hulle gesê: “Ek het ’n droom gehad wat my baie ontstel het. Ek wil weet wat die droom beteken.”

Daniël 2:3 Kruisverwysings

Genesis 40:8

Hulle sê toe vir hom: “Ons het gedroom, en daar is niemand wat dit kan verklaar nie.” Toe sê Josef vir hulle: “Hoort verklarings nie by God nie? Vertel dit tog vir my!”

Genesis 41:15

Die farao sê toe vir Josef: “Ek het 'n droom gehad, en daar is niemand wat dit kan verklaar nie. Ek het van jou gehoor, naamlik dat jy net 'n droom hoef te hoor om dit te verklaar.”

Genesis 41:8

Die oggend was sy gees onrustig, en hy ontbied toe al die waarsêerpriesters en wyses van Egipte. Die farao vertel toe vir hulle sy drome; maar niemand kon dit vir die farao verklaar nie.

Daniël 2:1

In die tweede jaar van Nebukadnesar se regering het Nebukadnesar drome gedroom. Sy gees was ontsteld, en sy slaap was daarmee heen.

Daniël 4:5

Ek het 'n droom gehad, en dit het my verskrik. Die droombeelde in my bed en die visioene in my kop het my ontstel.